Yesu Kɨlisi xolac nivɨha wê Jon kɨvuu ge 9:34 - Patep

³⁴ Mêd he Palisi nêl vô xomxo tyo ên nêbê, “Tam kô ông hɨxôn nipaên, lêc ông nêb ông ob nêl kɨyang vô xe?” Mêd he tii i la nɨnya.

Yesu Kɨlisi xolac nivɨha wê Jon kɨvuu ge 9:34 ပူးပေါင်းရင်းမြစ်များ

Yesu Kɨlisi xolac wê Luk kɨvuu ge 11:45

Mêgem xomxo wê xovô Moses xolac ge ti nêl vô Yesu ên nêbê, “Xolac kehe, kɨyang wê ông nêl ge, ge ông nêl nipaên lec xe hɨxôn.”

Yesu Kɨlisi xolac wê Luk kɨvuu ge 14:11

Ên xomxo ti obêc yong i nêb i xomxo levac ge od Anutu obêc yê i xocbê xomxo pɨleva, lêc xomxo ti obêc vông i vô nipwo ge od Anutu obêc pɨmil i dɨ vông i lê vô levac.”

Yesu Kɨlisi xolac wê Luk kɨvuu ge 18:17

A nêl hɨxôn nôn vô xam bê xomxo ti obêc vông i vin Anutu mɨ la vac i kwa ngɨbi tɨyi xocbê nipwo mi la vac tae mae kwa ngɨbi lêm ge od o tɨyi wê obêc la dô vac Anutu ben ge lêm.”

Yesu Kɨlisi xolac wê Luk kɨvuu ge 6:22

Buc wê xomxo obêc yê xam nipaên ên wê xam vông i vin Xomxo Nu ge dɨ obêc tii xam dɨ nêl kɨyang nipaên lec xam dɨ so vya vô xam ên nêb xam tɨbii nipaên ge od xam nɨlôm i nivɨha.

Yesu Kɨlisi xolac nivɨha wê Jon kɨvuu ge 6:37

Xomxo wê Anutu vɨnoo nêb he i tu axe ge, vɨhati obêc lam vô a, dɨ xomxo ti obêc val vô a ge, od a obêc tii i lêm.

Yesu Kɨlisi xolac nivɨha wê Jon kɨvuu ge 8:41

Xam vông môp tɨyi xocbê mam mi vông ge.” Mêd he nêl vô Yesu ên nêbê, “Xe o tɨyi xocbê nipwo wê ta kô vax dɨ ma ma ge lêm. Xe mag Anutu tibed wê dô ge.”

Yesu Kɨlisi xolac nivɨha wê Jon kɨvuu ge 9:2

Mêd Yesu nue ngɨvihi kɨnêg vô Yesu ên nêbê, “Xolac kehe, letya vông nipaên lêc xomxo tige yubac hɨxôn ma tocên? Xomxo tige vaci vông nipaên, me ta yuu ma?”

Yesu Kɨlisi xolac nivɨha wê Jon kɨvuu ge 9:22

Ta yuu ma nêl kɨyang bêge, ên yuu xona ên he Yuda levac. Ên he Yuda hɨlu kɨyang pyap ên nêbê xomxo ti obêc nêl Yesu kɨtong bê i Kɨlisi ge od he ob tii i vêl ên xumac lɨlo dɨ i loc dô nɨnya.

Yesu Kɨlisi xolac nivɨha wê Jon kɨvuu ge 9:35

Yesu ngô wê he tii xomxo tige la nɨnya ge om tulec i dɨ kɨnêg vô i ên nêbê, “Ông vông i vin Xomxo Nu, me?”

Yesu Kɨlisi xolac nivɨha wê Jon kɨvuu ge 9:40

Palisi ya dô kwabo hɨxôn Yesu dɨ ngô kɨyang wê i nêl ge om nêl vô i ên nêbê, “Ông nêb xe êno mamnôn toc mê?”

Galesia 2:15

Vɨxôhɨlôg, il ga xomxo Yuda wê mage buge ge Yuda, dɨ il o tɨbii ba wê madɨluhu ge lêm.

Epesas 2:3

Ilage il vɨhati dô tɨyi xocbê xomxo tibêgee dɨ tɨmu vô môp nipaên kɨbun ga, dɨ vông môp nipaên tɨyi xocbê il nɨlôd kɨdu il ên nêb il vông ge, dɨ il vông môp nipaên tɨyi xocbê il nidnɨvi yuu pɨyôp xovô ên nêb il vông ge. Om Anutu xêyaa vô myavɨnê vô il hɨxôn xomxo nipaên vɨhati ên nêb obêc kɨtya il vêl.

1 Pita 5:5

A ob nêl vô xam ngɨvihi bêga bê xam loc vac gyovɨxa kwa ngɨbi dɨ ngô he vya. Dɨ a ob nêl vô xam vêx yuu vux vɨhati bêga bê le i lêc kô xam lec vô xomxo lêm. Nge, xam pɨlepac xam mɨ vô nipwo lec dɨ loc vac lime vông vinên vɨhati kwa ngɨbi, ên kɨyang yêp bêga ên nêbê, “Anutu obêc vông vevac vô he wê kô he lec vô xomxo ge, dɨ obêc vông vɨzid nivɨha vô he wê pɨlepac he mɨ vô nipwo lec ge.”

3 Jon 1:10

Om buc wê a obêc mɨloc vô xam ge, od a ob nêl i môp wê mi vông ge kɨtong vô xam, ên xomxo tige mi nêl kɨyang nipaên vaxvax lec xe. Lêc o vông môp tige tibed lêm. Nge, vông môp nipaên hɨxôn bêga nêbê ici va nêb ob hôm xomxo vông vinên wê val vac xam bom ge lec lêm, dɨ lime wê nêb ob hôm xomxo tigee lec ge, Daiotlepis mi le vac he xôn dɨ tii he la vêl ên konglegesen.

3 Jon 1:9

A kɨvuu kɨpihac ti mɨ vông i loc vô konglegesen vac ông bom, lêc Daiotlepis wê mi yong i ên nêb ob tu xam nêm levac ge nêb ob ngô a kɨyang lêm.

Levelesen 13:17

Om bwoc vɨmen mak yuu naba ob yêp lec xomxo ti lêm ge od o tɨyi wê ob la kɨsuu susu ge lêm dɨ o tɨyi wê ob vông susu mɨ tɨbii i kɨsuu ge lêm. Mak hɨxôn naba tige nêl bwoc vɨmen lê kɨtong.