Matyu 26:24 - Patep

²⁴ Vɨxôhɨlôg, a Xomxo Nu, a ob xib tɨyi xocbê xolac nêl lec a ilage. Lêc xomxo ti wê ob nêl a kɨtong dɨ vông a la vac tɨbii vɨgê ge obêc kô myavɨwen nipaên lec. Ta obêc kô i ilage lêm ge od obêc vô nivɨha vô i, ên obêc tulec myavɨwen nipaên lêm!”

Matyu 26:24 ပူးပေါင်းရင်းမြစ်များ

Matyu 18:7

“Xomxo kɨbun ga wê dɨdii xomxo mɨ la vac nipaên ge, myavɨwen nipaên ob tulec he vɨhati. Vɨxôhɨlôg, nipaên vɨyang vɨyang ge ob yaxên il, lêc xomxo ngwe obêc dɨdii xomxo ngwe mɨ la vac nipaên ge od i xona nên, ên obêc tulec myavɨwen nipaên.

Matyu 26:31

Mêdêc Yesu nêl vô nue ngɨvihi ên nêbê, “Vô bucên tiga xam vɨhati ob pec ên vɨyin wê ob val tulec a ge. Ên kɨyang yêp vac xolac bêga nêbê, ‘A ob hi xomxo ti wê viac bwoc sipsip ge om sipsip obêc pec dɨ moo sea.’

Matyu 26:54

Lêc a obêc vông bêge ge od kɨyang wê yêp vac xolac ge obêc vô nôn lec tibêna? Ên xolac nêl ên nêbê vɨyin levac obêc tulec a.”

Matyu 26:56

Lêc môp wê xam vông vô a gwêbaga ge vông xolac wê plopete kɨvuu ilage vô nôn lec.” Yesu nêl kɨyang tige pyap dɨ nue ngɨvihi pec mɨ moo sea.

Yesu Kɨlisi xolac wê Mak kɨvuu ge 14:21

Vɨxôhɨlôg, Xomxo Nu ob yib tɨyi xocbê xolac nêl ilage, lêc xomxo ti wê ob vông Xomxo Nu la vac tɨbii vɨgê ge, obêc kô myavɨwen nipaên lec tɨmuên. Om xomxo tige yubacên obêc ma ilage ge od obêc nivɨha.”

Yesu Kɨlisi xolac wê Mak kɨvuu ge 9:12

Om Yesu nêl vô yon ên nêbê, “Vɨxôhɨlôg, Ilaija ge wê ob val mug ên vông môp yuu kɨyang i vô nivɨha lec lê. Lêc bêna lêc kɨyang yêp vac xolac hɨxôn bêga nêbê Xomxo Nu obêc kô myavɨnê mabu dɨ xomxo obêc yê i nipaên dɨ vô nɨmi vô i hɨxôn?

Yesu Kɨlisi xolac wê Luk kɨvuu ge 22:22

A, Xomxo Nu, a ob xib i tɨyi xocbê kɨyang wê Anutu nêl pyap ge lê, lêc xomxo ti wê ob vông a la vac he vɨgê ge obêc kô myavɨwen levac lec tɨmuên.”

Yesu Kɨlisi xolac wê Luk kɨvuu ge 24:46

dɨ i nêl vô he ên nêbê, “Kɨyang yêp bêga nêbê Kɨlisi wê Anutu nêb ob vông i lam ge obêc kô myavɨnê dɨ yib, dɨ buc ti wê vông yon ge od obêc kɨdi lec mavɨha vac yibên nang,

Yesu Kɨlisi xolac nivɨha wê Jon kɨvuu ge 17:12

Buc wê a dô hɨxôn he ge a viac he dɨ he dô vac ông lêm ti wê ông vông vô a ge. A viac he nivɨha om he ti ob la xôa ma lêm. Lêc xomxo tibed ob kô myavɨwen mɨ la xôa ma, ên kɨyang wê yêp vac xolac ge i vô nôn lec.

Yesu Kɨlisi xolac nivɨha wê Jon kɨvuu ge 19:24

Om tɨbii vevac nêl vôma ên nêbê, “Il ob lêx nivɨmihi tige lêm, om il ob tɨde mɨ xê bêc letya ob kô.” He nêl bêge om kɨyang ti wê yêp vac kɨpihac xolac ge vô nôn lec, kɨyang wê nêl bêga nêbê, “He tɨtang a ngakwi tɨyi he dɨ he tɨde nêb he tina wê ob kô ngakwi dia wê a vông ge.” Tɨbii vevac vông môp tibêge.

Yesu Kɨlisi xolac nivɨha wê Jon kɨvuu ge 19:28

Tige pyap mêd Yesu xovô nêbê yuac vɨhati pyap, om nêl ên nêbê, “A ob num mia.” Yesu nêl bêge om kɨyang bo ti wê yêp vac kɨpihac xolac ge vô nôn lec.

Sinale 2:23

Ilage Anutu xovô dɨ hɨlu kɨyang pyap nêb ob vông Yesu i lam vac xam vɨgêm dɨ xam vông i vac tɨbii nipaên vɨgê mɨ he hi i yib lec xax pola.

Sinale 28:23

He nêl bêge om he Pol tung buc ti dɨ buc tige xomxo tɨbeac la vô Pol vac xumac wê mi dô vac ge. Mêd Pol nêl xolac vô he vô pɨtoc yuu vɨdiiên dɨ i la vɨgwe bucên hɨxôn, om nêl Anutu ben kehe kɨtong vô he, dɨ nêl Moses he plopete vya kɨtong ên nêb he i xovô bê Moses he plopete nêl kɨyang tige lec Yesu.

Sinale 4:28

He kɨtucma ên nêb ob hi Yesu, tɨyi kɨyang wê ông nêl pyap ilage ya xêkɨzêc wê ông vông ge, ên ông nêb obêc vô nôn lec tɨmuên.

1 Kolin 15:3

Kɨyang taxlee wê luu kɨyang baba vêl ge, a ngô dɨ a nêl ila vô xam bêga ên a nêbê Kɨlisi yib ên il nêd nipaên, tɨyi xocbê xolac nêl ilage.