Matyu 11:3 - Patep

³ dɨ he la kɨnêg ên nêbê, “Xomxo ti wê plopete ilage nêl ên nêbê obêc val ge, ông tyo ga mê, me xe ob dô bin xomxo ngwe?”

Matyu 11:3 ပူးပေါင်းရင်းမြစ်များ

Matyu 11:10

Ilage xomxo kɨvuu kɨyang lec Jon mɨ i yêp vac xolac bêga ên nêbê, ‘Wê lê. A ob vông xomxo ti i kô a kɨyang mɨ loc mug ông nêm môp ên i viac môp wê ông obêc mɨla vac ge.’

Matyu 11:4

Lêc Yesu luu he vya ên nêbê, “Xam lôc nêl yuac wê xam wê dɨ ngô gee kɨtong vô Jon bê

Matyu 21:5

“Xam nêl vô xomxo Saion bêga bê, ‘Xam wê lê. King wê xam vông ge val vô xam gwêbaga. Xomxo tige xomxo malehe, dɨ i dô lec bwoc donki. Xomxo tyo dô lec bwoc donki nu ti mɨ val.’”

Matyu 21:9

Dɨ xomxo kɨdu levac wê la mug dɨ kɨdu levac wê tɨmu vô Yesu vɨxa gee, he vɨhati tyuc vya levac ên nêbê, “Il ob pɨmil Devit nu. Il ob hi vɨxad i pec ên xomxo ti wê tu Apumtau manôn mɨ val ge. Il ob pɨmil Anutu lê i vô levac dɨ i loc yêp kɨsii.”

Yesu Kɨlisi xolac wê Mak kɨvuu ge 11:9

Mêgem he wê la mug hɨxôn he wê tɨmu vô Yesu gee, he vɨhati tyuc ên nêbê, “Il ob pɨmil Anutu. Dɨ il ob hi vɨxad i pec ên xomxo ti wê tu Apumtau manôn mɨ val ge.

Yesu Kɨlisi xolac wê Luk kɨvuu ge 19:38

dɨ he nêl levac la kɨsii ên nêbê, “Il ob hi vɨxad i pec ên il nêd king wê tu Anutu manôn dɨ lam ge. Kɨyang malehe yêp lag kɨsiinê, dɨ Anutu wê dô lag kɨsiinê, il ob vông i lê i vô levac.”

Yesu Kɨlisi xolac nivɨha wê Jon kɨvuu ge 11:27

Mêgem Mata nêl vô Yesu ên nêbê, “Apumtau, a vông i vin ên a nêbê ông ge Kɨlisi. Dɨ ông Anutu nu, wê Anutu nêb ob vông ông lam kɨbun ga ge.”

Yesu Kɨlisi xolac nivɨha wê Jon kɨvuu ge 12:13

om he la kô xax lihi dɨ mɨla vô Yesu vac môp dɨ tyuc hɨxôn nêbê, “Il ob pɨmil Anutu dɨ hi vɨxad i pec ên xomxo ti wê tu Apumtau manôn dɨ lam ge, ên i ge tu xomxo levac wê ob viac il Islel.”

Yesu Kɨlisi xolac nivɨha wê Jon kɨvuu ge 16:14

Myakɨlôhô Ngɨbua ob vông a lêg i vô levac, ên ob kô kɨyang wê a vông ge mɨ lam nêl kɨtong vô xam.

Yesu Kɨlisi xolac nivɨha wê Jon kɨvuu ge 4:21

Mêd Yesu nêl vô i ên nêbê, “Vêx, ông vông i vin kɨyang wê a ob nêl ga bê tɨmuên ge xam obêc kɨtaa vô Mag lec kɨtôn tiga lêm, dɨ xam ob kɨtaa gê Jelusalem êno lêm.

Yesu Kɨlisi xolac nivɨha wê Jon kɨvuu ge 6:14

Xomxo tigee yê do levac wê Yesu vông ge om nêl ên nêbê, “Plopet ti wê he nêb ob lam kɨbun ge, tyo tiga vɨxôhɨlôg nôn.”

Yesu Kɨlisi xolac nivɨha wê Jon kɨvuu ge 7:31

Lêcom xomxo tɨbeac vông i vin nêbê Yesu ge Kɨlisi om he nêl ên nêbê, “Il nêd Kɨlisi obêc val ge od ob vông do levac luu do levac wê Yesu vông ge vêl lêm. Om Yesu ge Kɨlisi tyo mê.”

Hiblu 10:37

Ên kɨyang yêp vac xolac taxlee bêga ên nêbê, “Obêc buc myabo ge, od xomxo ti wê nêbê ob vena ge obêc vena, dɨ ob hɨyi lec lêm.