Matyu 22:13 - Patep

¹³ Om xomxo levac tyo nêl vô nue yuac ên nêbê, ‘Xam ku xomxo tige vɨxa yuu vɨgê xôn dɨ nêx i loc vac vɨgwe mapɨtoc. Vac vɨgwe tige xomxo ob byag levac dɨ nɨvu kic lecma.’”

Matyu 22:13 ပူးပေါင်းရင်းမြစ်များ

Matyu 12:29

“Xomxo xêkɨzêc ti obêc dô vac ben xumac lôma ge od tɨbii yôdac ti ob la vac xumac lôma dɨ la vun i susu tibêna? Lêc obêc ku xomxo xêkɨzêc tige xôn ya yihi ge od tɨyi wê ob kô i nên susu vɨhati wê dô vac xumac nɨlô ge mɨ la.

Matyu 13:30

Om xam vông yuu xôn i le dɨ i loc tyip lec buc wê il ob la kô nôn ge lê. Mêd obêc buc tige od a ob nêl vô he wê ob la kô nôn ge bê he i loc pul nita nipaên vêl mɨ tɨtup i loc bun ti dɨ nêx i loc vac ngwax, dɨ pul nôn nivɨha mɨ kô mɨ loc tung vac xumac wê nôn nivɨha dô vac ge.’”

Matyu 13:42

dɨ nêx he i loc vac ngwax levac. Vac ngwax tige he obêc byag dɨ nɨvu obêc kic lecma.

Matyu 13:50

dɨ nêx he la vac ngwax mahelac. Vac ngwax tige he obêc byag mabu dɨ nɨvu obêc kic lecma.”

Matyu 24:51

Om xomxo levac obêc hi i vô nipaên dɨ vông i la dô vac vɨgwe nipaên hɨxôn xomxo kɨtyooên. Vac vɨgwe tige xomxo obêc byag dɨ kic nɨvu lecma.”

Matyu 25:30

Om xam hôm xomxo yuac nipaên tige xôn dɨ nêx i loc vac vɨgwe mapɨtoc. Vac vɨgwe tige xomxo obêc byag dɨ kic nɨvu lecma.’

Matyu 8:12

Lêc Islel wê he nêb he ob la dô vac Anutu ben ge, Anutu ob tii he la dô vac vɨgwe mapɨtoc. Vac vɨgwe tige he ob byag levac dɨ ob kic nɨvu lecma.”

Yesu Kɨlisi xolac wê Luk kɨvuu ge 13:28

Om xam obêc wê bume Eblaham yuu Aisak dɨ Jekop hɨxôn plopete vɨhati wê he la dô vac Anutu ben, dom xam ge wê Anutu obêc tii xam la dô vɨxun, dɨ xam obêc byag dɨ kic nɨvum lecma.

Yesu Kɨlisi xolac nivɨha wê Jon kɨvuu ge 21:18

“A nêl hɨxôn nôn vô ông bê buc wê ông gên ngɨvihi ge, ôcông va vêx ông let dɨ la vɨgwe wê ông nêb ông ob la ge, lêc obêc tɨmuên wê ông ob vô kɨpwoc ge od ông ob tɨtô vɨgêm la kɨsii dɨ xomxo ngwe ob vêx let lec ông dɨ kô ông mɨ la vac vɨgwe wê ông nêb ông la vacên obêc ma ge.”

Sinale 21:11

dɨ val hôm Pol let dɨ ku ici va vɨgê yuu vɨxa xôn ya, dɨ nêl ên nêbê, “Myakɨlôhô Ngɨbua nêl bêga nêbê he Yuda wê dô Jelusalem ge obêc ku xomxo ti wê i let tiga xôn tɨyi bêga, dɨ he obêc vông i la vac tɨbii wê o Yuda lêm ge vɨgê.”

Sinale 7:54

He kaunsil ngô kɨyang wê Stiven nêl vô he ge mêd he xêyaa vô myavɨnê mabu vô Stiven dɨ he nga mya xôn nêb ob hi.

2 Tesalonaika 1:9

Om he ob kô myavɨwen nipaên bêga bê Apumtau obêc ngɨloo he la vêl tevabanê ên i manôn hɨxôn xêkɨzêc levac yuu xêseac wê i vông ge, om he ob la dô vac nipaên luta lêc luta

2 Pita 2:17

Om plopete kɨtyooên tigee vɨhati tɨyi xocbê lôva wê xomxo mi kɨlê mia vac lêc mia tuacên ge, dɨ he tɨyi xocbê lun mapɨtoc lêc lun valên ma ge. Om Anutu viac vɨgwe mapɨtoc ta wê he obêc la dô vac ge.

2 Pita 2:4

Ilage angela ya vông môp nipaên, lêc Anutu o xo vɨgwe pɨsiv ên he lêm. Nge, tii he la vac vɨgwe nipaên, dɨ vông he la dô kalabuhu vac lôva wê mapɨtoc ta ge. Om he ob la dô dɨ i la tyip lec buc wê Anutu ob yaxên he nên kɨyang ge.

Kɨpihac wê Jut kɨvuu ge 1:13

Xomxo kɨtyooên tigee mi vông môp nipaên wê ob vông ni yoc lec ge lê, lêc he ni o yoc lêm. Om he tɨyi xocbê gwec wê vuac mabu mɨ lam kɨpyax myasong ningeac la kehe ge. Dɨ he tɨyi xocbê pɨtua wê yal vêl ên lag mɨ lam dɨ sea ben ge. Mêgem Anutu vông he nên vɨgwe nipaên wê mapɨtoc ge yêp dɨ he ob la dô vac luta.

Kɨpihac wê Jut kɨvuu ge 1:6

Ilage angela ya sea yuac hɨxôn lê levac wê Anutu vông vô he gee dɨ sea Anutu ben. Mêgem Anutu ku he xôn ya sen dɨ tung he la vac vɨgwe mapɨtoc ta. Om he ob la dô dɨ i la tyip vô buc levac wê Anutu ob yaxên he nên kɨyang ge.

Levelesen 21:27

Lêc susu ningeac dɨ xomxo wê vông môp nipaên gee hɨxôn xomxo kɨtyooên, he o tɨyi wê ob vac la vac vɨgwe tige hɨxôn lêm. Bwoc Sipsip Nu tige kɨvuu xomxo wê obêc dô mavɨha ge lê vac kɨpihac mavɨha. Om he wê he lê yêp vac kɨpihac ge wê obêc la dô vac vɨgwe tige nɨlô.