Yesu Kɨlisi xolac wê Mak kɨvuu ge 7:21 - Patep

²¹ Ên kɨyang nipaên wê yêp vac xomxo nɨlô lêc lam le seac ge bêga nêbê xovôên nipaên, môp yôdac vêx yuu vux, vunên xomxo susu yôdac, hiên xomxo yib,

Yesu Kɨlisi xolac wê Mak kɨvuu ge 7:21 ပူးပေါင်းရင်းမြစ်များ

Matyu 15:19

Ên susu wê lam vac xomxo nɨlô ge bêga nêbê, xovôên nipaên, hi xomxo yib, vông môp iimaên vô nipaên, môp yôdac vêx yuu vux, vun xomxo susu, nêl kɨyang kɨtyooên, dɨ nêl kɨyang nipaên lec xomxo.

Sinale 8:22

Om ông pɨlepac ông dɨ vô nɨmim vô môp nipaên wê ông vông ge, dɨ ông kɨtaa vô Apumtau ên i kɨtya ông nêm nipaên wê yêp vac ông nɨlôm ge vêl,

Matyu 9:4

Lêc Yesu xovô kɨyang wê he xo vac nɨlô ge, om nêl vô he ên nêbê, “Bêna lêc xam xo kɨyang nipaên bêge vac nɨlômê?

Jems 2:4

Xam obêc vông bêge ge od ge xam yaxên xomxo ya pɨyôp soên wê xam vông ge mɨ wê xomxo ya nivɨha dɨ wê ya nipaên.

Yesu Kɨlisi xolac wê Luk kɨvuu ge 16:15

Om Yesu nêl vô he ên nêbê, “Xam ge wê xam yong xam ên xam nêbê xomxo i yê xam nêbê xam nivɨha, lêc Anutu xovô xam nɨlôm nêb nipaên, ên môp wê xomxo yê nêb nivɨha ge, ge wê Anutu yê ên nêb juda juda nipaên.

Kɨpihac wê Pol kɨvuu vô tɨbii Lom ge 7:8

Xolac nêl môp madoên kɨtong yêp seac, om nipaên wê yêp vac il nɨlôd ge vông môp madoên vɨyang vɨyang ge vô levac vac il nɨlôd. Xolac obêc ma ge od xêkɨzêc wê nipaên vông ge obêc yêp lêm. Lêc xolac yêp om nipaên vông yuac vac il nɨlôd.

Sinale 5:4

Ilage wê tɨbii gên o kɨsuu kɨbun tige lêm ge, od kɨbun tige tu ôcông va xe. Dɨ buc wê tɨbii kɨsuu pyap ge od mone ge ôcông va xe. Bêna lêc ông xovô môp tibêge yêp vac nɨlômê? Ông o kɨtyoo xomxo lêm. Nge, ông kɨtyoo Anutu.”

Kɨpihac wê Pol kɨvuu vô tɨbii Lom ge 7:5

Ilage il tɨmu vô môp tɨyi wê icil va xovô ge, lêc kɨyang wê yêp vac Moses xolac ge vông nipaên wê yêp vac il nɨlôd ge kɨdu il om il vông môp nipaên. Dɨ nipaên vông yuac vac il nidnɨvi om vông il tulec nôn wê yibên ge.

Taitas 3:3

Ên ilage il pɨyôp maên êno, dɨ il vô nɨnyad kɨtu vô kɨyang, dɨ Seten dɨdii il mɨ la vac môp nipaên, dɨ il nɨlôd kɨdu il ên môp vɨyang vɨyang wê il xovô ên il nêb il ob vông ge, hɨxôn môp wê il nidnɨvi yê nivɨha ge, om môp nipaên tibêgee viac il ilage, dɨ il nɨlôd xo nipaên lec xomxo, dɨ il do mad vô susu wê xomxo vông ge. Xomxo yê il nipaên, dɨ il xê he nipaên.

Yesu Kɨlisi xolac wê Mak kɨvuu ge 7:20

Dɨ Yesu nêl vô he ên nêbê, “Kɨyang wê yêp vac xomxo nɨlô lêc lop mɨ lam vɨxun ge wê ob vông he vô nipaên.

Yesu Kɨlisi xolac wê Mak kɨvuu ge 7:22

vông môp iimaên vô nipaên, môp madoên, môp nipaên yaya, nêl kɨyang kɨtyooên, vông môp vaxvax, yê xomxo nipaên, nêl kɨyang nipaên lec xomxo, yong he, dɨ vông môp vaxvax tɨyi xocbê pɨyôp nivɨha ti o yêp vô he lêm.

Kolosi 3:5

Xam obêc kô xêseac wê Kɨlisi vông ge, om xam lêc sea môp kɨbun ga wê yêp vac xam nɨlôm ge i loc yêp xel. Môp nipaên tigee bêga nêbê môp yôdac vêx yuu vux, môp ningeac, môp yôdac vɨyang vɨyang wê xam nimnɨvi xovô ge, môp nipaên wê xam nɨlôm kɨdu xam ên nêb xam vông ge, dɨ môp wê xam wê xomxo ngwe susu dɨ nɨlôm yetac ên ge, ên môp tige tɨyi xocbê xam yev vɨxam kɨtu vô anutu kɨtyooên.