Matyu 5:25 - Patep

²⁵ “Xomxo ti obêc kô ông mɨ la kot lêc muu ob gên dɨloc vô môp ge od muu viac kɨyang vôma. Lêc obêc ma ge od xomxo tyo obêc tung ông la vac hɨzap levac vɨgê, dɨ hɨzap levac ob vông ông la vac xêhɨpu vɨgê, dɨ xêhɨpu ob tung ông la dô vac kalabuhu,

Matyu 5:25 ပူးပေါင်းရင်းမြစ်များ

Matyu 26:58

Mêdêc Pita tɨmu vô Yesu vɨxa mɨ la, lêc le la teva teva, om mɨla vac xenac nɨlô wê Kaiapas ben yêp vac ge mɨ la dô hɨxôn Kaiapas nue yuac wê viac vɨgwe ge ên nêb ob yê bê xomxo ob vông bêna vô Yesu.

Yesu Kɨlisi xolac wê Luk kɨvuu ge 18:3

Dɨ vêxôv ti dô vac vɨgwe tige, lêc la mi kɨtaa hɨzap tige tɨyi buc vɨhati ên nêbê, ‘Tɨbii ti nêb ob vông kɨyang vô a, om a nêb ông ngɨdu a xôn ên a nêg kɨyang.’

2 Kolin 6:2

Ên Anutu kɨyang yêp vac kɨpihac xolac bêga ên nêbê, “Vô buc nivɨha wê a xo vɨgwe pɨsiv ên xam ge, om a vô nɨnyag vô xam vyam, dɨ buc wê a nêb a ob vô xam vêl ge om a ngɨdu xam xôn.” Anutu nêl bêge, om xam wê lê. Gwêbaga buc nivɨha tyo mê. Dɨ buc wê Anutu ob vô il vêl ge, val gwêbaga.

Hiblu 12:17

mêd buc ya lam la vêl, lêc Iso nêb ob kô kɨtaaên nivɨha vô ma, lêc ma nêbê tɨyiên ma, om Iso byag levac dɨ myag môp wê ob pɨlepac nɨlô dɨ kô kɨtaaên nivɨha tige, lêc môp ti o yêp lêm.

Hiblu 3:13

Buc wê Anutu nêl ilage ên nêbê, “Gwêbaga”, ge Anutu o nêl lec buc ilage tibed lêm. Nge, nêl lec gwêbaga hɨxôn. Om buc vɨhati ge, xam nêl kɨyang nivɨha wê ob ngɨdu xam xôn ge vôma, êdêc môp nipaên i o lêc kɨtyoo xam dɨ vông xam nɨlôm i le teva ên Anutu lêm.

Hiblu 3:7

Ngô lê. Myakɨlôhô Ngɨbua nêl vac xolac bêga ên nêbê, “Gwêbaga xam obêc ngô Anutu kɨyang ge