Yesu Kɨlisi xolac nivɨha wê Jon kɨvuu ge 7:30 - Patep

³⁰ Mêgem xomxo tigee nêb ob hôm Yesu xôn, lêc Yesu buc gên o vô kwabo lec lêm, om xomxo ti o tɨyi wê ob hôm vɨgê lec i ge lêm.

Yesu Kɨlisi xolac nivɨha wê Jon kɨvuu ge 7:30 ပူးပေါင်းရင်းမြစ်များ

Matyu 12:14

Om he Palisi kɨdi lec dɨ la kɨtucma dɨ myag môp wê nêb he ob hi Yesu i yib lec ge.

Matyu 21:46

Om he nêb he ob hôm Yesu xôn, lêc he xona ên xomxo tɨbeac, ên he tɨbeac yê Yesu tɨyi xocbê plopete ti.

Yesu Kɨlisi xolac wê Mak kɨvuu ge 11:18

Mêd xomxo levac wê mi si daa gee hɨxôn he wê xovô Moses xolac gee ngô kɨyang tige om myag môp wê ob hi Yesu yib lec ge, lêc he xona ên Yesu ên wê xomxo vɨhati yetac ên kɨyang wê Yesu nêl ge.

Yesu Kɨlisi xolac wê Luk kɨvuu ge 20:19

Yesu nêl bêge dêc xomxo wê xovô Moses xolac gee hɨxôn xomxo levac wê mi si daa gee, he xovô ên he nêbê Yesu nêl kɨyang pɨlepacên tige lec he, om he nêb he ob hôm Yesu xôn lutibed, lêc he xona ên wê xomxo tɨbeac ge.

Yesu Kɨlisi xolac wê Luk kɨvuu ge 22:53

Ilage a mi dô hɨxôn xam vac Anutu xumac ngɨbua tɨyi buc vɨhati, lêc xam o hôm a xôn lêm. Lêc gwêbaga buc wê xam vông, om xêkɨzêc wê mapɨtoc vông ge vô levac.”

Yesu Kɨlisi xolac nivɨha wê Jon kɨvuu ge 10:31

Mêd he Yuda hôm ngɨdax nêb ob nêx Yesu ya.

Yesu Kɨlisi xolac nivɨha wê Jon kɨvuu ge 10:39

Mêd xomxo tigee nêb ob hôm Yesu xôn lê, lêc Yesu vô he vɨgê vêl dɨ loc mɨ la.

Yesu Kɨlisi xolac nivɨha wê Jon kɨvuu ge 11:57

Xomxo levac wê mi si daa gee hɨxôn Palisi nêl kɨyang pyap ên nêbê xomxo ti obêc xovô vɨgwe ti wê Yesu la dô vac ge od i lam nêl kɨtong vô he ên he ob la hôm Yesu xôn.

Yesu Kɨlisi xolac nivɨha wê Jon kɨvuu ge 7:19

“Moses vông xolac vô xam ilage, lêc xam ti o tɨmu vô xolac vɨhati lêm. Bêna lêc xam nêb xam ob hi a xibê?”

Yesu Kɨlisi xolac nivɨha wê Jon kɨvuu ge 7:32

He Palisi ngô wê xomxo nêl kɨyang tibêge lec Yesu ge, om xomxo levac wê mi si daa gee hɨxôn he Palisi, he vông xêhɨpu ya la vô Yesu ên nêb he i loc hôm Yesu xôn.

Yesu Kɨlisi xolac nivɨha wê Jon kɨvuu ge 7:6

Mêd Yesu nêl vô he ên nêbê, “A buc gên o vô kwabo lec lêm, dom xam ge, xam tɨyi wê xam ob la tɨyi buc vɨhati ge.

Yesu Kɨlisi xolac nivɨha wê Jon kɨvuu ge 7:8

Om xacxam va loc wê buc ngɨbua tige, ên a ob loc hɨxôn xam lêm, ên buc wê a vông ge gên o vô kwabo lec lêm.”

Yesu Kɨlisi xolac nivɨha wê Jon kɨvuu ge 8:20

Yesu nêl xolac vô xomxo vac Anutu xumac ngɨbua, vac nɨlô ti wê he tung mone daa vac ge, om nêl kɨyang tige hɨxôn vô he. Lêc xomxo ti o hôm i xôn lêm, ên buc wê i vông ge o vô kwabo lec lêm.

Yesu Kɨlisi xolac nivɨha wê Jon kɨvuu ge 8:37

A xovô ên a nêbê xam ge Eblaham bue, lêcom xam nêb xam ob hi a xib, ên kɨyang wê a vông ge o yêp vac xam nɨlôm lêm.

Yesu Kɨlisi xolac nivɨha wê Jon kɨvuu ge 8:59

He ngô Yesu kɨyang tige om he hôm ngɨdax ên nêb ob nêx Yesu, lêc Yesu xôpac ên he dɨ sea Anutu xumac ngɨbua dɨ la vɨxun.

Yesu Kɨlisi xolac nivɨha wê Jon kɨvuu ge 9:4

Xomxo ti wê vông a lam ge, il ob vông yuac wê i vông ge vô vɨdiiên xêseac, ên mapɨtoc obêc val dɨ a xib ge od xomxo ti o tɨyi wê ob vông yuac ge lêm.