Yesu Kɨlisi xolac wê Luk kɨvuu ge 1:3 - Patep

³ Om a êno nêb a ob kɨvuu kɨyang ge vac kɨpihac mɨ vông i loc vô ông, ên buc tɨbeac a kɨnêg mɨ xovô kɨyang ge vɨhati kehe. Om a kɨvuu vɨhati bôbac yuu nivɨha vac kɨpihac,

Yesu Kɨlisi xolac wê Luk kɨvuu ge 1:3 ပူးပေါင်းရင်းမြစ်များ

Yesu Kɨlisi xolac wê Luk kɨvuu ge 1:1

Xe levac Tiopilas, ông xovô pyap bê ilage kɨyang val le seac vac xe mahɨgun mɨ xomxo mangwe yê vô buc taxlee, om he nêl xolac wê he yê ge kɨtong vô xe. Nang dêc xomxo tɨbeac mangwe nêb he ob kɨtuc kɨyang ge vɨhati mɨ kɨvuu vac kɨpihac, om he toto kɨvuu kɨyang tɨyi wê xomxo taxlee nêl dɨ i val vô il ga hɨxôn.

Sinale 1:1

Tiopilas, kɨpihac wê a Luk, a kɨvuu tax ge, a kɨvuu lec kɨyang yuu do vɨhati wê Yesu vông taxlee ge

Sinale 11:4

Lêc Pita nêl kɨyang vɨhati ge kɨtong vô he bêga nêbê,

Sinale 15:19

“Mêgem xovôên wê a vông ge bêga nêbê il ob vông vɨyin tɨbeac vô tɨbii ba wê pɨlepac he ge lêm.

Sinale 15:25

Mêgem xe kɨtucma dɨ hɨlu kɨyang bêga ên xe nêbê xe ob vɨnoo xomxo yuu i loc vô xam hɨxôn il lig Pol yuu Banabas wê xe xêmyaa vin lec yuu ge.

Sinale 15:28

Myakɨlôhô Ngɨbua dô hɨxôn xe dɨ xe hɨlu kɨyang bêga ên xe nêbê xe ob vông vɨyin tɨbeac vô xam lêm. Dom môp wê xam ob tɨmu vô ge bêga bê

Sinale 18:23

Mêd Pol dô Antiok buc ya, nang dêc kɨdi vac Antiok dɨ la tup vac vɨgwe wê yêp vac vɨgwe levac Galesia yuu Plisia ge, dɨ la nêl kɨyang vô xomxo vông vinên ên nêb i ngɨdu he xôn.

Sinale 23:26

“A, Klodias Lisias, a kɨvuu kɨpihac tiga vô ông gavman levac Piliks. Vɨdiiên nivɨha i loc vô ông.

Sinale 24:3

Om môp tige vông xe xêmyaa vô nivɨha dɨ xe hi vɨxam ên ông tɨyi buc vɨhati.

Sinale 26:25

Lêc Pol nêl ên nêbê, “Xomxo levac Pestas, a o mav lêm. Kɨyang wê a nêl ge kɨyang nôn dɨ a pɨyôp yêp om a nêl kɨyang nivɨha.

1 Kolin 16:12

Il lig Apolos ge, a nêl ngɨnong ên a nêb i kô lige ya mɨ he i loc vô xam lê, lêc Apolos xêyaa o vin lec wê nêb ob loc decdec ge lêm, om ob dô lê, dɨ obêc xovô buc ti ge od ob mɨloc vô xam.

1 Kolin 7:40

Lêc xovôên wê a vông ge bêga nêbê vêxôv tige obêc dô pɨleva dɨ kôên vux obêc ma ge od obêc dô hɨxôn xêyaa nivɨha yang. Dɨ a ga, a xovô ên a nêbê Myakɨlôhô Ngɨbua wê Anutu vông ge dô hɨxôn a om vông xovôên nivɨha vô a.

1 Timoti 4:6

Timoti, ông obêc nêl kɨyang wê a kɨvuu ga vô lime vông vinên ge od ông ob tu Yesu Kɨlisi nu yuac nivɨha ti, dɨ kɨyang wê nêl môp vông vinên kehe kɨtong ge hɨxôn kɨyang nôn wê ông ngô dɨ tɨmu vô ge, kɨyang tige ob vông xêkɨzêc vô ông.