Yesu Kɨlisi xolac nivɨha wê Jon kɨvuu ge 6:45 - Patep

⁴⁵ Kɨyang yêp vac kɨpihac wê plopete kɨvuu ilage bêga nêbê, ‘Anutu ob tɨxuu xomxo vɨhati.’ Om xomxo vɨhati wê ngô Mag kɨyang dɨ kô xovôên vô i ge ob lam vô a.

Yesu Kɨlisi xolac nivɨha wê Jon kɨvuu ge 6:45 ပူးပေါင်းရင်းမြစ်များ

Matyu 11:27

“Mag vông xêkɨzêc yuu xovôên vɨhati ge vac a vɨgêg. Xomxo ti o xovô nu a lêm. Nge, Mag vaci wê xovô a. Dɨ xomxo ti o xovô Mag lêm. Nge, aca va wê a xovô Mag, dɨ xomxo wê a nêb a ob hɨlung Mag vô he ge, he ob xovô Mag.

Matyu 17:5

Pita gên nêl kɨyang tibêge, mêdêc vɨyobtoc wê xêseac ge ti lam hɨvun he xôn, dɨ vya ti lam vac vɨyobtoc tige nɨlô dɨ nêl ên nêbê, “Ge a nug wê a xêgyaa vin lec i dɨ a xê i nivɨha ge om xam ngô kɨyang wê i vông ge.”

Yesu Kɨlisi xolac wê Mak kɨvuu ge 1:2

Xolac tiga, plopet Aisaia nêl kɨtong mugên ilage, om Anutu vya wê Aisaia kɨvuu ge yêp bêga nêbê, “Ngô lê. A ob vông xomxo ti i kô a kɨyang mɨ loc mug ông nêm môp, ên i viac môp wê ông obêc mɨla vac ge.

Yesu Kɨlisi xolac wê Luk kɨvuu ge 1:70

i tɨyi xocbê Anutu nêl vô i plopete ngɨbua ilage mɨ he nêl kɨtong ge.

Yesu Kɨlisi xolac wê Luk kɨvuu ge 18:31

Yesu kô nue ngɨvihi vɨgê yuu dɨ tô mɨ la yuu mɨ he la, dêc Yesu nêl vô he ên nêbê, “Xam ngô lê. Il ob la Jelusalem lê, lêc kɨyang vɨhati wê plopete kɨvuu lec Xomxo Nu ilage obêc vô nôn lec.

Yesu Kɨlisi xolac nivɨha wê Jon kɨvuu ge 10:27

Sipsip wê a vông ge ngô a vyag dɨ a xovô he, dɨ he tɨmu vô a vɨxag.

Yesu Kɨlisi xolac nivɨha wê Jon kɨvuu ge 6:37

Xomxo wê Anutu vɨnoo nêb he i tu axe ge, vɨhati obêc lam vô a, dɨ xomxo ti obêc val vô a ge, od a obêc tii i lêm.

Yesu Kɨlisi xolac nivɨha wê Jon kɨvuu ge 6:65

Mêd Yesu nêl ên nêbê, “Kɨyang yêp bêge, om a nêl gwêba vô xam ên a nêbê xomxo ti o tɨyi wê ici va ob lam tɨmu vô a ge lêm. Mag obêc vông xêkɨzêc vô i ge od obêc lam vô a.”

Sinale 13:40

Om xam xona nêm dɨ viac xam, ên kɨyang wê plopete kɨvuu ilage i o lêc tulec xam lêm, kɨyang wê nêl bêga nêbê,

Sinale 7:42

Om Anutu vô nɨmi vô he dɨ pɨlepac he nɨlô la vô hɨyôv yuu dentuc dɨ pɨtua dɨ he kɨtaa vô, tɨyi xocbê kɨyang wê plopet kɨvuu ilage mɨ i yêp vac kɨpihac bêga ên nêbê, ‘Xam Islel, xam la dô vac vɨgwe mahɨgun pɨleva tɨyi klismas kehe yuu, lêc xam o hi bwoc sipsip yuu bulmakau ya mɨ si daa vô a lêm.

Epesas 1:17

Anutu ge il Apumtau Yesu Kɨlisi Anutu i dɨ il Mag wê xêseac kehe ge. Om a kɨtaa vô Anutu ên a nêbê i vông xovôên nivɨha wê i vông ge vô xam dɨ nêl i kɨyang kehe i yêp seac vô xam ên xam ngô dɨ xovô Anutu.

Pilipai 3:15

Il vɨhati wê il xovô Kɨlisi dɨ tɨmu vô i ge, il pɨyôp i tibed i tɨyi kɨyang wê a nêl ga. Lêc xam obêc xo kɨyang ba ge od Anutu obêc nêl kɨtong dɨ tɨtô wê so ge.

1 Tesalonaika 4:9

Lêc môp wê xam xêmyaa ob vin lec lime ge, a ob kɨvuu kɨyang ti vô xam lec môp tige lêm, ên Anutu vaci hɨlung vô xam pyap, om xam xêmyaa mi vin lecma,

Hiblu 10:16

“Buc tigee obêc lam la vêl, nang dêc a obêc hɨlu kɨyang paha vô he bêga bê a ob vông a xolac paha i yêp vac he nɨlô, dɨ kɨvuu i yêp vac he pɨyôp. A, Apumtau a nêl bêge.”

1 Jon 2:27

Lêc xam ge, Kɨlisi vông Myakɨlôhô Ngɨbua lam dô vac xam nɨlôm pyap mɨ dô gwêbaga. Om xam gên o lungên lêm, om xomxo paha ti o tɨyi wê ob val vông xovôên vô xam ge lêm. Ên Myakɨlôhô Ngɨbua vaci mi vông xovôên vô xam lec kɨyang yuu môp vɨhati, dɨ xovôên wê vông vô xam ge, o kɨtyooên lêm. Nge, ge kɨyang nôn mêge. Om xam hôm Kɨlisi kɨyang xôn pɨlihi mɨ dô i tɨyi xocbê Myakɨlôhô Ngɨbua nêl vô xam ge.