Kɨpihac wê Pol kɨvuu vô tɨbii Lom ge 1:3 - Patep

³ Xolac tiga nêl lec Anutu nu Yesu wê lam tu xomxo gê kɨbun ga, vac hɨpu wê Devit vông ge,

Kɨpihac wê Pol kɨvuu vô tɨbii Lom ge 1:3 ပူးပေါင်းရင်းမြစ်များ

Matyu 1:1

Yesu Kɨlisi tɨvae bue he lê yêp ga. Devit pum lec Eblaham dɨ Yesu pum lec Devit.

Matyu 1:16

Dɨ Jekop nu Josep wê vɨnê Malia. Dɨ Malia kô nu Yesu wê he nêl lê ên nêbê Kɨlisi.

Matyu 1:6

Dɨ Jesi nu Devit wê tu Islel nên king. Dɨ Devit nu Solomon. Solomon ta ge wê lɨya Yulaia.

Matyu 12:23

Om xomxo vɨhati wê yê ge yetac mabu dɨ nêl vôma ên nêbê, “Xomxo tige Devit nu, me?”

Matyu 15:22

Dɨ Kenan vêx ti wê dô vac vɨgwe tige lam vô Yesu dɨ keac levac ên nêbê, “O Apumtau, Devit nu ông, ông xo vɨgwe pɨsiv ên a, ên vɨmwo nipaên ti dô vac a nug vêx nɨlô dɨ vông i dô vac vɨyin mabu.”

Matyu 26:63

Lêc Yesu keacên ma. Mêdêc xomxo levac tige nêl vô i ên nêbê, “A nêl vô ông lec Anutu mavɨha lê bê ông nêl ông kɨtong vô xe bê ông Kɨlisi wê Anutu nu ge, me?”

Matyu 27:43

Xomxo tige nêbê i Anutu nu, dɨ i vông i vin ên nêbê Anutu ob ngɨdu i xôn. Om Anutu xêyaa obêc vin lec i ge od i vô i vêl ên myavɨnê wê tulec i ge.”

Matyu 3:17

Mêdêc vya ti lam gê lag puunê bêga nêbê, “A nug tige wê a xêgyaa vin lec i dɨ a xê i nivɨha.”

Matyu 9:27

Yesu sea vɨgwe tige mɨ la, dɨ xomxo yuu wê manôn toc ge tɨmu vô i vɨxa, dɨ keac vya levac ên nêbê, “Devit nu, xo vɨgwe pɨsiv ên xii.”

Yesu Kɨlisi xolac wê Luk kɨvuu ge 1:35

Mêd angela luu i vya ên nêbê, “Myakɨlôhô Ngɨbua obêc lam vô ông, dɨ xêkɨzêc wê Anutu lag puunê vông ge obêc lam hɨvun ông xôn, om nipwo ti wê ông obêc kô ge, xomxo ob nêb i ngɨbua dɨ i Anutu nu.

Yesu Kɨlisi xolac wê Luk kɨvuu ge 1:69

om vông xomxo xêkɨzêc ti kɨdi vac kehe Devit wê i nu yuac ge, ên nêb i ngɨdu il xôn dɨ vông il dô vac nivɨha,

Yesu Kɨlisi xolac nivɨha wê Jon kɨvuu ge 1:14

Kɨyang lam tu xomxo gê kɨbun ga dɨ i dô vac xe mahɨgun, om xe xê xêseac wê i vông ge. Xêseac tige Anutu vông vô nu tuc tibed, dɨ xêyaa vin lecên yuu kɨyang nôn hɨvun i xôn.

Yesu Kɨlisi xolac nivɨha wê Jon kɨvuu ge 1:34

A xê wê kɨyang tige vô nôn lec ge om a nêl kɨtong bê xomxo tige, Anutu nu.”

Yesu Kɨlisi xolac nivɨha wê Jon kɨvuu ge 1:49

Om Nataniel nêl ên nêbê, “Xolac kehe, ông ge Anutu nu. Ông tu xe Islel nêm xomxo levac.”

Yesu Kɨlisi xolac nivɨha wê Jon kɨvuu ge 10:30

Xii xôn Mag, nôn tibed.”

Yesu Kɨlisi xolac nivɨha wê Jon kɨvuu ge 10:36

Anutu nêb he Anutu, om bêna lêc xam nêl ên xam nêbê a so vyag vô Anutu ên wê a nêl ên a nêbê a Anutu nu ge? Ên a ga, Anutu vɨnoo a dɨ vông a lam kɨbun.

Yesu Kɨlisi xolac nivɨha wê Jon kɨvuu ge 20:28

Mêd Tomas nêl vô i ên nêbê, “Ông ge a Apumtau, dɨ ông a Anutu.”

Yesu Kɨlisi xolac nivɨha wê Jon kɨvuu ge 20:31

Lêc kɨyang wê a kɨvuu vac kɨpihac ga, a kɨvuu ên a nêb xam vông i vin bê Yesu ge Kɨlisi ti wê Anutu vông i lam ge dɨ i Anutu nu, ên xam obêc vông i vin ge od xam ob dô mamvɨha ên wê xam vông i vin Yesu ge.

Yesu Kɨlisi xolac nivɨha wê Jon kɨvuu ge 5:25

“A nêl hɨxôn nôn vô xam bê buc ti obêc val om val gwêba pyap, mêgem xomxo wê dô vac môp mayibên ge he ob ngô Anutu nu vya, dɨ he wê ngô ge ob dô mavɨha.

Yesu Kɨlisi xolac nivɨha wê Jon kɨvuu ge 7:42

Ên kɨyang yêp vac xolac bêga nêbê Kɨlisi kehe yêp vac Devit om obêc lam gê Betlehem vac Devit ben.”

Sinale 2:30

Lêc Devit ge plopet ti, om xovô kɨyang wê Anutu hɨlu pyap vô i ên nêb obêc vông Devit bue tɨmuên ti i tu king levac tɨyi xocbê Devit ge.

Sinale 3:13

Anutu ti wê Eblaham yuu Aisak dɨ Jekop dɨ il buge he Anutu, ge wê vông i nu yuac Yesu lê vô levac. Lêc xomxo tyo ti wê xam vông i la vac Pailat vɨgê dɨ Pailat nêb ob pɨwelac i vêl, lêc xam yax i vun vô Pailat manôn.

Sinale 8:36

Mêd yuu la vô môp mɨ la, dɨ mɨla vô mia ti, om xomxo tige nêl vô Pilip ên nêbê, “Wê lê. Mia yêp ga, om tɨyi wê ông ob lipac a ge, me?”

Sinale 9:20

Om lutibed Sol la vac Yuda xumac lɨlo dɨ la nêl Yesu kɨtong vô he bêga nêbê, “Yesu ge Anutu nu.”

Kɨpihac wê Pol kɨvuu vô tɨbii Lom ge 1:9

A ga wê a vông nɨlôg la yadɨluhu vô Anutu yuac dɨ a nêl nu tuc xolac kɨtong, om Anutu vaci xovô wê a mi xo xam vac kɨtaaên tɨyi lec buc vɨhati ge.

Kɨpihac wê Pol kɨvuu vô tɨbii Lom ge 4:1

Om il ob nêl kɨyang bêna lec il bug Eblahamê?

Kɨpihac wê Pol kɨvuu vô tɨbii Lom ge 9:3

Ên a nêb Anutu i vô a lige wê xe kehe tibed ge vêl, om a nêb obêc tɨyi ge od a ob kɨlê myavɨnê lec nipaên wê he vông ge dɨ Kɨlisi i kɨtya a vêl ên i ngɨdu a lige xôn.

Kɨpihac wê Pol kɨvuu vô tɨbii Lom ge 9:5

dɨ he ge wê he pum lec Eblaham yuu Aisak dɨ Jekop wê he bue taxlee ge, dɨ Yesu lam tu xomxo gê kɨbun ga ge od kehe yêp vac Islel. Kɨlisi ge Anutu, dɨ ici va tu susu vɨhati kehe, om il ob pɨmil i lê i vô levac dɨ i yêp luta lêc luta. Nôn.

1 Kolin 1:9

Anutu tyuc xam ên nêb xam ob dô xêmyaa nivɨha hɨxôn nu tuc Yesu Kɨlisi wê il Apumtau ge, dɨ Anutu ob vông i tɨyi kɨyang wê nêl ge dɨ ob kɨtyoo kɨyang ti lêm.

1 Kolin 10:18

Xam xovô lec môp wê he Islel mi vông ge. Ên he obêc tung daa vô Anutu lec alta dɨ ya vɨwen ge od tɨyi xocbê he hɨxôn Anutu wê i alta tige, he tu nôn tibed.

Galesia 4:4

Lêc buc wê Anutu vɨnoo pyap ge om vông nu tuc lam kɨbun mɨ vêx ti kô i dɨ i tɨmu vô Moses vông xolac,

1 Tesalonaika 1:10

Dɨ he nêl xam kɨtong ên nêbê xam dɨyaxên buc wê Anutu nu tuc ob sea ben lag puunê dɨ lop mɨ lôm ge. Anutu nu tuc ge wê yib lêc Anutu tɨpi vô i kɨdi lec mavɨha vac yibên. Ge Yesu wê ob vô il vêl ên Anutu xêyaa myavɨnê wê ob val vô xomxo lec buc tɨmuên ge.

1 Timoti 2:5

Anutu nôn tibed, dɨ xomxo tibed wê vông kɨsoac mɨ le vac il Anutu mahɨgun. Xomxo tige Yesu Kɨlisi.

1 Timoti 3:16

Anutu kɨyang nôn ge kehe levac mabu, om xomxo ti o tɨyi wê ob yax vun bê xolac nôn maên ge lêm. Kɨyang tige kehe nêl bêga ên nêbê, Kɨlisi lam tu xomxo kɨbun ga mɨ xomxo yê i, dɨ Myakɨlôhô Ngɨbua nêl kɨtong ên nêbê Kɨlisi ge xomxo nivɨha. Angela yê i, dɨ xomxo la nêl i kɨtong vac vɨgwe vɨyang vɨyang, dɨ xomxo kɨbun ga vông i vin i, dɨ Anutu kô i mɨ lax mɨ la lag puunê.

2 Timoti 2:8

Ông xovô kɨyang lec Yesu Kɨlisi i tii vac. Yesu pum lec Devit dɨ yib dɨ kɨdi lec mavɨha vac yibên. Kɨyang tiga xolac nivɨha wê a mi nêl ge.

1 Jon 1:3

Xe xê dɨ ngô pyap, om xe nêl kɨtong vô xam êno, ên xe nêb xam vông i vin dɨ lam kɨtuc lec xe, êdêc il vɨhati le tibed hɨxôn Mag Anutu yuu nu tuc Yesu Kɨlisi.

1 Jon 3:23

Dɨ i xolac bêga ên nêbê il vông i vin nu tuc Yesu Kɨlisi lê, dɨ il xêdyaa i vin lecma, i tɨyi xocbê xolac nêl vô il ge.

1 Jon 3:8

Lêc xomxo wê mi vông môp nipaên ge, he tu Seten xe, ên Seten vaci vông nipaên vô buc taxlee ilage, dɨ i lam tyip gwêbaga hɨxôn, om Anutu vông nu Yesu lam kɨbun ên nêbê i lam kɨtya Seten yuac vêl.

1 Jon 4:15

Om xomxo ti obêc nêl Yesu kɨtong bê Yesu ge Anutu nu ge od Anutu dô vac i nɨlô dɨ i dô vac Anutu nɨlô.

1 Jon 5:1

Xomxo vɨhati wê vông i vin Yesu ên nêb i Kɨlisi wê Anutu vông i lam ge, ge he tu Anutu nue. Dɨ he xêyaa obêc vin lec Mag Anutu ge od he xêyaa obêc vin lec Anutu nue hɨxôn.

1 Jon 5:20

Il xovô ên il nêbê Anutu nu tuc lam vông xovôên vô il ên nêb il xovô Anutu nôn. Mêd gwêbaga il dô vac Anutu yuu nu tuc Yesu Kɨlisi nɨlô. Dɨ Anutu ge, Anutu nôn vɨxôhɨlôg dɨ mavɨha kehe wê il ob dô madvɨha luta lêc luta ge.

1 Jon 5:5

Om letya tɨyi wê ob le xêkɨzêc dɨ pwoo nipaên kɨbun ga pec ge? Ge xomxo wê vông i vin Yesu nêb i Anutu nu nôn ge wê obêc pwoo i pec.

2 Jon 1:7

Xomxo kɨtyooên tɨbeac dô vac vɨgwe vɨhati. Xomxo tigee mi nêl ên nêbê Yesu Kɨlisi o lam tu xomxo lêm, om xomxo tibêgee xomxo kɨtyooên wê he vông vevac vô Kɨlisi ge.

Levelesen 2:18

Nang dêc Yesu nêl vô a ên nêbê, “Ông kɨvuu a kɨyang ga i loc vô xomxo wê tu konglegesen Taiataila nên bazub ge bêga bê Anutu nu tuc a wê a magngɨluhu linac tɨyi xocbê ngwax ge dɨ a vɨxag tɨyi xocbê ain wê xomxo si lec ngwax mɨ i vô hi ge.