Yesu Kɨlisi xolac nivɨha wê Jon kɨvuu ge 7:12 - Patep

¹² Xomxo wê dô gee he keac kɨyang tɨbeac lec Yesu, om he ya nêl ên nêbê, “Ge xomxo nivɨha ti,” dɨ he ya nêl ên nêbê, “O xomxo nivɨha lêm, ên mi kɨtyoo xomxo.”

Yesu Kɨlisi xolac nivɨha wê Jon kɨvuu ge 7:12 ပူးပေါင်းရင်းမြစ်များ

Matyu 10:25

Lêc nipwo xumac xulacên ti obêc tɨyi ma wê hɨlung yuac vô i ge od pyap, dɨ xomxo ti obêc tɨyi xomxo levac wê viac yuac ge od pyap. A tɨyi xocbê xomxo levac wê a viac xumac ge, dɨ xomxo nêl Seten lê ngwe Bielsebul lec a, om xam xovô bêga bê he obêc nêl a nipaên ge od he ob nêl nipaên lec a nuge xam hɨxôn luu vêl.

Matyu 21:46

Om he nêb he ob hôm Yesu xôn, lêc he xona ên xomxo tɨbeac, ên he tɨbeac yê Yesu tɨyi xocbê plopete ti.

Matyu 27:63

dɨ nêl vô i ên nêbê, “Xomxo levac, xe xovô kɨyang wê xomxo kɨtyooên tige nêl vô buc wê gên dô mavɨha ge. Xomxo tyo nêl bêga ên nêbê, ‘Buc yon obêc lam la vêl lê, lêc a obêc kɨdi lec magvɨha.’

Yesu Kɨlisi xolac wê Luk kɨvuu ge 18:19

Lêc Yesu nêl vô i ên nêbê, “Bêna lêc ông nêb a nivɨha? Xomxo nivɨha ti o dô lêm. Anutu vaci nôn tibed wê nivɨha.

Yesu Kɨlisi xolac wê Luk kɨvuu ge 23:47

Mêd tɨbii levac wê viac nue vevac ge yê susu tigee dɨ pɨmil Anutu dɨ nêl ên nêbê, “Vɨxôhɨlôg, xomxo tiga nivɨha dɨ nipaên ti o yêp vô i lêm.”

Yesu Kɨlisi xolac wê Luk kɨvuu ge 23:50

Xomxo ti dô lê nêbê Josep dɨ i ben Alimatia wê yêp vac vɨgwe Yuda ge. Josep ge Yuda levac ti wê tu kaunsil dɨ mi dô vac kɨtucmaên hɨxôn Yuda levac levac, lêc o tyuc lec kɨyang wê kaunsile hɨlu lec Yesu ge hɨxôn lêm. Ên Josep ge xomxo nivɨha ti wê dô bin buc wê Anutu nu ob lam tu king gê kɨbun ga.

Yesu Kɨlisi xolac wê Luk kɨvuu ge 6:45

Dɨ il xomxo tɨyi lec bêge. Ên xomxo wê pɨyôp nivɨha yêp vac he nɨlô ge od ob vông môp nivɨha, dɨ xomxo wê nipaên yêp vac he nɨlô ge od mi vông môp nipaên. Ên kɨyang yuu xovôên wê pup vac xomxo nɨlô ge, xomxo mya nêl i lam seac.

Yesu Kɨlisi xolac wê Luk kɨvuu ge 7:16

Mêgem xomxo tigee yê dɨ xona mabu, dɨ pɨmil Anutu ên nêbê, “Il nêd plopete levac ti kɨdi vac il mahɨgun ga mê.” Dɨ he ya nêbê, “Gwêbaga Anutu val le seac vô il madnôn ên nêb ob hôm il wê il tu ixe ge lec.”

Yesu Kɨlisi xolac nivɨha wê Jon kɨvuu ge 6:14

Xomxo tigee yê do levac wê Yesu vông ge om nêl ên nêbê, “Plopet ti wê he nêb ob lam kɨbun ge, tyo tiga vɨxôhɨlôg nôn.”

Yesu Kɨlisi xolac nivɨha wê Jon kɨvuu ge 7:32

He Palisi ngô wê xomxo nêl kɨyang tibêge lec Yesu ge, om xomxo levac wê mi si daa gee hɨxôn he Palisi, he vông xêhɨpu ya la vô Yesu ên nêb he i loc hôm Yesu xôn.

Yesu Kɨlisi xolac nivɨha wê Jon kɨvuu ge 7:47

Om he Palisi nêl vô he ên nêbê, “Xomxo ge kɨtyoo xam êno.

Yesu Kɨlisi xolac nivɨha wê Jon kɨvuu ge 7:52

Lêc he so vya vô i ên nêbê, “Ông ge tɨbii Galili ti om ông ngɨdu i xônê? Ông obêc kɨtong xolac wê yêp vac kɨpihac ge od ông ob xovô bê plopet ti ob lam gê Galili lêm.”

Yesu Kɨlisi xolac nivɨha wê Jon kɨvuu ge 9:16

Mêd Palisi ya nêl ên nêbê, “Xomxo tige Anutu o vông i lam lêm, ên o tɨmu vô môp wê sabat ge lêm.” Lêc he ya nêl ên nêbê, “Xomxo tige obêc xomxo nipaên ge od o tɨyi wê ob vông do levac tibêge lêm.” Om he hɨbuma dɨ le kɨdu yuu.

Sinale 11:24

Banabas ge xomxo nivɨha ti wê vông i vin xêkɨzêc dɨ Myakɨlôhô Ngɨbua hɨvun i xôn. Mêd xomxo Antiok tɨbeac pɨlepac he dɨ vông i vin Apumtau.

Kɨpihac wê Pol kɨvuu vô tɨbii Lom ge 5:7

Môp wê il xomxo vông ge bêga nêbê xomxo ti ob yib mɨ kɨsuu xomxo nivɨha ti lec lêm. Lêcom mêd xomxo ti ti tɨyi wê ob vông he vac yibên ên kɨsuu xomxo nivɨha lec.

Pilipai 2:14

Yuac vɨhati wê xam ob vông ge, le i lêc so vya vô yuac tige dɨ nêl kɨyang tɨbeac lec lêm.