Yesu Kɨlisi xolac wê Mak kɨvuu ge 7:4 - Patep

⁴ Dɨ he ob la kɨsuu yaên vac maket ge od ob vena lipac pyap lêc ya tɨmuên. Dɨ he mi tɨmu vô môp wê bue vông ge tɨbeac hɨxôn, xocbê môp wê ob lipac kap yuu pɨle hɨxôn dêg ge.

Yesu Kɨlisi xolac wê Mak kɨvuu ge 7:4 ပူးပေါင်းရင်းမြစ်များ

Matyu 23:25

“Xam wê xam xovô Moses xolac gee hɨxôn xam Palisi, xam tɨbii kɨtyooên, xam nɨlôm pɨtal pyap. Xam mi lipac nimnɨvi pɨleva tɨyi xocbê xam lipac kap yuu pɨle nɨmi ge, dom xam nɨlôm ge, môp yôdac hɨxôn môp nipaên pup lec.

Matyu 23:26

Xam Palisi matocên, xam lipac kap yuu pɨle nɨlô i vô nivɨha lê, êdêc nɨmi i vô nivɨha lec hɨxôn.

Matyu 27:24

Pailat xovô wê he ngôên i kɨyang obêc ma ge, dɨ yaxên wê he obêc vông vevac vô i ge, om hôm mia dɨ lipac vɨgê vac mia vô he vɨhati manôn, dɨ nêl vô he ên nêbê, “Xomxo tiga hi obêc kɨpyax sea ge od myavɨwen obêc yêp vô a lêm. Nge, obêc yêp vô xacxam va.”

Yesu Kɨlisi xolac wê Mak kɨvuu ge 7:8

Om a nêl vô xam bêga bê xam sea Anutu xolac la yêp xel dɨ la tɨmu vô môp wê xomxo vaci mi vông ge.”

Yesu Kɨlisi xolac nivɨha wê Jon kɨvuu ge 2:6

Dêg ngɨdax vɨgê vɨlu dɨ sec ti le, wê he mi lipac vɨgê hɨxôn susu ya vac tɨyi môp wê Yuda mi vông ge. Dêg tige levac mabu om dêg toto ge tɨyi xocbê ob kɨlê mia vac dêg nipwo kehe ti, me kehe ti dɨ vɨgê yuu mɨ too vac lêc i pup lec.

Yesu Kɨlisi xolac nivɨha wê Jon kɨvuu ge 3:25

Jon nue ngɨvihi hɨxôn Yuda ti ngaênma lec môp wê mia lipacên ge.

Hiblu 9:10

Dɨ môp wê he vông ge xocbê môp yaên yuu mia numên dɨ mia lipacên, môp tigee ngɨdu ninɨvi pɨleva xôn. Lêc Anutu vông môp tigee vô he ên nêb he i tɨmu vô, dɨ i loc tyip lec buc tɨmuên wê ici va obêc vông môp paha ge.

Jems 4:8

Xam loc kwabo vô Anutu, ên xam obêc la kwabo vô Anutu ge od Anutu êno ob lam kwabo vô xam. Lêc xam ge tɨbii nipaên, om xam pɨlepac nɨlôm i vô paha lec i tɨyi xocbê xomxo lipac vɨgê vô paha lec ge. Xam nɨlôm ge vông yuu, om xam sea vɨlu wê nipaên ge dɨ vông nɨlôm yuu pɨyôp i loc dɨluhu vô Anutu.

1 Jon 1:7

Lêc il obêc tup vô môp xêseac tɨyi xocbê Anutu wê dô vac xêseac ge od il hɨxôn lige vɨhati, il ob dô hɨxôn xêdyaa vin lec maên, dɨ Anutu nu tuc Yesu hi ob kɨtya il nêd nipaên vɨhati vêl dɨ vông il vô paha lec.