Matyu 23:34 - Patep

³⁴ “Om a nêl vô xam bê a ob vông plopete dɨ xomxo pɨyôp levac hɨxôn xomxo wê xovô xolac kehe gee i loc vô xam. Lêc xam ob hi he mangwe yib, dɨ he mangwe, xam ob tul lec pola, dɨ mangwe, xam ob pɨsa ya yihi vac xumac lɨlo wê xam vông ge, dɨ tii he vac vɨgwe vɨyang vɨyang mɨ he la vêl.

Matyu 23:34 ပူးပေါင်းရင်းမြစ်များ

Matyu 10:23

He obêc vông vɨyin vô xam vac vɨgwe ngwe ge od xam pec mɨ loc vac vɨgwe bangwe. Ên a nêl vɨxôhɨlôg nôn vô xam bêga bê xam obêc vông yuac vac Islel ben vɨhati lêm, dɨ a, Xomxo Nu, a ob vena tax.

Matyu 13:52

Om Yesu nêl vô he ên nêbê, “Om xomxo ti wê xovô xolac tɨkwê ge obêc ngô xolac paha wê a nêl lec Anutu ben kɨsiinê ge mɨ vông i vin ge od tɨyi xocbê xomxo tyo la vac xumac lôma dɨ la kô susu paha yuu tɨkwê vac susu wê i vông ge nɨlô dɨ vông vô xomxo ên nêb i ngɨdu he xôn.”

Matyu 23:31

Xam nêl bêge, om xam nêm kɨyang nêl xam kɨtong nêbê xomxo wê hi plopete yib ge nue xam.

Yesu Kɨlisi xolac wê Luk kɨvuu ge 24:47

dɨ kɨyang yêp hɨxôn bêga nêbê xomxo i loc nêl xolac lec Kɨlisi lê vac vɨgwe vɨhati bêga bê xomxo i pɨlepac he êdêc Anutu i kɨtya he nên nipaên vêl. Xam vông yuac tige gê Jelusalem tax,

Yesu Kɨlisi xolac nivɨha wê Jon kɨvuu ge 16:2

Ên tɨbii obêc tii xam vêl ên xumac lɨlo dɨ vông xam la dô nɨnya, dɨ tɨmuên he ob hi xam wib dɨ so nêb he vông yuac nivɨha wê Anutu vông ge.

Yesu Kɨlisi xolac nivɨha wê Jon kɨvuu ge 20:21

Mêd Yesu nêl tii vac vô he ên nêbê, “Xam nɨlôm i vô nivɨha. Mag vông a lam om a ob vông xam êno loc.”

Sinale 1:8

Lêc Myakɨlôhô Ngɨbua obêc lam dô vac xam nɨlôm dɨ vông xêkɨzêc vô xam, dɨ xam ob nêl a kɨtong gê Jelusalem tax dɨ i loc vac vɨgwe Judia vɨhati dɨ i loc vɨgwe Samelia dɨ i loc tɨyi vɨgwe vɨhati.”

Sinale 11:27

Vô buc tige plopete ya wê lam gê Jelusalem ge val Antiok.

Sinale 12:2

om vông tɨbii la hi Jon li Jems ya yipac mɨ i yib.

Sinale 13:1

Vac konglegesen Antiok, xomxo wê plopete dɨ he wê tɨxuu xomxo ya xolac ge, he ya dô. He lê bêga nêbê Banabas yuu Simion wê lê ngwe nêbê ninɨvi vɨliac ge, dɨ Lusias wê lam gê Sailini ge yuu Maneyen wê gavman levac Helot nipɨpu ti ge, dɨ Sol.

Sinale 14:19

Mêd Yuda ya lam gê Antiok yuu Aikoniam dɨ val pɨlepac xomxo nɨlô om he nêx Pol ya ngɨdax dɨ dɨdii i mɨ la vɨgwe nɨnyawehe ên he xo ên he nêb Pol yib.

Sinale 15:32

Judas yuu Sailas ge plopete yuu om yuu nêl kɨyang tɨbeac mangwe vô he ên nêb i ngɨdu he xôn dɨ he i vông i vin xêkɨzêc.

Sinale 5:40

Mêd kaunsil tigee vɨhati lee yuu lec Gameliel kɨyang, om he keac Yesu nue ngɨvihi vena dɨ he nêl mɨ tɨbii hi he ya yihi, dɨ he nêl vya xêkɨzêc vô he ên nêb he i o lêc nêl kɨyang lec Yesu lê i tii vac lêm. Pyap dɨ vông he lop mɨ la.

1 Kolin 2:6

Xomxo wê vông i vin Anutu xolac xêkɨzêc ge, xe mi nêl xolac hɨxôn xovôên nivɨha vô he, lêc xovôên tige o tɨyi xocbê xovôên kɨbun ga lêm, dɨ o tɨyi xocbê xovôên wê xomxo levac kɨbun ga vông ge lêm, ên he xôa obêc ma.

1 Kolin 3:10

Ên Anutu vông vɨzid hɨxôn pɨyôp vô a tɨyi xocbê xomxo wê xumac loxên ge, om a loc yev teac vac xam bom, dɨ xomxo ya ob lox xumac lec kɨsii. Om xomxo wê ob lox xumac ge, a nêl vô he ên a nêbê he i viac he êdêc lox xumac nivɨha lec teac kɨsii.

Kolosi 1:28

Xe nêl Kɨlisi kɨtong i yêp seac, dɨ xe tɨxuu xomxo toto ya xovôên vɨhati, dɨ xe viac kɨyang nivɨha vô he. Xe vông yuac tibêge ên xe nêb xe ob kô he toto mɨ la le vô Anutu manôn ên Anutu i yê he i tɨyi xocbê xomxo wê xovô Kɨlisi pyap ge.

1 Tesalonaika 2:16

ên he le vac xe môp xôn ên nêb xe o la nêl Anutu kɨyang vô tɨbii vɨyang ba lêm. Anutu kɨyang tige tɨyi wê ob vô xomxo vêl ên he nên nipaên. Lêc he Yuda le vac xe xôn. Om he nên nipaên vô levac vô he ên môp nipaên wê he vông ilage dɨ vông gwêbaga hɨxôn. Mêgem Anutu xêyaa myavɨnê lam yêp vô he gwêbaga.

Hiblu 11:37

Dɨ tɨbii nêx he mangwe ya ngɨdax nêb he i yib, dɨ kɨku he mangwe la yuu ya so, dɨ hi he ya yib ya yipac. He vɨnyum bwoc sipsip yuu memek nivɨluhu tɨyi xocbê ngakwi ge ên he nên susu ma ên he, dɨ he tulec vɨyin levac, dɨ tɨbii vông myavɨnê levac vô he.

Levelesen 11:10

Om xomxo kɨbun ga vɨhati xêyaa ob vô nivɨha ên wê plopete yuu ge yib, om he ob yoo dɨ myêl levac mɨ ya dɨ vông susu nivɨhavɨha vôma, ên yuu nêl xomxo kɨbun ga nên nipaên lec he manôn dɨ vông vɨyin vô he.