Matyu 2:12 - Patep

¹² Vô bucên Anutu nêl kɨtong vô he vac vɨvia ên nêbê, “Xam lôc vôên Helot tii vacên i ma.” Om he lax môp bangwe mɨ la ben.

Matyu 2:12 ပူးပေါင်းရင်းမြစ်များ

Matyu 1:20

Josep gên dɨxo kɨyang wê nêb ob sea Malia ge vac nɨlô, mêdêc Apumtau vông angela ti lam nêl kɨyang vô Josep vac vɨvia bêga ên nêbê, “Devit nu Josep, le i lêc xona ên wê ông ob kô Malia ge lêm, ên nipwo wê Malia ob kô ge Myakɨlôhô Ngɨbua vaci vông vô Malia.

Matyu 2:13

Xomxo pɨyôp levac tigee la, mêdêc Josep yê Apumtau nên angela ti vac vɨvia dɨ angela tige nêl vô i ên nêbê, “Kɨdi lec mɨ kô nipwo yuu ta dɨ mon pec mɨ loc Isip mɨ loc dô dɨ i loc tyip vô buc wê a ob nêl kɨyang vô ông i tii vac ge, ên Helot ob myag nipwo tige ên nêb ob hi i yib.”

Matyu 2:19

Tɨmuên wê Helot yib vêl ge od Apumtau angela ti nêl vô Josep vac vɨvia ên nêbê,

Matyu 2:22

Lêc Josep ngô wê Akeleas kô ma Helot nipɨlêhê dɨ viac vɨgwe Judia, om xona ên nêb ob lax mɨ la vɨgwe tige lêm. Om Anutu nêl kɨyang vô Josep vac vɨvia tii vac, om Josep loc mɨ la vɨgwe levac Galili,

Matyu 27:19

Pailat dô lec sia wê mi dô lec dɨ mi ngô xomxo kɨyang ge, mêdêc vɨnê vông kɨyang lam vô i bêga nêbê, “Ông o lêc vông xomxo nivɨha tige i vô nipaên lêm, ên gwêbaga a xê vɨvia bucên ti lec i om vông a nɨlôg vô vɨyin.”

Yesu Kɨlisi xolac wê Luk kɨvuu ge 2:26

Ilage Myakɨlôhô Ngɨbua nêl kɨtong vô i ên nêb i ob yib lutibed lêm. Nge, nêb ob dô mɨ yê Kɨlisi wê Apumtau ob vông i lam ge lec manôn lê, lêc yib tɨmuên.

Sinale 10:22

Mêd yon nêl ên nêbê, “Konilias wê tu levac ên tɨbii vevac 100 ge wê vông xen lam. Konilias ge xomxo nivɨha ti wê mi kɨtaa vô Anutu dɨ xomxo Yuda vɨhati yê i nivɨha. Mêd Anutu vông angela ti lam nêl vô Konilias ên nêb Konilias i vông kɨyang i loc vô ông ên ông loc i ben dɨ loc nêl kɨyang vô i.”

Sinale 4:19

Lêc Pita yuu Jon nêl vô he ên nêbê, “Xam ngô lê. Xii obêc sea Anutu xolac dɨ vông i vin kɨyang wê xam nêl ge od mêd Anutu ob yê xii nivɨha? Xam xovô lê.

Sinale 5:29

Lêc Pita hɨxôn lie luu he vya ên nêbê, “Xe ob tɨmu vô Anutu kɨyang, dɨ xe ob tɨmu vô kɨyang wê xomxo vông ge lêm.

1 Kolin 3:19

Ên pɨyôp yuu xovôên kɨbun ga, Anutu yê tɨyi xocbê pɨyôp yacyac. Tɨyi xocbê kɨyang wê yêp vac kɨpihac xolac bêga ên nêbê “Xomxo wê pɨyôp levac ge Anutu ob ku he xôn ya kɨyang kɨtyooên wê heche va vông ge tɨyi xocbê he vac pulac.”

Hiblu 11:7

Nôa vông i vin Anutu, om ngô kɨyang wê Anutu nêl vô i lec lun wê obêc val tɨmuên ge. Nôa xovôên buc tige ma, lêc vông i tɨyi wê Anutu nêl vô i ge, om lox sip levac ti dɨ he vɨnê nue la dô nivɨha vac sip nɨlô. Om vông vinên wê Nôa vông ge nêl xomxo kɨbun ga nên nipaên kɨtong, dɨ Anutu yê Nôa nivɨha ên wê vông i vin ge, om nêl ên nêbê Nôa ge xomxo nivɨha.

Hiblu 8:5

He vông he yuac vac Anutu xumac lɨlo ngɨbua gê kɨbun ga, lêc yuac wê he vông ge tɨyi xocbê kɨnu wê tɨxuu lec Anutu ben lag puunê ge. Om tɨyi xocbê kɨyang wê Anutu nêl vô Moses, vô buc wê Moses nêb ob lox xumac lɨlo sel ge. Anutu nêl vô i ên nêbê, “Ông xona nêm dɨ lox xumac lɨlo sel dɨ tung susu vɨhati vac i tɨyi kɨnu wê a hɨlung pyap vô ông lec kɨtôn Sainai ge.”