Matyu 5:15 - Patep

¹⁵ Xomxo ti obêc byêx ngwax vac lam ge od obêc lax i la le xôpacên vac dêg nɨlô lêm. Nge, ob yu i la yux seac ên nêb i linac lec xomxo vɨhati wê dô vac xumac nɨlô ge.

Matyu 5:15 ပူးပေါင်းရင်းမြစ်များ

Yesu Kɨlisi xolac wê Mak kɨvuu ge 4:21

Yesu nêl ên nêbê, “Xomxo ti obêc byêx ngwax vac lam ge od ob lax i la vac dêg, me lax i la le vac pêt ngɨbi, me? Ma, ob lax i le lec tevol kɨsii ên i linac vac vɨgwe.

Yesu Kɨlisi xolac wê Luk kɨvuu ge 11:33

“Xomxo ti obêc byêx ngwax vac lam ge od ob vun vac pêt ngɨbi me lax dêg lec xôn lêm. Nge, ob lax i le lec tevol kɨsii ên xomxo wê ob lam vac xumac nɨlô ge i lam yê xêseac.

Yesu Kɨlisi xolac wê Luk kɨvuu ge 11:36

Ên nimnɨvi vɨhati obêc dô vac xêseac dɨ mapɨtoc ma ge od nimnɨvi obêc xêseac nivɨha xocbê lam xêseac linac lec ông ge.”

Yesu Kɨlisi xolac wê Luk kɨvuu ge 8:16

“Xomxo ti obêc byêx ngwax vac lam ge od ob lax dêg lec me vun vac pêt ngɨbi lêm. Nge, ob yu i yux seac ên xomxo wê ob lam vac xumac nɨlô ge, he i lam yê xêseac.

Pilipai 2:15

Xam sea môp tibêge êdêc nipaên ti i o lêc yêp vô xam lêm. Nge, xam tu xomxo wê nivɨha ge, ên Anutu nue ge wê nipaên ti o yêp vac he nɨlô lêm. Ên xomxo kɨbun ga wê dô hɨxôn xam gwêbaga ge, he ge xomxo nipaên wê dô vac mapɨtoc, ên he sea môp nivɨha dɨ tɨmu vô môp nipaên. Om xam dô vac he mahɨgun tɨyi xocbê lam ên i vông xêseac vô he,

Hiblu 9:2

Om he lox xumac sel wê nɨlô yuu yêp vac ge. Nɨlô ngwe yêp tax dɨ ngwe yêp tɨmuên. Mêdêc lam ti le vac xumac nɨlô ngwe wê yêp tax ge. Dɨ tevol ti wê he mi tung blet lec ge le vac xumac nɨlô tige hɨxôn. Blet tige tɨyi xocbê he tung daa vô Anutu. Om xumac nɨlô ngwe wê yêp tax ge he nêl ên nêbê xumac nɨlô ngɨbua.

Levelesen 2:5

Om xam lêc xovô môp wê xam vông vô a ilage i tii vac, dɨ pɨlepac nɨlôm i loc vô yuac nivɨha wê xam vông taxlee ge. Lêc xam obêc pɨlepac xam lêm ge od a obêc val vô xam nêm lam gol vêl.