Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kɨpihac wê Pol kɨvuu vô tɨbii Lom ge 1:6 - Patep

6 Dɨ xam êno, Anutu tyuc xam ên nêb xam tu Yesu Kɨlisi xe.

အခန်းကိုကြည့်ပါ။ ကော်ပီ




Kɨpihac wê Pol kɨvuu vô tɨbii Lom ge 1:6
16 ပူးပေါင်းရင်းမြစ်များ  

Dêg nivɨha ge tɨyi xocbê il wê Anutu tyuc il. Il ya xomxo Yuda, lêc Anutu o tyuc xomxo Yuda vaci lêm. Nge, tɨbii wê o Yuda lêm gee tɨbeac hɨxôn.


Anutu tyuc xam ên nêb xam ob dô xêmyaa nivɨha hɨxôn nu tuc Yesu Kɨlisi wê il Apumtau ge, dɨ Anutu ob vông i tɨyi kɨyang wê nêl ge dɨ ob kɨtyoo kɨyang ti lêm.


Xame, a yetac mabu ên môp wê xam vông ge. Ên Anutu tyuc xam nêb xam tu i nue lec vɨzid wê Kɨlisi vông ge om xam vông i vin, lêc lutibed xam sea Anutu dɨ la vac xolac bangwe.


Anutu vông ya xovôên wê i vông ge om vɨnoo il ên nêb il tu i nue lec yuac wê Kɨlisi vông ge. Ên Anutu obêc nêl kɨyang ti ge od obêc vông i vô nôn lec tɨyi xocbê kɨyang wê yêp ilage.


Ilage xam dô teva ên Anutu, dɨ xam pɨyôp vông vevac vô Anutu, dɨ xam mi vông môp nipaên.


Ilage xolac val vô xam mɨ xam ngô dɨ xovô kɨyang nôn wê nêl kɨtong lec xêyaa vin lecên wê Anutu vông vô xam ge. Om gwêbaga xolac tige vô levac vac xam mahɨgun, dɨ la vô levac vac vɨgwe vɨhati dɨ vô nôn nivɨha vô xomxo tɨbeac.


ên xe nêb xam tɨmu vô môp nivɨha vɨhati wê Anutu vông ge. Anutu ge wê tyuc xam ên nêb xam lam vac i ben dɨ lam dô vac xêseac wê i vông ge hɨxôn i nue vông vinên vɨhati.


Mêgem Anutu nêb ob tung xam la dô vac xêseac wê il Apumtau Yesu Kɨlisi vông ge, om dɨdii xam pyap ya xolac nivɨha wê xe nêl vô xam ge.


Anutu vô il vêl ên il nêd nipaên dɨ tyuc il ên nêb il tɨmu vô môp ngɨbua wê i vông ge. Lêc o vô il vêl ên il nêd nipaên ên yuac ti wê il vông ge lêm. Nge, ilage wê Anutu gên o tung lag yuu kɨbun lêm ge, od ici va xo vɨgwe pɨsiv ên il dɨ xovô pyap ên nêb Yesu Kɨlisi ob yib ên il nêd nipaên.


Xam lige vông vinên wê Anutu vɨnoo xam ên nêb xam obêc dô hɨxôn i vac i ben kɨsiinê ge, xam xo Yesu pɨlihi, ên Yesu ge il Sinale yuu Hetplis wê il vông i vin i dɨ nêl i lê yêp seac.


Anutu tyuc xam ên nêb xam le xêkɨzêc vac vɨyin, ên Kɨlisi êno kɨlê vɨyin ên xam om hɨlung môp tige vô xam ên nêb xam tɨmu vô i vɨxa.


Lêc xam ge, Anutu vɨnoo xam pyap mɨ xam tu xomxo wê Anutu nêb ob viac xam ge, dɨ xam tu xomxo wê xam ob vông yuac vô Anutu tɨyi xocbê xomxo wê si daa vô Anutu ge, dɨ xam tu xomxo ngɨbua, dɨ xam tu xomxo wê Anutu vông ge, dɨ Anutu vɨnoo xam ên nêb xam loc nêl yuac nivɨha wê i vông ge kɨtong. Anutu tyuc xam om xam sea mapɨtoc dɨ i dɨdii xam vô xêseac nivɨha wê i vông ge.


Xam lige, Anutu tyuc xam dɨ vɨnoo xam pyap ên nêb xam tu i nue. Mêgem xam vông yuac xêkɨzêc, ên môp wê Anutu tyuc xam dɨ vɨnoo xam ge i vô nôn lec. Ên xam obêc vông bêge ge od xam ob le xêkɨzêc dɨ susu ti ob pwoo xam pec lêm,


A, Jut, Yesu Kɨlisi nu yuac a, dɨ Jems ge, a lig. A kɨvuu kɨpihac ga vô xam wê Anutu tyuc xam dɨ xam tɨmu vô i ge. Mag Anutu xêyaa vin lec xam dɨ Yesu Kɨlisi viac xam nivɨha.


Mêdêc he ob vông vevac vô bwoc Sipsip Nu. Lêc bwoc Sipsip Nu obêc ngɨnoo he vêl, ên i tu xomxo levac vɨhati nên Apumtau, dɨ tu king vɨhati nên king. Dɨ xomxo wê dô hɨxôn i dɨ ngô i vya mɨ tɨmu vô i vɨxa, dɨ ici va vɨnoo he, dɨ he vông i vin xêkɨzêc ge, xomxo tigee vông vevac hɨxôn bwoc Sipsip Nu mɨ he ngɨnoo vêl.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ