Matyu 13:35 - Patep

³⁵ Mêgem kɨyang wê plopete nêl ilage vô nôn lec. Plopete nêl bêga ên nêbê, “A ob nêl kɨyang pɨlepacên vô he. Dɨ kɨyang wê yêp xôpacên vô buc wê Anutu tung lag yuu kɨbun dɨ i val tyip gwêbaga hɨxôn ge, a ob nêl kɨyang tigee kehe kɨtong i yêp seac.”

Matyu 13:35 ပူးပေါင်းရင်းမြစ်များ

Epesas 3:9

Anutu ge wê tung susu lag yuu kɨbun vɨhati, dɨ ilage môp wê Anutu nêb ob vông ge yêp xôpacên vac i pɨyôp dɨ i val tyip gwêbaga. Lêc gwêbaga Anutu vông yuac vô a ên nêb a loc nêl kɨyang xôpacên tige i yêp seac vô xomxo vɨhati.

1 Kolin 2:7

Xovôên wê xe mi nêl ge, ge xovôên wê Anutu vông ge. Xovôên tige yêp xôpacên ilage, lêc buc wê Anutu gên o tung lag yuu kɨbun lêm ge od Anutu nêl pyap nêbê xovôên tige obêc vông il la dô vac xêseac wê i vông ge.

Yesu Kɨlisi xolac nivɨha wê Jon kɨvuu ge 17:24

“Mag, ông vɨnoo xomxo tigee nêb he i tu axe om a nêb he i dô hɨxôn a vac vɨgwe wê a ob dô vac ge, ên he i yê xêseac wê a vông ge. Vô buc wê kɨbun gên ma ge, ông xêmyaa vin lec a om ông vông xêseac tige vô a.

Matyu 25:34

Mêd xomxo levac tige ob nêl vô he wê dô vô vɨgê hɨyôv ge bêga nêbê, ‘Mag Anutu vông vɨzid nivɨha vô xam, om xam lam dô vac vɨgwe nivɨha wê Anutu nêl xam lêm lec ge. Vô buc mugên ilage wê Anutu tung lag yuu kɨbun taxlee ge, od viac vɨgwe tige pyap ên nêb ob vông vô xam.

Epesas 3:5

Vô buc taxlee ilage Anutu o nêl kɨyang xôpacên tige yêp seac vô xomxo ti lêm, lêc gwêbaga Anutu vông Myakɨlôhô Ngɨbua lam nêl kɨyang tige kehe kɨtong vô xe sinale hɨxôn he plopete wê Anutu vɨnoo xe ên nêb xe vông i yuac ge.

Levelesen 13:8

Om xomxo wê he lê o yêp vac Anutu kɨpihac lêm ge, he vɨhati ob yev vɨxa kɨtu vô bwoc vɨmen tige. Taxlee ilage wê Anutu gên o tung kɨbun hɨxôn susu vɨhati lêm ge od kɨvuu xomxo wê ob dô mavɨha luta lêc luta ge lê yêp vac kɨpihac wê bwoc Sipsip Nu vông ge, dɨ he tu i xe. Bwoc Sipsip Nu tige wê xomxo hi i yib ilage.

Matyu 13:14

Om he vông kɨyang wê plopete Aisaia nêl ilage vô nôn lec. Ilage Aisaia nêl bêga ên nêbê, ‘Xam obêc ngô kɨyang lê, lêc xam pɨyôp obêc xovô kehe lêm, dɨ xam mamnôn obêc yê lê, lêc xam ob xovô lêm.

Levelesen 17:8

Bwoc vɨmen tige wê ông wê ge, ge dô ilage, lêc gwêbaga o dô lêm. Lêc obêc tɨmuên ge od obêc val tyip vac vu madia wê mapɨtoc ta ge mɨ lam, dɨ Anutu ob kɨtya i vêl. Vô buc mugên taxlee ge Anutu kɨvuu xomxo wê ob dô mavɨha ge lê vac kɨpihac. Lêc xomxo wê he lê o yêp vac kɨpihac lêm ge he obêc yê bwoc vɨmen tige dɨ yetac mabu ên wê i dô ila lêc gwêbaga o dô lêm dɨ obêc dô tɨmuên i tii vac nang ge.

Yesu Kɨlisi xolac wê Luk kɨvuu ge 10:14

Lêc xam o pɨlepac xam lêm, om buc tɨmuên wê Anutu obêc yaxên xomxo ge, od xam obêc kô myavɨwen nipaên i luu wê tɨbii Taia yuu Saidon ob kô ge vêl.

Sinale 15:18

Kɨyang tige Apumtau vya wê nêl ilage mɨ i yêp.’

Hiblu 1:1

Ilage Anutu nêl i kɨyang vô plopete tɨyi buc tɨbeac ên nêb he i loc nêl vô il buge ên he i ngô. Om wê Anutu nêl i kɨyang vô plopete ilage, od o tɨmu vô môp tibed lêm. Nge, tɨmu vô môp toto dɨ nêl i kɨyang vô he.

Matyu 5:2

dɨ i nêl kɨyang vô he bêga ên nêbê,

Matyu 13:3

Mêd Yesu nêl kɨyang tɨbeac, lêc nêl tɨyi xocbê kɨyang pɨlepacên ge vôhe. Om nêl kɨyang pɨlepacên ti vô he bêga ên nêbê, “Xomxo ti la ên nêb ob la lɨloo susu vê vac yuac.