Matyu 10:28 - Patep

²⁸ Dɨ xam o lêc xona ên he wê ob hi xam nimnɨvi yib ge lêm, ên he o tɨyi wê he ob hi kɨnum yib hɨxôn ge lêm. Xam xona ên Anutu môci, ên Anutu tɨyi wê ob vông xam kɨnum yuu xôn nimnɨvi la vac vɨgwe nipaên.

Matyu 10:28 ပူးပေါင်းရင်းမြစ်များ

Matyu 10:26

“Om xam o lêc xona ên xomxo lêm. Ên kɨyang vɨhati wê yêp vac xomxo nɨlô ge ob lam yêp seac, dɨ kɨyang wê yêp xôpacên ge, vɨhati ob lam yêp seac dɨ xomxo ob xovô.

Matyu 25:46

Xomxo levac obêc nêl bêge, dɨ he wê nipaên ge obêc la yaxên myavɨnê levac luta lêc luta. Lêc xomxo wê nivɨha ge obêc la dô mavɨha luta lêc luta.”

Matyu 5:22

He nêl bêge ilage, lêc a ob nêl vô xam bê xomxo ngwe obêc kunac li ngwe ge od ob la kot dɨ kô myavɨwen. Dɨ xomxo ngwe obêc so vya vô li ngwe ge od xomxo i vông i loc vô hɨzap levac ên i tɨtô i. Dɨ xomxo ti obêc nêl nipaên lec li ngwe nêb yacyac ge od ob la dô vac ngwax levac vac vɨgwe nipaên.

Yesu Kɨlisi xolac nivɨha wê Jon kɨvuu ge 5:29

dɨ kɨdi mɨ lam, om he wê vông môp nivɨha ge obêc kɨdi lec mɨ dô mavɨha, dɨ he wê vông nipaên ge obêc kɨdi lec dɨ kô myavɨwen nipaên.”

Sinale 21:13

Lêc Pol nêl vô xe ên nêbê, “Bêna lêc xam byag dɨ vông a nɨlôg vô vɨyin? A o xona ên wê tɨbii ob ku a xôn ge lêm. Dɨ he obêc hi a xib gê Jelusalem ge od ge pyap. A obêc xib lec Apumtau lê.”

Hiblu 10:31

Anutu nêl bêge, om Anutu mavɨha obêc hôm xomxo ti xôn ên nêb ob vông myavɨwen vô i ge od xomxo tige ob xona mabu.

Hiblu 11:35

Dɨ vêx wê nue yib ge, Anutu tɨpi vô nue kɨdi lec mavɨha. Dɨ tɨbii tung xomxo vông vinên ya la vac kalabuhu dɨ vông myavɨnê levac vô he dɨ nêl vô he ên nêbê he obêc sea vông vinên wê he vông ge od ob pɨwelac he vêl ên kalabuhu, lêc obêc ma ge od he ob hi he i yib. Lêc he o sea vông vinên wê he vông ge lêm, ên he xovô ên he nêbê he obêc yib lec vông vinên ge od he ob kɨdi lec mɨ dô mavɨha i luu wê he ob dô mavɨha gê kɨbun ga vêl.

Jems 4:12

Lêc Anutu tibed wê tu xolac kehe ge dɨ i tibed wê ob yaxên xomxo ge. Om Anutu tɨyi wê ob hôm xomxo lec, dɨ i tɨyi wê ob kɨtya xomxo vêl ge. Lêc xam letya wê xam nêb xam ob yaxên lime ge?

1 Pita 3:14

Lêc xam obêc vông môp nivɨha lêc xomxo obêc vông vɨyin vô xam ge od xam xêmyaa i vô nivɨha, dɨ le i lêc xona ên he lêm, dɨ xam nɨlôm i o xo kɨyang tɨbeac lêm.

Levelesen 2:10

Om le i lêc xona ên vɨyin wê obêc val vô xam ge lêm. Wê lê, Seten nue obêc tung xam ya la vac xumac kalabuhu ên nêb he obêc yaxên xam. Om xam obêc kɨlê vɨyin i tɨyi buc vɨgê yuu. Lêc xam obêc kɨlê vɨyin dɨ vông i vin xêkɨzêc ta dɨ wib hɨxôn ge od a obêc vông nôn nivɨha wê mavɨha dôên ge vô xam.