Yesu Kɨlisi xolac wê Luk kɨvuu ge 7:22 - Patep

²² Mêgem Yesu nêl vô yuu ên nêbê, “Muu lôc mɨ loc dɨ nêl môp wê muu ngô yuu wê ge kɨtong vô Jon bê xomxo manôn tocên, manôn seac, dɨ xomxo vɨxa nipaên, vɨxa vô nivɨha lec mɨ he la nivɨha, dɨ xomxo wê kɨtyax mahɨzihɨzi ge, kɨtyax yôv dɨ he vô nivɨha lec, dɨ xomxo wê nɨnya vô kɨtu ge, ngô kɨyang, dɨ xomxo yibên kɨdi lec mavɨha tii vac nang, dɨ xomxo wê nên susu maên gee ngô xolac nivɨha.

Yesu Kɨlisi xolac wê Luk kɨvuu ge 7:22 ပူးပေါင်းရင်းမြစ်များ

Matyu 11:5

xomxo wê manôn tocên gee, he manôn seac, dɨ xomxo wê vɨxa nipaên gee, he vɨxa vô nivɨha lec mɨ he la nivɨha, dɨ xomxo wê kɨtyax mahɨzihɨzi gee, he vô nivɨha lec, dɨ xomxo wê nɨnya vô kɨtu gee ngô kɨyang, dɨ xomxo yibên kɨdi lec mavɨha, dɨ xomxo wê nên susu maên gee ngô xolac nivɨha.

Matyu 21:14

Yesu dô vac Anutu xumac ngɨbua nɨlô dɨ xomxo matocên hɨxôn xomxo vɨxa pecên val vô i dɨ i vông he vô nivɨha lec.

Yesu Kɨlisi xolac wê Luk kɨvuu ge 4:18

“Myakɨlôhô Ngɨbua wê Apumtau vông ge lam lec a, ên Anutu vɨnoo a ên nêb a nêl i xolac kɨtong vô xomxo wê nên susu maên gee. Om vông a lam ên nêb a vô vɨyin vêl ên xomxo wê dô vac kalabuhu ge, dɨ vông xomxo wê manôn toc ge manôn i seac, dɨ vông a lam ên nêb a vô vɨyin levac wê hɨvun xomxo xôn ge vêl.

Yesu Kɨlisi xolac wê Luk kɨvuu ge 7:21

Vô buc tya ge Yesu dô dɨ vông xomxo yidac kehe toto tɨbeac vô nivɨha lec dɨ tii vɨmwo nipaên vêl ên xomxo tɨbeac, dɨ vông xomxo wê manôn tocên ge, manôn seac.

Yesu Kɨlisi xolac wê Luk kɨvuu ge 7:23

Xomxo wê nɨlô o vông yuu lec a lêm ge wê obêc dô hɨxôn xêyaa nivɨha.”

Yesu Kɨlisi xolac nivɨha wê Jon kɨvuu ge 1:46

Lêc Nataniel nêl ên nêbê, “Nôn nivɨha ti ob val tyip vac vɨgwe Nasalet lêm.” Lêc Pilip nêl vô i ên nêbê, “Lam loc wê lê.”

Sinale 26:18

ên ông vông he manôn i seac dɨ vông he i sea môp mapɨtoc dɨ lam dô vac xêseac, dɨ he i sea xêkɨzêc wê Seten vông ge dɨ lôm vô Anutu dɨ vông i vin a, ên Anutu i kɨtya he nên nipaên vêl dɨ he i dô hɨxôn xomxo wê Anutu vɨnoo he pyap ge.’

Sinale 8:7

Ên xomxo tɨbeac wê vɨmwo nipaên dô vac he nɨlô gee, vɨmwo tigee iac mabu dɨ lam lop mɨ la vêl ên he, dɨ xomxo tɨbeac wê len vô xêlehe gee hɨxôn he wê vɨxa vô nipaên ge, he vô nivɨha lec.

Jems 2:5

Xam lige, xam ngô lê. Xomxo wê susu maên gê kɨbun ga ge wê Anutu vɨnoo he pyap nêb he i tu xomxo wê vông vinên xêkɨzêc ge, dɨ nêl nêb he ge wê ob la dô vac i ben lag puunê dɨ kô vɨzid nivɨha wê Anutu hɨlu pyap nêb ob vông vô xomxo wê he xêyaa vin lec i ge.