Matyu 23:8 - Patep

⁸ “Lêcom a ob nêl vô xam bêga bê xomxo ti i o lêc nêl vô xam bê xam ge xolac kehe lêm. Ên xomxo tibed tu xam nêm xolac kehe, dɨ xam vɨhati xam lime.

Matyu 23:8 ပူးပေါင်းရင်းမြစ်များ

Matyu 10:25

Lêc nipwo xumac xulacên ti obêc tɨyi ma wê hɨlung yuac vô i ge od pyap, dɨ xomxo ti obêc tɨyi xomxo levac wê viac yuac ge od pyap. A tɨyi xocbê xomxo levac wê a viac xumac ge, dɨ xomxo nêl Seten lê ngwe Bielsebul lec a, om xam xovô bêga bê he obêc nêl a nipaên ge od he ob nêl nipaên lec a nuge xam hɨxôn luu vêl.

Matyu 17:5

Pita gên nêl kɨyang tibêge, mêdêc vɨyobtoc wê xêseac ge ti lam hɨvun he xôn, dɨ vya ti lam vac vɨyobtoc tige nɨlô dɨ nêl ên nêbê, “Ge a nug wê a xêgyaa vin lec i dɨ a xê i nivɨha ge om xam ngô kɨyang wê i vông ge.”

Matyu 23:10

Dɨ xomxo ti i o lêc nêl vô xam bê xam xomxo levac lêm. Ên xam nêm xomxo levac tibed ge Kɨlisi.

Matyu 23:7

dɨ he xêyaa vin lec wê he ob la vɨlee lec wetôv ên nêb xomxo i kô he lec, dɨ xêyaa vin lec nêb xomxo i nêl bê he xolac kehe.

Matyu 26:25

Mêdêc Judas wê ob nêl i kɨtong ge kɨnêg ên nêbê, “Xolac kehe, obêc a, me?” Om Yesu nêl lax vô i ên nêbê, “Ông nêl i tɨyi.”

Matyu 26:49

Nêl bêge, mêdêc lutibed val vô Yesu dɨ nêl vô i ên nêbê, “Bucên xolac keheê” dɨ nga i lia.

Yesu Kɨlisi xolac wê Mak kɨvuu ge 10:51

Mêd Yesu kɨnêg vô i ên nêbê, “Ông nêb a vông bêna vô ôngê?” Lêc xomxo ma tocên tige nêl vô i ên nêbê, “Xomxo levac, a nêb ông vông a magnôn i seac.”

Yesu Kɨlisi xolac wê Mak kɨvuu ge 11:21

Mêd Pita xovô kɨyang wê Yesu nêl vɨhevage om nêl vô i ên nêbê, “Xolac kehe, wê lê. Xax ti wê ông nêl vyam lôt vɨhevage, tyo mupac.”

Yesu Kɨlisi xolac wê Mak kɨvuu ge 14:45

Mêd Judas val dɨ la kwabo vô Yesu dɨ nêl vô i ên nêbê, “Xolac kehe” mêd nga i lia.

Yesu Kɨlisi xolac wê Mak kɨvuu ge 9:5

Om Pita nêl vô Yesu ên nêbê, “Xolac kehe, ga nivɨha wê il dô ga, om xen ob lox xumac yon, ti vô ông, dɨ ngwe vô Moses dɨ ti vô Ilaija.”

Yesu Kɨlisi xolac wê Luk kɨvuu ge 22:32

Lêc a kɨtaa vô Anutu lec ông ên a nêbê ông o lêc sea vông vinên lêm. Dɨ buc wê ông ob pɨlepac ông mɨ lax vô Anutu ge od ông ngɨdu lime nên vông vinên xôn.”

Yesu Kɨlisi xolac nivɨha wê Jon kɨvuu ge 1:38

Mêd Yesu pɨlepac i dɨ yê wê yuu la vô i vɨxa ge om kɨnêg vô yuu ên nêbê, “Muu lam ên vatya?” Lêc yuu nêl ên nêbê, “Labai, ông dô vac xumac tina?” Labai ge, kehe bêga nêbê xolac kehe.

Yesu Kɨlisi xolac nivɨha wê Jon kɨvuu ge 1:49

Om Nataniel nêl ên nêbê, “Xolac kehe, ông ge Anutu nu. Ông tu xe Islel nêm xomxo levac.”

Yesu Kɨlisi xolac nivɨha wê Jon kɨvuu ge 11:8

Lêc nue ngɨvihi nêl vô i ên nêbê, “Xolac kehe, nyop ge, xomxo Yuda nêb ob nêx ông ya ngɨdax, lêc ông nêb ông ob lax mɨ la vɨgwe tige i tii vac nangê?”

Yesu Kɨlisi xolac nivɨha wê Jon kɨvuu ge 20:16

Mêd Yesu nêl vô i ên nêbê, “Malia.” Mêd Malia pɨlepac i dɨ nêl vô Yesu vac Yuda vya bêga ên nêbê, “Labonai.” Kehe bêga nêbê xolac kehe.

Yesu Kɨlisi xolac nivɨha wê Jon kɨvuu ge 3:2

Lêc la vô Yesu vô bucên dɨ nêl vô i ên nêbê, “Ông gexolac kehe, dɨ xe xovô ên xe nêbê Anutu vông ông lam. Ên do levac wê ông mi vông ge Anutu obêc dô hɨxôn ông lêm ge od ông obêc vông do levac tibêge lêm.”

Yesu Kɨlisi xolac nivɨha wê Jon kɨvuu ge 3:26

Om Jon nue ngɨvihi la vô Jon dɨ nêl vô i ên nêbê, “Xolac kehe, xomxo ti wê dô hɨxôn ông ilage vô mia Jodan vɨlu ganê dɨ ông nêl i kɨtong ge, xomxo vɨhati la vô xomxo tyo dɨ i lipac he. Bêna lêc tyo vông tibêge?”

Yesu Kɨlisi xolac nivɨha wê Jon kɨvuu ge 4:31

He gên dɨlam dɨ Yesu nue ngɨvihi nêl vô Yesu ên nêbê, “Xolac kehe, wa yaên lê.”

Yesu Kɨlisi xolac nivɨha wê Jon kɨvuu ge 6:25

Xomxo tigee mɨla yêvô Yesu gê mia luaên vɨlu ganê dɨ kɨnêg vô i ên nêbê, “Xolac kehe, ông lam ga yelacna?”

Yesu Kɨlisi xolac nivɨha wê Jon kɨvuu ge 9:2

Mêd Yesu nue ngɨvihi kɨnêg vô Yesu ên nêbê, “Xolac kehe, letya vông nipaên lêc xomxo tige yubac hɨxôn ma tocên? Xomxo tige vaci vông nipaên, me ta yuu ma?”

2 Kolin 1:24

Xe o tɨyi wê xe ob kɨdu xam lec môp vông vinên ge lêm, ên xam le xêkɨzêc vac vông vinên pyap, om xe nêb xe ob ngɨdu xam xôn, ên xam dô hɨxôn xêmyaa nivɨha.

2 Kolin 4:5

Kɨyang wê xe nêl ge, xe o yong xe lêm. Nge, xe nêl Yesu kɨtong bêga ên xe nêbê Yesu Kɨlisi ge Apumtau. Dɨ xe ga, xe tu xam nume yuac lec Yesu lê.

Epesas 3:15

Anutu nêl lê tibed lec he wê dô lag puunê gee hɨxôn il wê il dô kɨbun ga ge.

Pailimon 1:16

Lêc gwêbaga Onisimas obêc mɨlôc dô xocbê ông num yuac ilage lêm. Nge, obêc dô tɨyi xocbê u lig vông vinên ti wê u xêdyaa vin lec i ge. Ên a ga, a xê i tɨyi xocbê a lig wê a xêgyaa vin lec i ge, lêc ông ge, ông xêmyaa obêc vin lec i luu vêl, ên Onisimas ge ông num yuac wê ob vông yuac vô ông ge, dɨ i ge ông lim vông vinên êno.

Jems 3:1

Xam lige, xam o lêc nêl bê xam tɨbeac ob tu xomxo xolac nêlên lêm, ên il xovô bê buc tɨmuên wê Anutu obêc tɨtô il nêd kɨyang ge od obêc pɨlii xe wê xomxo xolac nêlên ge, xe nêm kɨyang lê, lêc vông myavɨwen nipaên vô xe luu xomxo baba vêl.

1 Pita 5:3

Dɨ xam o lêc wê xacxam va tɨyi xocbê xomxo levac dɨ wê lime wê Anutu vông vac xam vɨgêm ge nipaên dɨ vông vɨyin vô he lêm. Nge, xam viac he nivɨha dɨ dɨdii he vac môp nivɨha ên he i yê dɨ tɨmu vô xam vɨxam.

Levelesen 1:9

A, Jon, xam lim a, dɨ il xôn tu Yesu xe. A hɨxôn xam, il xôn kô myavɨnê dɨ kɨlê vɨyin lec Yesu lê mɨ il le xêkɨzêc vac vɨyin tige, dɨ il xôn tu Anutu nue. A nêl Anutu xolac dɨ a nêl wê a vông i vin Yesu ge vô xomxo, om he tii a lam dô lec vɨgwe kɨtôn tiga wê yêp vac gwec mahɨgun ge. Vɨgwe tiga lê nêbê Patmos.

Levelesen 19:10

Mêdêc a yev vɨxag kɨtu vô angela tige ên a nêb a ob kɨtaa vô i, lêc angela nêl vô a ên nêbê, “Le i lêc yev vɨxa kɨtu vô a lêm, ên a ga Anutu nu yuac ti xocbê ông hɨxôn lime vông vinên wê nêl Yesu lê kɨtong ge. Om ông yev vɨxam kɨtu vô Anutu tibed. Ên xomxo wê nêl Yesu kɨyang kɨtong ge, Myakɨlôhô Ngɨbua ngɨdu he xôn tɨyi xocbê Anutu ngɨdu plopete xôn ilage mɨ he nêl i xolac yêp seac vô xomxo ge.”

Levelesen 22:9

Lêc angela tige nêl vô a ên nêbê, “Ông o kɨtaa vô a lêm. A ga, a Anutu nu yuac ti tɨyi xocbê ông hɨxôn lime plopete dɨ he wê vông i vin kɨyang wê yêp vac kɨpihac tiga. Om ông kɨtaa vô Anutu vaci tibed.