Matyu 1:22 - Patep

²² Angela nêl bêge, om kɨyang wê Apumtau nêl vô plopete ti ilage vô nôn lec. Plopete tige nêl bêga ên nêbê,

Matyu 1:22 ပူးပေါင်းရင်းမြစ်များ

Matyu 12:17

Om Anutu kɨyang wê plopete Aisaia nêl ilage vô nôn lec. Kɨyang tige nêl bêga ên nêbê,

Matyu 13:21

lêc he tɨyi xocbê ngec wê ngɨlôhô ma ge, om he dô nipwo tya, lêc he obêc tulec vɨyin me xomxo obêc vông myavɨnê vô he ên wê he vông i vin xolac ge od he sea vông vinên wê he vông ge lutibed.

Matyu 13:35

Mêgem kɨyang wê plopete nêl ilage vô nôn lec. Plopete nêl bêga ên nêbê, “A ob nêl kɨyang pɨlepacên vô he. Dɨ kɨyang wê yêp xôpacên vô buc wê Anutu tung lag yuu kɨbun dɨ i val tyip gwêbaga hɨxôn ge, a ob nêl kɨyang tigee kehe kɨtong i yêp seac.”

Matyu 2:15

dɨ la dô dɨ i la tyip vô buc wê Helot yib vêl ge. Om Apumtau kɨyang wê plopete nêl ilage vô nôn lec. Plopete nêl bêga ên nêbê, “A tyuc nug tuc gê Isip mɨ i lôm.”

Matyu 2:23

dɨ la dô vac vɨgwe Nasalet. Om kɨyang wê he plopete nêl ilage vô nôn lec. Kɨyang tige nêl bêga ên nêbê, “He ob nêl bê i ge xomxo Nasalet ti.”

Matyu 5:17

“Le i lêc xo bê a lam ên a nêb a ob kɨtya Moses xolac hɨxôn plopete kɨyang vêl lêm. Ên a o lam ên a nêb a ob kɨtya kɨyang tigee vêl lêm. Nge, a nêb a ob vông i vô nôn lec.

Matyu 8:17

Om kɨyang wê plopete Aisaia nêl ilage vô nôn lec. Ilage Aisaia nêl bêga ên nêbê, “Ici va kô il nêd myavɨnê hɨxôn yidac wê vông il ge vêl.”

Yesu Kɨlisi xolac wê Luk kɨvuu ge 21:22

Ên buc tige wê Anutu ob vông myavɨwen nipaên vô xomxo Yuda i tɨyi kɨyang wê plopete kɨvuu ilage, om kɨyang gee vɨhati obêc vô nôn lec.

Yesu Kɨlisi xolac wê Luk kɨvuu ge 24:44

Nang dêc Yesu nêl vô he ên nêbê, “Ilage wê a gên dô hɨxôn xam ge, od a nêl kɨyang bêga vô xam ên a nêbê kɨyang wê xomxo kɨvuu lec a mɨ i yêp vac Moses xolac yuu plopete kɨyang dɨ yêp vac kɨpihac Sam ge, ge vɨhati obêc vô nôn lec.”

Yesu Kɨlisi xolac nivɨha wê Jon kɨvuu ge 10:35

Anutu nêl kɨyang tige vô xomxo ilage, lêc nêb he Anutu. Dɨ il xovô ên il nêbê xomxo ti o tɨyi wê ob kɨtya Anutu vya vêl ge lêm.

Yesu Kɨlisi xolac nivɨha wê Jon kɨvuu ge 15:25

Môp wê he vông ge vông kɨyang wê yêp vac xolac wê he vông ge ti vô nôn lec. Kɨyang tige yêp bêga nêbê, ‘He xêyaa vô myavɨnê vô a pɨsiv.’

Yesu Kɨlisi xolac nivɨha wê Jon kɨvuu ge 17:12

Buc wê a dô hɨxôn he ge a viac he dɨ he dô vac ông lêm ti wê ông vông vô a ge. A viac he nivɨha om he ti ob la xôa ma lêm. Lêc xomxo tibed ob kô myavɨwen mɨ la xôa ma, ên kɨyang wê yêp vac xolac ge i vô nôn lec.

Yesu Kɨlisi xolac nivɨha wê Jon kɨvuu ge 18:9

Yesu nêl kɨyang tige ên nêb kɨyang wê nêl ilage i vô nôn lec, kɨyang ti wê nêl ên nêbê, “Xomxo wê ông vɨnoo ên ông nêb he i tu axe ge, a o sea ti mɨ i la dô xel lêm.”

Sinale 3:18

Ilage Anutu vông plopete vɨhati he nêl kɨtong ên nêbê Kɨlisi wê Anutu vông i lam ge ob kô myavɨnê, om môp wê xam vông ge vông kɨyang tyo vô nôn lec.

Kɨpihac wê Pol kɨvuu vô tɨbii Lom ge 1:2

Xolac tiga, Anutu nêl vô plopete ilage mɨ he kɨvuu i yêp vac kɨpihac ngɨbua.

Levelesen 17:17

Anutu vông pɨyôp vô he ên nêb he i vông pɨyôp wê i nêl ge i vô nôn lec, om he vông lê levac yuu xêkɨzêc wê he vông ge vô bwoc vɨmen tige dɨ i la tyip vô buc wê Anutu obêc vông kɨyang vɨhati wê i vông ge vô nôn lec.