Yesu Kɨlisi xolac nivɨha wê Jon kɨvuu ge 8:15 - Patep

¹⁵ Xam yaxên xomxo nên kɨyang ya xovôên wê xacxam vông ge, dɨ a ga, a o yaxên xomxo ti nên kɨyang lêm.

Yesu Kɨlisi xolac nivɨha wê Jon kɨvuu ge 8:15 ပူးပေါင်းရင်းမြစ်များ

Yesu Kɨlisi xolac wê Luk kɨvuu ge 12:14

Lêc Yesu nêl vô i ên nêbê, “Letya vɨnoo a nêb a tɨtô xam nêm kɨyang mɨ vông byed vô xam susu? Ge yêp vô xacxam va.”

Yesu Kɨlisi xolac nivɨha wê Jon kɨvuu ge 12:47

Xomxo ti obêc ngô a kɨyang lêc tɨmu vôên obêc ma ge od a ob tɨtô i lêm. Ên a o lam ên a nêb a ob yaxên xomxo nên kɨyang lêm. Nge, a lam ên a nêb a ob hôm he lec.

Yesu Kɨlisi xolac nivɨha wê Jon kɨvuu ge 18:36

Lêc Yesu nêl vô i ên nêbê, “He wê la vac a kwa ngɨbi dɨ a tu he nên king ge, kehe o yêp gê kɨbun ga lêm. Ên kehe obêc yêp kɨbun ga ge od a nuge obêc vông vevac kɨsuu a lec ên nêb he Yuda i o lêc hôm a xôn lêm. Lêc o bêge lêm, ên môp wê a tu he nên king ge, o yêp gê kɨbun ga lêm.”

Yesu Kɨlisi xolac nivɨha wê Jon kɨvuu ge 3:17

Ên Anutu o vông nu tuc lam kɨbun ên nêb i lam vông myavɨwen nipaên vô xomxo lêm. Nge, vông i lam ên nêb i lam hôm he lec.

Yesu Kɨlisi xolac nivɨha wê Jon kɨvuu ge 7:24

Le i lêc yaxên xomxo nên kɨyang vaxvax lêm. Nge, xam hɨvip kɨyang kehe lec dɨ tɨtô i yêp bôbac.”

Yesu Kɨlisi xolac nivɨha wê Jon kɨvuu ge 8:11

Lêc vêx tyo nêl vô i ên nêbê, “Xomxo levac, ti dôên ma.” Om Yesu nêl vô i ên nêbê, “Om a êno, a ob vông kɨyang vô ông lêm. Ông loc, dɨ le i lêc vông nipaên ti i tii vac lêm.”]

Kɨpihac wê Pol kɨvuu vô tɨbii Lom ge 2:1

Xam wê xam vô nɨlôm vô xomxo ya ên xam nêb he tɨbii nipaên ge, xam o tɨyi wê xam ob yax nipaên wê xam vông ge vun lêm. Ên môp nipaên wê xam vô nɨlôm vô he ge yêp vô xam êno hɨxôn, om xam obêc vô nɨlôm vô he ge od xocbê xam vô nɨlôm vô xacxam va ge êno.

1 Kolin 2:15

Xomxo wê Myakɨlôhô Ngɨbua dô vac he nɨlô ge tɨyi wê ob yaxên kɨyang vɨhati ge, lêc xomxo kɨbun ga o tɨyi wê ob yaxên xomxo wê Myakɨlôhô Ngɨbua dô vac he nɨlô ge lêm.

2 Kolin 5:16

Om xe ob tɨxuu xomxo lec môp wê xomxo vông ge lêm. Vɨxôhɨlôg, ilage xe tɨxuu Kɨlisi lec môp wê xomxo vông ge, lêc gwêbaga xe xovô i om xe ob vông môp tibêge i tii vac lêm.

Jems 2:4

Xam obêc vông bêge ge od ge xam yaxên xomxo ya pɨyôp soên wê xam vông ge mɨ wê xomxo ya nivɨha dɨ wê ya nipaên.