Matyu 5:7 - Patep

⁷ “Xomxo wê xo vɨgwe pɨsiv ên xomxo ge, he i dô hɨxôn xêyaa nivɨha, ên Anutu obêc xo vɨgwe pɨsiv ên he.

Matyu 5:7 ပူးပေါင်းရင်းမြစ်များ

Yesu Kɨlisi xolac wê Mak kɨvuu ge 11:25

“Dɨ buc wê xam ob kɨtaa vô Anutu ge od lime ti nên soên obêc yêp vô xam ge od xam kɨtya nipaên tige vêl lê, êdêc Mag wê dô lag puunê ge i kɨtya xam nêm nipaên vêl hɨxôn.

Yesu Kɨlisi xolac wê Luk kɨvuu ge 6:35

Om a ob nêl vô xam bê xam xêmyaa i vin lec xomxo wê vông vevac vô xam ge dɨ vông nivɨha vô he, dɨ xam vông susu vô xomxo dɨ le i lêc xo bê he i vông myavɨwen vac vô xam lêm. Xam obêc vông bêge ge od xam ob kô nôn nivɨha luu vêl tɨmuên dɨ xam ob tu Anutu lag puunê nue. Ên Anutu ge wê vông nivɨha vô tɨbii nipaên wê o mi pɨmil i lêm ge.

Kɨpihac wê Pol kɨvuu vô tɨbii Lom ge 11:30

Xam wê xam o Islel lêm ge, ilage xam pwoo Anutu kɨyang vac, lêc gwêbaga Anutu xo vɨgwe pɨsiv ên xam, ên he Islel pwoo kɨyang vac, om Anutu vông xêyaa vin lecên wê i vông ge loc vô xam.

1 Kolin 7:25

Vêx yuu vux wê gên o iima lêm ge, Apumtau o nêl kɨyang ti vô a lec he lêm, lêc a ob nêl i tɨyi xovôên wê a vông ge, ên Apumtau xo vɨgwe pɨsiv ên a dɨ vông xovôên vô a, om kɨyang wê a nêl ge nivɨha tɨyi wê xam ob vông i vin ge.

2 Kolin 4:1

Anutu xo vɨgwe pɨsiv ên xe dɨ vông yuac sinale tige vô xe, om xe nim o ma lec yuac tige lêm.

Epesas 4:32

Xam vông nivɨha vôma dɨ xo vɨgwe pɨsiv ênma, dɨ xomxo ti obêc vông nipaên vô xam ge od xam kɨtya i nên nipaên vêl i tɨyi xocbê Anutu kɨtya xam nêm nipaên vêl lec Yesu Kɨlisi lê ge.

Kolosi 3:12

Anutu vɨnoo xam pyap ên nêb xam tu i nue, dɨ i xêyaa vin lec xam. Mêgem xam lêc tɨmu vô môp nivɨha bêga bê xam xo vɨgwe pɨsiv ên xomxo, dɨ vông nivɨha vô he, dɨ xam pɨlepac xam mɨ vô nipwo lec, dɨ xam lum nêl kɨyang malehe vô xomxo, dɨ le i lêc vông nipaên vac nipaên lêm.

1 Timoti 1:13

Ilage a so vyag vô Yesu lê, dɨ vông vɨyin levac vô xomxo wê vông i vin Yesu ge, dɨ a kô a lec dɨ vông he vô nipaên. A mi vông môp tibêgee lê, lêc a gên o vông i vin Kɨlisi lêm om a o xovô nipaên wê a vông ge lêm. Mêgem il lig Apumtau xo vɨgwe pɨsiv ên a,

1 Timoti 1:16

Lêc Yesu xo vɨgwe pɨsiv ên a ên nêb xomxo nipaên vɨhati he i yê dɨ xovô bê a ga xomxo nipaên nôn, lêc Yesu o kɨtya a vêl lutibed lêm. Nge, xo vɨgwe pɨsiv ên a. Om he ob yê dɨ vông i vin Yesu dɨ dô mavɨha luta lêc luta.

Hiblu 4:16

Il xovô bêge, mêgem il ob la kwabo vô Anutu wê vɨzid nivɨha kehe ge, dɨ il ob xona ên i lêm. Nge, il ob kɨtaa vô i vô buc wê il tulec vɨyin ge, ên Anutu i xo vɨgwe pɨsiv ên il dɨ vông vɨzid nivɨha wê i vông ge i ngɨdu il xôn.

Hiblu 6:10

Ên Anutu o xomxo nipaên ti lêm, om ob lungên yuac nivɨha wê xam vông vô i ge lêm. Nge, Anutu yê dɨ xovô yuac nivɨha wê xam vông ge, dɨ xovô ên nêbê xam xêmyaa vin lec i om xam mi ngɨdu lime vông vinên xôn. Xam vông yuac tyo ilage dɨ i yêp gwêbaga hɨxôn.

Jems 2:13

Mêgem xomxo ti obêc xo vɨgwe pɨsiv ên xomxo baba lêm ge od Anutu obêc xo vɨgwe pɨsiv ên xomxo tibêge lec buc wê ob tɨtô il nêd kɨyang ge lêm. Lêc xomxo wê xo vɨgwe pɨsiv ên xomxo baba ge, ge wê obêc la dô nivɨha vô buc wê Anutu ob tɨtô il nêd kɨyang ge.

Jems 3:17

Lêc xomxo wê kô xovôên nivɨha vô Anutu ge od ob vông môp bêga bê nipaên ti o yêp vac he nɨlô lêm, dɨ he dô vac malehe, dɨ he lum nêl kɨyang vôma, dɨ he vô nɨnya lehe vô lie kɨyang, dɨ he xo vɨgwe pɨsiv ên xomxo dɨ vông môp nivɨha vô he, dɨ he vông môp nivɨha vô xomxo vɨhati tɨyima, dɨ he vông i vin nôn dɨ o nêl ya mya pɨleva lêm.

1 Pita 2:10

Ilage xam o dô tɨyi xocbê Anutu nue ge lêm, lêc gwêbaga xam tu Anutu nue. Ilage Anutu o xo vɨgwe pɨsiv ên xam lêm, lêc gwêbaga Anutu xo vɨgwe pɨsiv ên xam.