Yesu Kɨlisi xolac nivɨha wê Jon kɨvuu ge 6:57 - Patep

⁵⁷ Mag mavɨha vông a lam, dɨ a dô magvɨha ya xêkɨzêc wê Mag vông ge. Om xomxo ti obêc ya a ge, od ob dô mavɨha ya xêkɨzêc wê a vông ge.

Yesu Kɨlisi xolac nivɨha wê Jon kɨvuu ge 6:57 ပူးပေါင်းရင်းမြစ်များ

Matyu 16:16

Om Saimon Pita nêl lax vô i ên nêbê, “Ông Kɨlisi, Anutu mavɨha nu ông.”

Yesu Kɨlisi xolac nivɨha wê Jon kɨvuu ge 14:19

Buc myabo tya dɨ xomxo kɨbun ga ob yê a tii vac lêm, lêc xam ge, xam obêc wê a. A dô magvɨha om xam êno obêc dô mamvɨha.

Yesu Kɨlisi xolac nivɨha wê Jon kɨvuu ge 14:6

Om Yesu nêl vô i ên nêbê, “A ga môp, dɨ a kɨyang nôn kehe, dɨ a mavɨha dôên kehe. Om xomxo ti obêc la vô Mag vô môp bangwe lêm, ên môp wê ob la vô Mag ge a tibed.

Yesu Kɨlisi xolac nivɨha wê Jon kɨvuu ge 17:21

Mag, a nêb xomxo tigee vɨhati, he i dô tibed. Ên ông dô vac a nɨlôg dɨ a dô vac ông nɨlôm, om a nêb he i dô vac u nɨlôd, ên xomxo kɨbun ga he i yê dɨ xovô bê ông vông a lam.

Yesu Kɨlisi xolac nivɨha wê Jon kɨvuu ge 3:17

Ên Anutu o vông nu tuc lam kɨbun ên nêb i lam vông myavɨwen nipaên vô xomxo lêm. Nge, vông i lam ên nêb i lam hôm he lec.

Yesu Kɨlisi xolac nivɨha wê Jon kɨvuu ge 5:26

Mag ge mavɨha kehe, om vông mavɨha wê i vông ge vô nu tuc.

Yesu Kɨlisi xolac nivɨha wê Jon kɨvuu ge 6:29

Om Yesu luu he vya bêga nêbê, “Yuac wê Anutu vông ge bêga bê xam vông i vin xomxo ti wê Anutu vông i lam ge.”

Yesu Kɨlisi xolac nivɨha wê Jon kɨvuu ge 6:38

Ên a o lop mɨ lam gê lag puunê ên a nêb a ob vông i tɨyi xovôên wê aca va vông ge lêm. Nge, a lam ên a nêb a ob tɨmu vô kɨyang wê xomxo ti wê vông a lam ge nêl ge.

1 Kolin 15:22

Ên xomxo wê pum lec Adam ge vɨhati obêc yib, dɨ xomxo wê vông i vin Kɨlisi ge vɨhati obêc kɨdi lec mavɨha.

1 Kolin 15:45

Kɨyang yêp vac kɨpihac xolac bêga nêbê, “Adam taxlee ge tu xomxo mɨ dô mavɨha.” Dɨ Adam ngwe tɨmuên i Anutu nôn wê ob vông xomxo dô mavɨha luta.

2 Kolin 13:4

Vɨxôhɨlôg, he hi Yesu yib lec xax pola tɨyi xocbê xomxo wê xêkɨzêc ma ge, lêc gwêbaga Yesu dô mavɨha ya xêkɨzêc wê Anutu vông ge. Dɨ xe êno, xe tɨmu vô Kɨlisi vɨxa om xe dô tɨyi xocbê xomxo xêlehelehe ge, lêc xêkɨzêc wê Anutu vông ge vông xe dô mamvɨha hɨxôn Kɨlisi om xe hɨlung xêkɨzêc tige vô xam.

Galesia 2:20

om gwêbaga a o dô magvɨha ya xêkɨzêc wê aca va vông ge lêm. Nge, a dô magvɨha ya xêkɨzêc wê Kɨlisi vông ge. Dɨ môp yuu yuac vɨhati wê a vông mɨ dô vac gwêbaga, a vông nɨlôg la dɨluhu vô Kɨlisi wê Anutu nu ge, ên Kɨlisi ge wê xêyaa vin lec a dɨ i yib lec a nêg nipaên.

1 Tesalonaika 1:9

Dɨ tɨbii Masedonia yuu Glik heche va nêl xam kɨtong ên nêbê buc taxlee wê xe loc vô xam Tesalonaika ge od xam kô xe lec nivɨha, dɨ sea anutu kɨtyooên wê mayibên ge dɨ pɨlepac xam nɨlôm la vô Anutu nôn wê mavɨha kehe ge ên xam nêb xam ob tu i nue yuac.

Hiblu 9:14

Lêc hi wê Kɨlisi vông ge luu bwoc hi vêl. Ên nipaên ti o yêp vô Kɨlisi lêm, dɨ Myakɨlôhô Ngɨbua wê ob dô luta lêc luta ge ngɨdu i xôn, mêd Yesu vông hi wê i vông ge la tu daa vô Anutu. Om hi wê i vông ge o lipac il nidnɨvi pɨleva lêm. Nge, lipac il nɨlôd vô paha lec dɨ vô il vêl ên môp wê nôn maên ge ên nêb il vông yuac vô Anutu mavɨha.

1 Jon 4:9

Anutu nu tuc tibed, lêc vông i lam kɨbun ga ên nêb i lam vông il dô madvɨha, om môp tige nêl kɨtong vô il nêbê Anutu xêyaa vin lec il.