Matyu 11:11 - Patep

¹¹ Kɨyang nêl bêge, dɨ a ob nêl vɨxôhɨlôg nôn vô xam bê Jon Lipacên ge xomxo levac luu xomxo kɨbun ga vɨhati vêl. Lêcom xomxo vɨhati wê vô nipwo lec vac Anutu ben ge wê ngɨnoo Jon vêl.

Matyu 11:11 ပူးပေါင်းရင်းမြစ်များ

Matyu 11:10

Ilage xomxo kɨvuu kɨyang lec Jon mɨ i yêp vac xolac bêga ên nêbê, ‘Wê lê. A ob vông xomxo ti i kô a kɨyang mɨ loc mug ông nêm môp ên i viac môp wê ông obêc mɨla vac ge.’

Matyu 11:12

“Vô buc wê Jon Lipacên val ge dɨ i lam tyip gwêbaga hɨxôn, Anutu xolac lam yêp seac om xomxo tɨbeac ngô dɨ vông he nɨlô la dɨluhu vô Anutu.

Matyu 3:1

Vô buc tigee Jon Lipacên kɨdi mɨ la vac vɨgwe mahɨgun pɨleva vac vɨgwe levac Judia, dɨ nêl kɨyang vô xomxo bêga ên nêbê,

Matyu 3:11

“A lipac xam ya mia ên wê xam pɨlepac xam pyap ge, lêc xomxo ngwe wê ob val tɨmuên ge, xêkɨzêc wê i vông ge luu xêkɨzêc wê a vông ge vêl, dɨ a o nivɨha tɨyi wê a ob kɨlê i su ge lêm. Xomxo tyo ob lipac xam ya Myakɨlôhô Ngɨbua hɨxôn ngwax.

Matyu 5:19

Om xomxo ti obêc pwoo Moses xolac bo ti vac dɨ dɨdii xomxo vac ên nêb he i tɨmu vô i vɨxa ge od xomxo tige ob kô lê nipwo vac Anutu ben lag puunê. Lêc xomxo ti obêc tɨmu vô xolac vɨhati dɨ dɨdii xomxo vac ên nêb he i tɨmu vô ge od xomxo tige obêc kô lê levac vac Anutu ben lag puunê.

Yesu Kɨlisi xolac wê Luk kɨvuu ge 1:15

Ên num tyo, Anutu obêc yê nêb i tu xomxo levac, dɨ i o lêc num mia wain yuu mia xêkɨzêc lêm. Buc wê obêc gên dô vac ta xêyaa ge od Myakɨlôhô Ngɨbua obêc hɨvun i xôn pyap,

Yesu Kɨlisi xolac wê Luk kɨvuu ge 7:28

Anutu kɨyang bêge, dɨ a ob nêl vô xam bê Jon ge xomxo levac luu xomxo kɨbun ga vɨhati vêl. Vɨxôhɨlôg, lêcom xomxo vɨhati wê vô nipwo lec vac Anutu ben ge obêc luu Jon vêl.”

Yesu Kɨlisi xolac wê Luk kɨvuu ge 9:48

dɨ nêl vô he ên nêbê, “Xomxo ti obêc hôm nipwo bêga lec ên wê vông i vin a lêg ge od ge tɨyi xocbê hôm a lec ge. Dɨ xomxo ti obêc hôm a lec ge od ge tɨyi xocbê hôm xomxo ti wê vông a lam ge lec hɨxôn. Ên xomxo wê dô nipwo vac xam mahɨgun ge, ge wê ob tu xam nêm levac.”

Yesu Kɨlisi xolac nivɨha wê Jon kɨvuu ge 1:15

Jon nêl xomxo tige kɨtong dɨ keac vya levac ên nêbê, “Xomxo tyo tiga, wê a nêl kɨyang lec ilage ên a nêbê xomxo ngwe wê ob val tɨmuên ge luu a vêl, ên buc wê a gên ma ge, xomxo tiga dô tax.”

Yesu Kɨlisi xolac nivɨha wê Jon kɨvuu ge 1:27

A lam tax dɨ xomxo tige obêc val tɨmuên, lêc a o nigvɨha tɨyi wê aob pɨwelac yihi vêl ên su wê i vông ge lêm.”

Yesu Kɨlisi xolac nivɨha wê Jon kɨvuu ge 10:41

Mêd xomxo tɨbeac la vô Yesu, dɨ nêl ên nêbê, “Jon o vông do levac ya lêm, lêc kɨyang vɨhati wê Jon nêl lec xomxo tige, kɨyang nôn.”

Yesu Kɨlisi xolac nivɨha wê Jon kɨvuu ge 3:30

Om Yesu lê i vô levac dɨ a lêg i vô nipwo lec.”

Yesu Kɨlisi xolac nivɨha wê Jon kɨvuu ge 5:35

Jon ge tɨyi xocbê ngwax wê linac xêseac vô xam ge, om xam xêmyaa vô nivɨha dɨ xam dô vac xêseac wê i vông ge myabo tya.

Yesu Kɨlisi xolac nivɨha wê Jon kɨvuu ge 7:39

Yesu nêl kɨyang tige lec Myakɨlôhô Ngɨbua wê ob val vô he wê vông i vin Yesu ge. Lêc buc wê Yesu nêl kɨyang tige, Myakɨlôhô Ngɨbua valên gên ma, ên Yesu gên o lax mɨ la dô vac xêseac lag puunê lêm.

1 Kolin 15:9

Ên sinale vɨhati luu a vêl dɨ a o nigvɨha tɨyi wê a ob kô lê sinale tige lêm, ên ilage a vông vɨyin levac vô Anutu nue vông vinên.

1 Kolin 6:4

Om kɨyang obêc yêp lec susu kɨbun ga ge od bêna lêc xam kô mɨ la vô tɨbii wê madɨluhu ge ên xam nêb he i tɨtô xam nêm kɨyangê?

Epesas 2:3

Ilage il vɨhati dô tɨyi xocbê xomxo tibêgee dɨ tɨmu vô môp nipaên kɨbun ga, dɨ vông môp nipaên tɨyi xocbê il nɨlôd kɨdu il ên nêb il vông ge, dɨ il vông môp nipaên tɨyi xocbê il nidnɨvi yuu pɨyôp xovô ên nêb il vông ge. Om Anutu xêyaa vô myavɨnê vô il hɨxôn xomxo nipaên vɨhati ên nêb obêc kɨtya il vêl.

Epesas 3:8

A ga, a o levac lêm. Nge, Anutu nue vɨhati ge ngɨnoo a vêl. Mêlêc Anutu vông vɨzid nivɨha vô a bêga nêbê a loc nêl xolac vô xam tɨbii ba. Xolac tige nêl vɨzid nivɨha vɨhati wê Kɨlisi vông ge kɨtong. Lêc il pɨyôp o tɨyi wê il ob xovô vɨhati ge lêm.

2 Timoti 1:10

Dɨ gwêbaga môp wê Anutu xo vɨgwe pɨsiv ên il ge yêp seac vô il, ên wê Yesu Kɨlisi lam yib dɨ vô il vêl ên il nêd nipaên ge. Yesu kɨtya xêkɨzêc wê yibên vông ge vêl dɨ vông xolac nivɨha vô il ên nêb kɨyang wê nêbê il ob dô madvɨha luta ge i yêp seac vô il.

Hiblu 11:40

Ên Anutu xo ên nêb obêc vông nôn nivɨha luu vêl vô il, om nêb ob kɨtuc il hɨxôn he wê vông i vin ilage la kɨdu tibed dɨ ob vông il xôn vô nivɨha nôn vô buc tibed.

1 Pita 1:10

Plopete vɨhati wê dô ilatɨkwê, he nêl kɨyang wê Anutu vông vô he ge yêp seac. Kɨyang tige nêl ên nêbê Anutu ob xo vɨgwe pɨsiv ên il dɨ vô il vêl ên il nêd nipaên. Kɨyang tige vô nôn lec vô il, lêc he plopete ilage lungên kɨyang tige kehe. Om he myag dɨ kɨnêg kɨyang wê nêbê Anutu obêc vô il vêl ên il nêd nipaên ge kehe.