Yesu Kɨlisi xolac nivɨha wê Jon kɨvuu ge 8:28 - Patep

²⁸ om Yesu nêl vô he ên nêbê, “Buc wê xam obêc hi Xomxo Nu lec xax ge od xam obêc xovô bê a Anutu nu mê, dɨ xam obêc xovô bê yuac wê a vông ge a o vông ya xovôên wê aca vông ge lêm. Nge, a nêl kɨyang tɨyi kɨyang wê Mag vông vô a ge.

Yesu Kɨlisi xolac nivɨha wê Jon kɨvuu ge 8:28 ပူးပေါင်းရင်းမြစ်များ

Matyu 24:5

Ên xomxo tɨbeac ob val nêl a lêg lec he lê nêbê he Kɨlisi, om he ob kɨtyoo xomxo tɨbeac.

Yesu Kɨlisi xolac wê Mak kɨvuu ge 13:6

Ên xomxo tɨbeac obêc val nêl a lêg dɨ nêl bêga nêbê he Kɨlisi om obêc kɨtyoo xomxo tɨbeac.

Yesu Kɨlisi xolac wê Luk kɨvuu ge 21:8

Mêgem Yesu nêl ên nêbê, “Xam viac xam nivɨha êdêc tɨbii i o lêc kɨtyoo xam lêm. Ên xomxo tɨbeac obêc val kɨtyoo xam dɨ nêl a lêg dɨ nêl bê he Kɨlisi, dɨ nêl bê buc vô kwabo lec. Lêc xam o lêc vông i vin he vya dɨ tɨmu vô he lêm.

Yesu Kɨlisi xolac nivɨha wê Jon kɨvuu ge 11:42

Dɨ a xovô ên a nêbê tɨyi buc vɨhati ông vô nɨnyam vô a vyag, lêc a nêl kɨyang tiga ên a nêb xomxo wê val le gae, he i ngô dɨ vông i vin bê ông vông a lam.”

Yesu Kɨlisi xolac nivɨha wê Jon kɨvuu ge 13:19

Kɨyang tige gên o vô nôn lec lêm, lêc a nêb a ob nêl kɨtong vô xam tax, ên obêc vô nôn lec tɨmuên ge od xam xovô bê a xomxo tyo.

Yesu Kɨlisi xolac nivɨha wê Jon kɨvuu ge 16:10

Dɨ ob nêl môp nivɨha kɨtong, ên a ob lax vô Mag dɨ xam ob wê a tii vac lêm.

Yesu Kɨlisi xolac nivɨha wê Jon kɨvuu ge 18:32

Ilage Yesu nêl môp wê tɨbii ob hi i yib ge om kɨyang wê he Yuda nêl ge vông kɨyang wê Yesu nêl ge vô nôn lec.

Yesu Kɨlisi xolac nivɨha wê Jon kɨvuu ge 19:18

Mêd he tul Yesu lec xax pola vac vɨgwe tige, dɨ tul tɨbii yuu lec xax hɨxôn Yesu, om Yesu yux vac mahɨgun dɨ tɨbii yuuo ge, ngwe yux vɨlu dɨ ngwe yux vɨlu.

Yesu Kɨlisi xolac nivɨha wê Jon kɨvuu ge 3:11

A nêl hɨxôn nôn vô ông bê xe nêl kɨyang wê xe xovô ge dɨ xe nêl kɨtong lec susu wê xe mamnôn yê ge, lêc xam o vông i vin kɨyang wê xe nêl ge lêm.

Yesu Kɨlisi xolac nivɨha wê Jon kɨvuu ge 3:14

Ilage Moses tul myel kɨnu lec xax vac vɨgwe mahɨgun pɨleva. Om Xomxo Nu, tɨbii obêc tul lec xax tɨyi bêge êno,

Yesu Kɨlisi xolac nivɨha wê Jon kɨvuu ge 4:26

Yesu nêl vô i ên nêbê, “A tyo ga mê, wê a dɨnêl kɨyang vô ông ga.”

Yesu Kɨlisi xolac nivɨha wê Jon kɨvuu ge 5:19

Mêgem Yesu nêl vô he Yuda ên nêbê, “A nêl vɨxôhɨlôg nôn vô xam bê a Anutu nu, a o tɨyi wê a ob vông môp i tɨyi xovôên wê aca va vông ge lêm. Nge, môp wê a vông ge a vông vɨhati tɨyi môp wê Mag vông mɨ a xê ge. Môp wê Mag vông ge, a êno ob vông i tɨyi.

Yesu Kɨlisi xolac nivɨha wê Jon kɨvuu ge 5:30

“A o tɨyi wê a ob vông môp ti ya xovôên wê aca va vông ge lêm. Nge, a yaxên xomxo nên kɨyang tɨyi xocbê kɨyang wê a ngô vô Mag ge. Dɨ a yaxên xomxo nên kɨyang ya môp bôbac, ên a o tɨmu vô pɨyôp wê a vông ge lêm. Nge, xomxo ti wê vông a lam ge, a tɨmu vô kɨyang wê i vông ge.

Yesu Kɨlisi xolac nivɨha wê Jon kɨvuu ge 6:38

Ên a o lop mɨ lam gê lag puunê ên a nêb a ob vông i tɨyi xovôên wê aca va vông ge lêm. Nge, a lam ên a nêb a ob tɨmu vô kɨyang wê xomxo ti wê vông a lam ge nêl ge.

Yesu Kɨlisi xolac nivɨha wê Jon kɨvuu ge 8:24

Kɨyang bêge om a nêl vô xam gwêba ên a nêbê xam obêc wib hɨxôn nêm nipaên. Ên xam obêc vông i vin bê a Anutu nu lêm ge, od xam obêc wib hɨxôn nêm nipaên.”

Yesu Kɨlisi xolac nivɨha wê Jon kɨvuu ge 8:27

Kɨyang wê Yesu nêl vô he ge, he o xovô bê Yesu nêl lec Ma Anutu lêm,

Yesu Kɨlisi xolac nivɨha wê Jon kɨvuu ge 8:58

Mêd Yesu nêl vô he ên nêbê, “A nêl hɨxôn nôn vô xam bê buc wê Eblaham gên ma ge od a dô tax.”

Sinale 2:41

Mêgem he wê vông i vin Pita kɨyang ge he lipac mia dɨ la dô hɨxôn xomxo vông vinên. He wê lipac mia lec buc tige, he tɨyi xocbê 3,000.

Sinale 4:4

Lêc xomxo wê ngô Pita kɨyang gee he tɨbeac vông i vin, om he vux wê vông i vin ge tɨyi xocbê 5,000.

Kɨpihac wê Pol kɨvuu vô tɨbii Lom ge 1:4

lêc Yesu ge xomxo xêseac pɨleva ti, om Anutu tɨpi vô i kɨdi lec mavɨha vac yibên ên nêb xomxo i xovô bê Yesu ge Anutu nu wê xomxo xêkɨzêc. Yesu Kɨlisi ge il nêd Apumtau.