Yesu Kɨlisi xolac nivɨha wê Jon kɨvuu ge 8:56 - Patep

⁵⁶ “Ilage bum Eblaham xêyaa vô nivɨha ên nêb ob yê buc wê a vông ge, om yê buc tige dɨ xêyaa vô nivɨha.”

Yesu Kɨlisi xolac nivɨha wê Jon kɨvuu ge 8:56 ပူးပေါင်းရင်းမြစ်များ

Matyu 13:17

A nêl vɨxôhɨlôg nôn vô xam bê plopete hɨxôn xomxo nivɨha wê dô ilage, he tɨbeac nêb he ob yê tɨyi xocbê xam wê gwêbaga, lêc he yêên ma, dɨ he nêb he ob ngô kɨyang tɨyi xocbê xam ngô gwêbaga, lêc he ngôên ma.

Yesu Kɨlisi xolac wê Luk kɨvuu ge 10:24

Ên a ob nêl vô xam bê plopete yuu king wê dô ilage, he tɨbeac nêb ob yê i tɨyi xocbê xam wê ge lê, lêc he yêên ma. Dɨ he tɨbeac nêb ob ngô kɨyang xocbê wê xam ngô ge lê, lêc he ngôên ma.”

Yesu Kɨlisi xolac nivɨha wê Jon kɨvuu ge 10:25

Mêd Yesu nêl vô he ên nêbê, “A nêl vô xam pyap, lêc xam o vông i vin a lêm. Yuac vɨhati wê a vông lec Mag lê ge, nêl a kɨtong seac,

Yesu Kɨlisi xolac nivɨha wê Jon kɨvuu ge 8:37

A xovô ên a nêbê xam ge Eblaham bue, lêcom xam nêb xam ob hi a xib, ên kɨyang wê a vông ge o yêp vac xam nɨlôm lêm.

Yesu Kɨlisi xolac nivɨha wê Jon kɨvuu ge 8:39

Mêd he nêl vô Yesu ên nêbê, “Xe mag Eblaham.” Lêc Yesu nêl vô he ên nêbê, “Xam obêc Eblaham nue nôn ge od xam obêc vông môp i tɨyi wê Eblaham vông ge. Lêc xam o vông môp tɨyi wê Eblaham vông ge lêm.

Hiblu 11:13

Xomxo tigee vông i vin Anutu tɨyi buc vɨhati mɨ i la tyip vô buc wê he yib ge hɨxôn. Lêc buc wê he dô kɨbun ga ge kɨyang wê Anutu hɨlu pyap ge o vô nôn lec vô he lêm. Om tɨyi xocbê he le teva dɨ yê ma la nôn nivɨha wê Anutu nêb obêc vông vô he tɨmuên ge, dɨ he xêyaa vô nivɨha, dɨ he nêl seac ên nêbê, “Il dô kɨbun ga tɨyi xocbê il lam dô tɨbii ba ben om il ob dô buc dia lêm. Nge, il ob dô buc myabo tyatya.”

Hiblu 11:39

Xomxo vông vinên wê a nêl kɨyang lec he ge, he vông i vin, om Anutu yê he nivɨha. Lêc kɨyang wê Anutu hɨlu pyap ge o vô nôn lec vô he lêm.