Matyu 11:22 - Patep

²² Om a ob nêl vô xam bê vô buc tɨmuên wê Anutu obêc yaxên xomxo nên kɨyang ge od Anutu obêc vông myavɨwen nipaên vô xam luu Taia yuu Saidon vêl.

Matyu 11:22 ပူးပေါင်းရင်းမြစ်များ

Matyu 10:15

A nêl vɨxôhɨlôg nôn vô xam bê vô buc tɨmuên wê Anutu obêc yaxên xomxo vɨhati nên kɨyang ge od Anutu obêc vông myavɨwen nipaên vô xomxo vɨyang tige luu Sodom yuu Gomola vêl.

Matyu 11:21

“Xam Kolasin, dɨ xam Betsaida, xam xona nêm, ên xam obêc tulec vɨyin. Ên do levac wê a vông vac xam bom ge, xomxo ti obêc vông vac tɨbii Taia yuu Saidon ben ilage ge od tɨbii Taia yuu Saidon obêc yê dɨ xovô he nên nipaên dɨ lipac vɨwev lec he dɨ pɨlepac he nɨlô la vô Anutu.

Matyu 11:24

Om a ob nêl vô xam bê vô buc tɨmuên wê Anutu obêc tɨtô xomxo nên kɨyang ge od Anutu obêc vông myavɨwen nipaên vô xam luu Sodom vêl.”

Matyu 12:36

“A ob nêl vô xam bê vô buc tɨmuên wê Anutu obêc yaxên xomxo vɨhati nên kɨyang ge od ob yaxên kɨyang vaxvax wê xomxo nêl ge vɨhati.

Yesu Kɨlisi xolac wê Luk kɨvuu ge 10:14

Lêc xam o pɨlepac xam lêm, om buc tɨmuên wê Anutu obêc yaxên xomxo ge, od xam obêc kô myavɨwen nipaên i luu wê tɨbii Taia yuu Saidon ob kô ge vêl.

Hiblu 2:3

Lêc Yesu lê ngɨnoo angela vêl dɨ Yesu vông vɨzid levac vô il ên wê vô il vêl ên il nêd nipaên ge. Om il obêc vô nɨmid vô vɨzid levac tige ge od il ob pec ên myavɨwen nipaên wê Anutu ob vông vô il ge tibêna? Apumtau Yesu nêl taxlee ên nêbê obêc kɨtya il nêd nipaên vêl, dɨ xomxo wê ngô Yesu vya ge nêl kɨtong vô il hɨxôn ên nêbê, “Kɨyang tige vɨxôhɨlôg nôn.”

2 Pita 2:9

Kɨyang tige wê nêl lec angela nipaên hɨxôn Nôa yuu Lot ge ob vông xovôên vô il bêga bê Apumtau xovô vɨyin wê tulec xomxo nivɨha ge om ici va tɨyi wê ob vô he vêl ên vɨyin tige. Dɨ xovô môp nipaên wê xomxo nipaên vông ge om ici va tɨyi wê ob vông myavɨwen vô he dɨ i la tyip vô buc wê obêc yaxên xomxo vɨhati nên kɨyang ge.

2 Pita 3:7

Lêc lag yuu kɨbun wê yêp gwêbaga, Anutu nêl ên nêbê yuu ob yêp dɨ i loc tyip lec buc wê ngwax obêc ya yuu xôn vêl ge. Vô buc tige Anutu obêc yaxên xomxo vɨhati nên kɨyang dɨ obêc kɨtya he wê vô nɨmi vô i ge vêl.

1 Jon 4:17

Xêyaa vin lecên ob vô nôn nivɨha vô il bêga bê buc tɨmuên wê Anutu obêc yaxên xomxo nên kɨyang ge, od il obêc le pɨlihi dɨ xonaên obêc ma, ên gwêbaga il dô kɨbun ga dɨ vông i tɨyi Yesu môp wê vông ilage.

Levelesen 20:11

Nang dêc a xê sia king levac ti wê kwem ge dɨ xomxo ti dô lec, dɨ kɨbun yuu xôn lag pec ên xomxo tyo dɨ la xôa ma.

Levelesen 20:12

Mêdêc a xê xomxo yibên, he wê lê levac ge hɨxôn he wê lê nipwo ge, he vɨhati le vô sia king manôn. Mêdêc xomxo tyo wê dô lec sia king ge tɨdii kɨpihac ya. Nang dêc tɨdii kɨpihac ngwe wê xomxo wê ob dô mavɨha ge lê yêp vac, dɨ kɨtong kɨpihac wê nêl môp wê xomxo yibên vông ge dɨ yaxên he nên kɨyang tɨyi xocbê he vông ge.