Yesu Kɨlisi xolac nivɨha wê Jon kɨvuu ge 7:19 - Patep

¹⁹ “Moses vông xolac vô xam ilage, lêc xam ti o tɨmu vô xolac vɨhati lêm. Bêna lêc xam nêb xam ob hi a xibê?”

Yesu Kɨlisi xolac nivɨha wê Jon kɨvuu ge 7:19 ပူးပေါင်းရင်းမြစ်များ

Matyu 12:14

Om he Palisi kɨdi lec dɨ la kɨtucma dɨ myag môp wê nêb he ob hi Yesu i yib lec ge.

Matyu 21:38

Lêc tɨbii wê viac yuac gee yê nu tuc wê mɨla ge, om nêl vôma ên nêbê, ‘Xomxo tige wê ma ob nêl i lê lec yuac wain ga. Om il ob hi i yib ên yuac wain ga i tu il xe.’

Yesu Kɨlisi xolac wê Mak kɨvuu ge 11:18

Mêd xomxo levac wê mi si daa gee hɨxôn he wê xovô Moses xolac gee ngô kɨyang tige om myag môp wê ob hi Yesu yib lec ge, lêc he xona ên Yesu ên wê xomxo vɨhati yetac ên kɨyang wê Yesu nêl ge.

Yesu Kɨlisi xolac wê Mak kɨvuu ge 3:4

Om Yesu nêl vô he vɨhati ên nêbê, “Xolac wê il Yuda vông ge, nêb il vông bêna lec sabatê? Nêb il vông nivɨha, me nêb il vông nipaên? Il ob vông xomxo vô nivɨha lec, me il ob hi he i yib lec sabat?” Lêc he dô kɨyang maên dɨ o nêl kɨyang ti lax vô Yesu lêm.

Yesu Kɨlisi xolac wê Mak kɨvuu ge 3:6

Mêd lutibed he Palisi kɨdi mɨ la, dɨ la kɨtucma hɨxôn Helot nue dɨ he xôn myag môp wê nêb ob hi Yesu i yib lec ge.

Yesu Kɨlisi xolac nivɨha wê Jon kɨvuu ge 1:17

Ilage Anutu nêl xolac vô Moses mɨ i nêl vô xomxo, lêc xêyaa vin lecên hɨxôn kɨyang nôn, Yesu Kɨlisi vaci kô mɨ lam.

Yesu Kɨlisi xolac nivɨha wê Jon kɨvuu ge 10:39

Mêd xomxo tigee nêb ob hôm Yesu xôn lê, lêc Yesu vô he vɨgê vêl dɨ loc mɨ la.

Yesu Kɨlisi xolac nivɨha wê Jon kɨvuu ge 11:53

Vô buc tige Yuda hɨlu kɨyang pyap nêb ob hi Yesu i yib.

Yesu Kɨlisi xolac nivɨha wê Jon kɨvuu ge 5:16

Mêgem he Yuda nêb ob vông vɨyin vô Yesu ên wê vông môp tige lec buc sabat ge.

Yesu Kɨlisi xolac nivɨha wê Jon kɨvuu ge 5:18

Mêgem he Yuda yê Yesu xôn ên nêb ob hi i yib, ên wê vông sabat vô nipaên ge, lêc o sabat kɨyang tibed lêm. Nge, Yesu nêl ên nêbê “Anutu ge a mag”, om Yuda yê i tɨyi xocbê yong i nêb yuu xôn Anutu tɨyima.

Yesu Kɨlisi xolac nivɨha wê Jon kɨvuu ge 5:45

Xam o lêc xo bê a ob vông kɨyang vô xam vô Anutu manôn lêm. Xomxo wê ob vông kɨyang vô xam ge, Moses ti wê xam vông i vin ên xam nêbê obêc ngɨdu xam xôn ge.

Yesu Kɨlisi xolac nivɨha wê Jon kɨvuu ge 7:1

Pyap dêc Yesu la vɨlee vac vɨgwe levac Galili. Ên he Yuda wê dô Judia ge nêb ob hi Yesu i yib om Yesu nêb ob la vɨlee vac vɨgwe Judia lêm.

Yesu Kɨlisi xolac nivɨha wê Jon kɨvuu ge 7:25

Xomxo Jelusalem ya kɨnêg ên nêbê, “Xomxo ti wê he Yuda levac nêb ob hi i yib ge, tyo tiganê, me?

Sinale 7:38

Mêd Moses dô hɨxôn il buge vac vɨgwe mahɨgun pɨleva dɨ i lec mɨ la lec kɨtôn Sainai, lêc angela nêl Anutu kɨyang vô i dɨ i kô kɨyang mavɨha mɨ lôm nêl vô lie dɨ i lam vô il gwêbaga hɨxôn.

Galesia 3:19

Mêgem Anutu vông xolac vô Moses, kehe lec vatya? Kehe bêga nêbê Anutu hɨlu kɨyang vô Eblaham pyap, dêc vông xolac vô Moses hɨxôn tɨmuên, ên nêb xolac i hɨlung xomxo nên nipaên i yêp seac. Om Anutu nêl ên nêb Moses vông xolac i yêp dɨ i mɨloc vô buc wê Eblaham bu tyo obêc val lec ge. Xomxo tige wê Anutu hɨlu kɨyang vô Eblaham ên nêb obêc vông i lam ge. Moses xolac tige, Anutu vaci o nêl vô xomxo lêm. Nge, Anutu vông angela lam nêl xolac tige vô Moses, pyap dêc Moses lam nêl vô he Islel.

Galesia 6:13

Xomxo tigee gôl he ninɨvi lê, lêc he o tɨmu vô môp vɨhati wê Yuda vông ge lêm. Lêc he nêb he ob gôl xam nimnɨvi, ên kô lê levac lec wê xam vông i vin he vya dɨ gôl nimnɨvi ge.