Matyu 10:20 - Patep

²⁰ Om xacxam va ob nêl kɨyang lêm. Nge, Myakɨlôhô Ngɨbua wê Mag Anutu vông ge vaci ob nêl kɨyang vac xam myam.

Matyu 10:20 ပူးပေါင်းရင်းမြစ်များ

Matyu 6:32

Ên tɨbii madɨluhu ge wê xo kɨyang tɨbeac ên nêb ob tulec susu tibêgee. Dom Mag Anutu wê dô lag puunê ge xovô susu wê ma ên xam ge pyap.

Yesu Kɨlisi xolac wê Mak kɨvuu ge 12:36

Ên Myakɨlôhô Ngɨbua vông xovôên vô Devit om Devit vaci kɨvuu kɨyang bêga nêbê, ‘Apumtau Anutu nêl vô a Apumtau ên nêbê, Ông dô vô a vɨgêg hɨyôv dɨ a obêc vông tɨbii wê vông vevac vô ông ge he i dô vac ông kwa ngɨbi.’

Yesu Kɨlisi xolac wê Luk kɨvuu ge 11:13

Xam ga xomxo kɨbun nimpaên, lêc xam mi vông susu nivɨhavɨha vô nume, om xam xovô bêga bê il Mag Anutu lag puunê nêb ob vông susu nivɨhavɨha luu vêl vô il om ob vông Myakɨlôhô Ngɨbua vô xomxo wê kɨtaa i ge.”

Yesu Kɨlisi xolac wê Luk kɨvuu ge 12:12

Ên obêc hɨyôv manôn myabo tya ge od Myakɨlôhô Ngɨbua ob hɨlung kɨyang wê xam ob nêl ge vô xam.”

Yesu Kɨlisi xolac wê Luk kɨvuu ge 21:15

Ên a obêc vông xam pɨyôp yêp seac dɨ xam nêl kɨyang nivɨha, om he wê nêb ob vông vevac vô xam ge, he o tɨyi wê he ob pwoo kɨyang wê a nêl vô xam ge vac lêm.

Sinale 13:9

Lêc Sol wê lê ngwe nêbê Pol ge, Myakɨlôhô Ngɨbua hɨvun i xôn om Pol yê Elimas kɨzêc,

Sinale 2:4

Dɨ Myakɨlôhô Ngɨbua lam la vac he vɨhati nɨlô dɨ he keac xomxo toto vya tɨyi xocbê Myakɨlôhô Ngɨbua vông vô he ge.

Sinale 28:25

Om he nêlma lec kɨyang tige dɨ lop mɨ la vɨxun, lêc taxlee ge od Pol nêl kɨyang vô he bêga nêbê, “Myakɨlôhô Ngɨbua nêl kɨyang nôn vô plopet Aisaia lec buge ilage bêga nêbê,

Sinale 4:8

Mêd Myakɨlôhô Ngɨbua hɨvun Pita xôn om Pita nêl vô he ên nêbê, “Xam xomxo levac hɨxôn xam gyovɨxa,

Sinale 6:10

Om he Stiven ngaênma lec xolac, lêc Myakɨlôhô Ngɨbua vông pɨyôp nivɨha vô Stiven om xomxo tigee tɨyiên ma wê ob kɨtya Stiven kɨyang vêl ge.

2 Kolin 13:3

Xacxam va nêb xam ob xovô bê Kɨlisi nêl kɨyang vac a myag, me? Om xam obêc xovô lec môp wê a vông ge. Ên Kɨlisi o tɨyi xocbê xomxo xêlehelehe ge lêm. Nge, vông yuac hɨxôn xêkɨzêc vac xam mahɨgun.

1 Tesalonaika 2:13

Tɨyi buc vɨhati xe pɨmil Anutu lec môp ngwe wê xam vông ilage bêga nêbê ilage xam ngô Anutu xolac wê xe nêl ge dɨ kô pɨlihi ên xam nêbê kɨyang ge o xomxo pɨvulac pɨleva ti lêm. Nge, xam nêbê ge Anutu kɨyang nôn vɨxôhɨlôg. Om xam nêl vɨxôhɨlôg, ên ge Anutu kɨyang nôn mê. Kɨyang tige dɨvông yuac xêkɨzêc vac xam wê xam vông i vin ge nɨlôm.

1 Pita 1:12

Lêc Anutu nêl kɨtong vô he bêga ên nêbê, “Xam plopete, a vông kɨyang tige lec xomxo tyo vô xam ên a nêb xam loc nêl kɨyang tige kɨtong vô xomxo vɨhati. Lêc a o vông yuac tige vô xam ên a nêb i ngɨdu xacxam xôn lêm. Nge, yuac tige obêc ngɨdu he wê obêc yubac tɨmuên ge xôn.” Anutu nêl bêge vô he ilage, dɨ il xovô ên il nêbê kɨyang wê he nêl ge vô nôn lec vô il, dɨ gwêbaga xomxo nêl xolac nivɨha tige kehe kɨtong vô xam mɨ xam ngô. Anutu vông Myakɨlôhô Ngɨbua wê dô lag puunê ge lam kɨbun ga, om xomxo nêl xolac vô xam ya xêkɨzêc wê Myakɨlôhô Ngɨbua vông ge. Dɨ angela êno xo ên nêb ob xovô xolac kehe.

2 Pita 1:21

Ên ilage he plopete ti o nêl kɨyang ya xovôên wê heche va xovô ge lêm. Nge, Myakɨlôhô Ngɨbua vông Anutu kɨyang vô he lêc he nêl.