Kɨpihac wê Pol kɨvuu vô tɨbii Lom ge 1:18 - Patep

¹⁸ Il xovô ên il nêbê Anutu xêyaa vô myavɨnê vô xomxo nipaên om ici va obêc vông myavɨwen vô he lec nipaên wê he vông ge, ên he vô nɨmi vô Anutu dɨ vông môp nipaên luu vêl, om nipaên wê he vông ge kɨtya kɨyang nôn vêl ên he nɨlô.

Kɨpihac wê Pol kɨvuu vô tɨbii Lom ge 1:18 ပူးပေါင်းရင်းမြစ်များ

Kɨpihac wê Pol kɨvuu vô tɨbii Lom ge 1:19

Anutu ob vông myavɨwen vô he, ên môp wê Anutu vông ge ti o yêp xôpacên mɨ he lungên lêm. Nge, vɨhati yêp seac tɨyi wê xomxo ob yê dɨ xovô ge, ên Anutu vaci hɨlung vô he.

Kɨpihac wê Pol kɨvuu vô tɨbii Lom ge 1:28

He nêb he ob xovô Anutu vac pɨyôp wê he vông ge lêm, mêgem Anutu sea he dɨ he tɨmu vô môp nipaên wê heche va pɨyôp xovô ge.

Kɨpihac wê Pol kɨvuu vô tɨbii Lom ge 1:32

Xomxo tigee xovô kɨyang wê Anutu nêl ên nêbê xomxo obêc vông môp nipaên tibêgee ge od tɨyi wê he ob yib lec nipaên wê he vông ge. He xovô kɨyang tige lê, lêc he o sea môp nipaên wê he mi vông ge lêm, dɨ he nên nipaên ti yêp hɨxôn bêga nêbê he pɨmil xomxo wê vông nipaên gee hɨxôn.

Kɨpihac wê Pol kɨvuu vô tɨbii Lom ge 2:3

Xame, xam vô nɨlôm vô tɨbii lec môp nipaên wê he mi vông ge, lêc xam êno môp nipaên yêp vô xam, lêcom xam so ên xam nêbê mêd myavɨwen wê Anutu vông ge obêc tulec xam hɨxôn lêm.

Kɨpihac wê Pol kɨvuu vô tɨbii Lom ge 3:9

Om il ob nêbê va? Xe Yuda ngɨnoo xomxo baba vêl, me? Ma vêl. Ên a nêl pyap vô xam ên a nêbê xe Yuda hɨxôn xam tɨbii ba, il xôn vɨhati dô vac nipaên nɨlô.

Kɨpihac wê Pol kɨvuu vô tɨbii Lom ge 4:15

Il xovô ên il nêbê xomxo ti obêc pwoo Moses xolac vac ge od ob tulec myavɨwen. Xolac yêpên obêc ma ge od o tɨyi wê il ob nêl bê xomxo pwoo kɨyang vac ge lêm. Lêc xolac yêp, om vông xovôên vô il.

Kɨpihac wê Pol kɨvuu vô tɨbii Lom ge 5:6

Ilage il xêkɨzêc o tɨyi wê ob vô il vêl ge lêm, lêc vô buc gwêbaga Kɨlisi lam yib, ên nêb ob kɨtya il wê il vô nɨmid vô Anutu ge nêd nipaên vêl.

Kɨpihac wê Pol kɨvuu vô tɨbii Lom ge 5:9

Yesu hi vông Anutu yê il nivɨha dɨ kɨtya il nêd nipaên vêl om il xovô vɨnux ên il nêbê Yesu ob vô il vêl ên xêyaa myavɨnê wê Anutu ob vông vô il tɨmuên ge.

Kɨpihac wê Pol kɨvuu vô tɨbii Lom ge 6:13

Xam o lêc vông nimnɨvi i loc vac môp vɨlu wê nipaên ge lêm. Xam vông nɨlôm i loc dɨluhu vô Anutu, ên xam tɨyi xocbê xomxo wê kɨdi lec vac yibên mɨ dô mavɨha ge, om xam vông xam i loc yadɨluhu vô Anutu, dɨ dô vac môp nivɨha.

Epesas 5:6

Xam viac xam, ên xomxo kɨtyooên obêc val nêl kɨyang vɨdaaên vô xam ên nêb ob dɨdii xam mɨ la vac môp nipaên ge od xam o lêc ngô kɨyang wê he vông ge lêm. Ên Anutu xêyaa vô myavɨnê vô xomxo wê pwoo i kɨyang vac dɨ tɨmu vô môp nipaên tibêgee.

Kolosi 3:6

Anutu xêyaa vô myavɨnê vô xomxo wê vông môp nipaên tibêgee, om obêc vông myavɨwen nipaên vô he.

2 Tesalonaika 2:10

dɨ ob vông môp nipaên wê kɨtyooên ge vɨhati ên nêb i kɨtyoo xomxo wê ob la dô vac nipaên luta ge. Xomxo tigee xêyaa obêc vin lec Anutu kɨyang nôn ge od Anutu ob vô he vêl ên he nên nipaên, lêc he vô nɨmi vô om Anutu ob kɨtya he vêl.

2 Tesalonaika 2:6

Lêcom xam xovô ên xam nêbê gwêbaga xomxo ngwe le vac xomxo nipaên tyo nên môp xôn ên nêb i lamên i ma, lêc ob lam le seac vô buc tɨmuên wê Anutu vɨnoo vô i ge.