Yesu Kɨlisi xolac wê Luk kɨvuu ge 4:18 - Patep

¹⁸ “Myakɨlôhô Ngɨbua wê Apumtau vông ge lam lec a, ên Anutu vɨnoo a ên nêb a nêl i xolac kɨtong vô xomxo wê nên susu maên gee. Om vông a lam ên nêb a vô vɨyin vêl ên xomxo wê dô vac kalabuhu ge, dɨ vông xomxo wê manôn toc ge manôn i seac, dɨ vông a lam ên nêb a vô vɨyin levac wê hɨvun xomxo xôn ge vêl.

Yesu Kɨlisi xolac wê Luk kɨvuu ge 4:18 ပူးပေါင်းရင်းမြစ်များ

Matyu 11:5

xomxo wê manôn tocên gee, he manôn seac, dɨ xomxo wê vɨxa nipaên gee, he vɨxa vô nivɨha lec mɨ he la nivɨha, dɨ xomxo wê kɨtyax mahɨzihɨzi gee, he vô nivɨha lec, dɨ xomxo wê nɨnya vô kɨtu gee ngô kɨyang, dɨ xomxo yibên kɨdi lec mavɨha, dɨ xomxo wê nên susu maên gee ngô xolac nivɨha.

Matyu 12:18

“Wê lê. Xomxo tige, a nug yuac wê a vɨnoo i pyap. A xêgyaa vin lec i, dɨ a xê i nivɨha. A ob vông Myakɨlôhô Ngɨbua wê a vông ge i hɨvun i xôn, dɨ i ob nêl a xolac nivɨha vô tɨbii madɨluhu.

Matyu 12:20

Xomxo ya tɨyi xocbê duvac wê hɨbu nipwo tya ge, lêc a nug yuac tige ob hɨbu he sea lêm. Dɨ xomxo ya tɨyi xocbê ngwax wê tum lec kɨlen ge, lêc xomxo tyo ob hi i yib lêm. Xomxo tyo ob vông yuac mɨ dô ên vông kɨyang nivɨha i pwoo nipaên i pec.

Matyu 4:16

Om he wê dô vac mapɨtoc ge he yê xêseac levac. Dɨ he wê dô vac vɨgwe yibên mapɨtoc ge, xêseac val vô he pyap.”

Matyu 5:3

“Xomxo wê xovô ên nêbê he tɨyiên ma wê Anutu ob yê he nivɨha ge, he i dô hɨxôn xêyaa nivɨha, ên Anutu ben lag puunê tu he ben.

Yesu Kɨlisi xolac wê Luk kɨvuu ge 4:17

om he vông kɨpihac wê plopete Aisaia kɨyang yêp vac ge vô i, mɨ i tɨdii lêc yêvô kɨyang ti wê yêp bêga ên nêbê,

Yesu Kɨlisi xolac wê Luk kɨvuu ge 6:20

Mêd Yesu yê ma la nue ngɨvihi dɨ nêl vô he ên nêbê, “Xam wê xam xo ên xam nêbê xam o nivɨha lêm ge, xam xêmyaa i nivɨha, ên xam tu Anutu nue pyap.

Yesu Kɨlisi xolac wê Luk kɨvuu ge 7:22

Mêgem Yesu nêl vô yuu ên nêbê, “Muu lôc mɨ loc dɨ nêl môp wê muu ngô yuu wê ge kɨtong vô Jon bê xomxo manôn tocên, manôn seac, dɨ xomxo vɨxa nipaên, vɨxa vô nivɨha lec mɨ he la nivɨha, dɨ xomxo wê kɨtyax mahɨzihɨzi ge, kɨtyax yôv dɨ he vô nivɨha lec, dɨ xomxo wê nɨnya vô kɨtu ge, ngô kɨyang, dɨ xomxo yibên kɨdi lec mavɨha tii vac nang, dɨ xomxo wê nên susu maên gee ngô xolac nivɨha.

Yesu Kɨlisi xolac nivɨha wê Jon kɨvuu ge 1:41

om Andlu la vô li Saimon dɨ nêl vô ên nêbê, “Xe xê Mesaia.” Mesaia ge, lê ngwe nêbê Kɨlisi dɨ kehe bêga nêbê xomxo ti wê Anutu vông i lam ge.

Yesu Kɨlisi xolac nivɨha wê Jon kɨvuu ge 12:46

A lam dô kɨbun ga hɨxôn xêseac, ên a nêb xomxo wê vông i vin a ge, he i o lêc dô vac mapɨtoc nang lêm.

Yesu Kɨlisi xolac nivɨha wê Jon kɨvuu ge 3:34

Xomxo ti wê Anutu vông i lam ge, nêl Anutu kɨyang, ên Anutu vông Myakɨlôhô Ngɨbua hɨvun i xôn.

Sinale 10:38

Yesu Nasalet ge, Anutu vɨnoo i dɨ vông Myakɨlôhô Ngɨbua hɨxôn xêkɨzêc levac vô i, om Yesu la vac vɨgwe vɨhati dɨ la ngɨdu xomxo xôn dɨ vông he wê Seten ku he xôn gee vô nivɨha lec, ên Anutu dô hɨxôn i.

Sinale 26:18

ên ông vông he manôn i seac dɨ vông he i sea môp mapɨtoc dɨ lam dô vac xêseac, dɨ he i sea xêkɨzêc wê Seten vông ge dɨ lôm vô Anutu dɨ vông i vin a, ên Anutu i kɨtya he nên nipaên vêl dɨ he i dô hɨxôn xomxo wê Anutu vɨnoo he pyap ge.’

Sinale 4:26

King kɨbun ga vɨhati viac he ên vevac, dɨ xomxo levac kɨtucma ên nêb ob vông vevac vô Apumtau Anutu hɨxôn Kɨlisi wê i vông i lam ge.’

Sinale 4:27

Kɨyang tige vɨxôhɨlôg nôn, ên Helot yuu Pontias Pailat dɨ tɨbii wê o Yuda lêm gee hɨxôn xomxo Islel ya, he xôn kɨtucma vac vɨgwe ga ên nêb ob vông vɨyin vô Yesu, ông num yuac ngɨbua wê ông vɨnoo i ge.

Kolosi 1:13

Anutu vô il vêl ên xêkɨzêc yuu mapɨtoc wê Seten vông ge dɨ tung il la dô vac xêkɨzêc yuu xêseac wê Anutu nu tuc vông ge. Nu tuc ge wê Anutu xêyaa vin lec i,

Jems 2:5

Xam lige, xam ngô lê. Xomxo wê susu maên gê kɨbun ga ge wê Anutu vɨnoo he pyap nêb he i tu xomxo wê vông vinên xêkɨzêc ge, dɨ nêl nêb he ge wê ob la dô vac i ben lag puunê dɨ kô vɨzid nivɨha wê Anutu hɨlu pyap nêb ob vông vô xomxo wê he xêyaa vin lec i ge.

1 Pita 2:9

Lêc xam ge, Anutu vɨnoo xam pyap mɨ xam tu xomxo wê Anutu nêb ob viac xam ge, dɨ xam tu xomxo wê xam ob vông yuac vô Anutu tɨyi xocbê xomxo wê si daa vô Anutu ge, dɨ xam tu xomxo ngɨbua, dɨ xam tu xomxo wê Anutu vông ge, dɨ Anutu vɨnoo xam ên nêb xam loc nêl yuac nivɨha wê i vông ge kɨtong. Anutu tyuc xam om xam sea mapɨtoc dɨ i dɨdii xam vô xêseac nivɨha wê i vông ge.