Yesu Kɨlisi xolac nivɨha wê Jon kɨvuu ge 6:27 - Patep

²⁷ Le i lêc vông yuac levac ên yaên wê ob vô nipaên ge lêm. Nge, xam vông yuac lec yaên wê xam ob kô dɨ dô mamvɨha luta ya ge. Yaên tige, a, Xomxo Nu, a obêc vông vô xam, ên Mag Anutu vɨnoo a pyap ên nêb a vông i yuac.”

Yesu Kɨlisi xolac nivɨha wê Jon kɨvuu ge 6:27 ပူးပေါင်းရင်းမြစ်များ

Matyu 17:5

Pita gên nêl kɨyang tibêge, mêdêc vɨyobtoc wê xêseac ge ti lam hɨvun he xôn, dɨ vya ti lam vac vɨyobtoc tige nɨlô dɨ nêl ên nêbê, “Ge a nug wê a xêgyaa vin lec i dɨ a xê i nivɨha ge om xam ngô kɨyang wê i vông ge.”

Matyu 25:46

Xomxo levac obêc nêl bêge, dɨ he wê nipaên ge obêc la yaxên myavɨnê levac luta lêc luta. Lêc xomxo wê nivɨha ge obêc la dô mavɨha luta lêc luta.”

Matyu 3:17

Mêdêc vya ti lam gê lag puunê bêga nêbê, “A nug tige wê a xêgyaa vin lec i dɨ a xê i nivɨha.”

Matyu 6:19

“Le i lêc kɨtuc susu nivɨhavɨha tɨbeac gê kɨbun ga lêm. Ên susu wê yêp kɨbun ga ge, gwaakivac ob lic sea dɨ guva ob iac sea, dɨ tɨbii yôdac ob dii xumac dɨ la vun susu tigee.

Matyu 8:20

Lêc Yesu nêl vô i ên nêbê, “Le i lêc nêl decdec bê ông ob lam hɨxôn a lêm, ên lɨlii mi yêp vac yen, dɨ menac mi vông lɨwihi lec xax, lêc a, Xomxo Nu, a bog wê a ob xêp vac ge ma.”

Yesu Kɨlisi xolac wê Mak kɨvuu ge 1:11

Mêd vya ti lam hɨxôn gê lag puunê ên nêbê, “Ông a nug wê a xêgyaa vin lec ông dɨ a xê ông nivɨha ge.”

Yesu Kɨlisi xolac wê Mak kɨvuu ge 9:7

Mêd vɨyobtoc ti lam hɨvun he xôn, dɨ vya ti lam vac vɨyobtoc dɨ nêl ên nêbê, “Ge a nug wê a xêgyaa vin lec i ge om xam ngô i vya.”

Yesu Kɨlisi xolac wê Luk kɨvuu ge 3:22

dɨ Myakɨlôhô Ngɨbua tu xocbê tucluu manôn dɨ lam dô lec Yesu. Mêd vya ti lam gê lag puunê ên nêbê, “Ông a nug wê a xêgyaa vin lec ông dɨ a xê ông nivɨha ge.”

Yesu Kɨlisi xolac wê Luk kɨvuu ge 9:35

Mêd vya ti lam vac vɨyobtoc dɨ nêl ên nêbê, “Ge a nug wê a vɨnoo i ge om xam ngô i vya.”

Yesu Kɨlisi xolac nivɨha wê Jon kɨvuu ge 10:28

A obêc vông he dô mavɨha luta lêc luta dɨ he ob yib lêm, dɨ xomxo ti ob vô he vêl ên a vɨgêg lêm.

Yesu Kɨlisi xolac nivɨha wê Jon kɨvuu ge 11:42

Dɨ a xovô ên a nêbê tɨyi buc vɨhati ông vô nɨnyam vô a vyag, lêc a nêl kɨyang tiga ên a nêb xomxo wê val le gae, he i ngô dɨ vông i vin bê ông vông a lam.”

Yesu Kɨlisi xolac nivɨha wê Jon kɨvuu ge 14:6

Om Yesu nêl vô i ên nêbê, “A ga môp, dɨ a kɨyang nôn kehe, dɨ a mavɨha dôên kehe. Om xomxo ti obêc la vô Mag vô môp bangwe lêm, ên môp wê ob la vô Mag ge a tibed.

Yesu Kɨlisi xolac nivɨha wê Jon kɨvuu ge 15:24

Do levac wê xomxo ti o vông ilage lêm ge, a obêc vông vac he mahɨgun lêm ge od he nên nipaên obêc yêp vô he lêm. Lêc a lam vông mɨ he yê pyap, lêc he yê xii Mag nipaên.

Yesu Kɨlisi xolac nivɨha wê Jon kɨvuu ge 17:2

Ên ông vông xomxo vɨhati la vac a kwa ngɨbi ên ông nêb a vông he wê ông vɨnoo nêb he i tu axe ge vɨhati i dô mavɨha luta lêc luta.

Yesu Kɨlisi xolac nivɨha wê Jon kɨvuu ge 3:15

dɨ xomxo vɨhati wê vông i vin i ge, he ob dô mavɨha luta lêc luta.”

Yesu Kɨlisi xolac nivɨha wê Jon kɨvuu ge 3:33

Lêc xomxo wê ngô dɨ vông i vin kɨyang wê i nêl ge, vông vinên wê he vông ge nêl kɨtong nêbê Anutu ge xomxo kɨyang nôn.

Yesu Kɨlisi xolac nivɨha wê Jon kɨvuu ge 6:40

Ên Mag nêl kɨyang yêp bêga nêbê xomxo wê yê nu tuc dɨ vông i vin ge, he vɨhati obêc dô mavɨha luta lêc luta, dɨ a obêc tɨpi vô he kɨdi lec vô buc tɨmuên.”

Yesu Kɨlisi xolac nivɨha wê Jon kɨvuu ge 6:47

A nêl hɨxôn nôn vô xam bê xomxo wê vông i vin ge obêc dô mavɨha luta lêc luta.

Yesu Kɨlisi xolac nivɨha wê Jon kɨvuu ge 6:51

A ga yaên mavɨha wê a lop mɨ lam gê lag puunê. Om xomxo ti obêc ya yaên tiga ge od ob dô mavɨha luta lêc luta. Yaên wê a ob vông vô i ge, aca va lɨyôhô wê a ob vông, ên xomxo kɨbun ga i dô mavɨha.”

Yesu Kɨlisi xolac nivɨha wê Jon kɨvuu ge 6:53

Om Yesu nêl vô he ên nêbê, “A nêl hɨxôn nôn vô xam bêga bê xam obêc wa a, Xomxo Nu, lɨyôhô dɨ num a hi lêm ge od xam ob dô mamvɨha lêm.

Yesu Kɨlisi xolac nivɨha wê Jon kɨvuu ge 6:54

Xomxo wê ya a lɨyôhô dɨ num a hi ge, he ob dô mavɨha luta lêc luta, dɨ a obêc tɨpi vô he kɨdi lec mavɨha vô buc tɨmuên.

Yesu Kɨlisi xolac nivɨha wê Jon kɨvuu ge 6:58

Tiga, yaên wê lam gê lag puunê ge, lêc o tɨyi xocbê yaên wê bume ya ila ila lêc yib ge lêm. Nge, yaên tiga wê xomxo obêc ya ge od ob dô mavɨha luta lêc luta.”

Yesu Kɨlisi xolac nivɨha wê Jon kɨvuu ge 6:62

Xam obêc wê Xomxo Nu lax mɨ la vac vɨgwe ti wê dô vac ilage ge od xam obêc xo bêna?

Yesu Kɨlisi xolac nivɨha wê Jon kɨvuu ge 6:68

Lêc Saimon Pita nêl vô i ên nêbê, “Apumtau, xe ob la vô letya? Ên kɨyang wê ông vông ge wê ob vông xomxo dô mavɨha luta lêc luta.

Yesu Kɨlisi xolac nivɨha wê Jon kɨvuu ge 8:18

A nêl a kehe kɨtong dɨ Mag wê vông a lam ge nêl a kehe kɨtong hɨxôn.”

Sinale 10:38

Yesu Nasalet ge, Anutu vɨnoo i dɨ vông Myakɨlôhô Ngɨbua hɨxôn xêkɨzêc levac vô i, om Yesu la vac vɨgwe vɨhati dɨ la ngɨdu xomxo xôn dɨ vông he wê Seten ku he xôn gee vô nivɨha lec, ên Anutu dô hɨxôn i.

Sinale 2:22

“Plopet Joel nêl Anutu kɨyang bêge, mêgem xam lige Islel, xam ngô kɨyang wê a ob nêl vô xam bêga bê Yesu Nasalet ge Anutu vông i lam vông do levac yuu yuac nivɨha ya xêkɨzêc wê Anutu vông ge, dɨ xam wê dɨ xovô pyap ên xam nêbê Anutu vông i lam.

Kɨpihac wê Pol kɨvuu vô tɨbii Lom ge 4:11

Ên buc wê ninɨvi gôlên gên ma ge od Eblaham vông i vin Anutu tax dɨ Anutu yê nêb i xomxo nivɨha. Pyap dêc gôl ninɨvi tɨmuên ên nêbê môp ninɨvi gôlên i nêl kɨtong bê Anutu yê Eblaham nêb i xomxo nivɨha ên wê vông i vin ge. Mêgem tɨbii wê ninɨvi gôlên ma gee, lêc he vông i vin Anutu dɨ Anutu yê he nivɨha, om Eblaham tɨyi xocbê he bu.

Kɨpihac wê Pol kɨvuu vô tɨbii Lom ge 6:23

Ên môp nipaên ob vông myavɨwen nipaên vô xomxo bêga bê he ob yib. Lêc vɨzid wê Anutu vông pɨleva vô il ge bêga ên nêbê il lig Apumtau Yesu Kɨlisi lam yib ên il nêd nipaên om il ob dô madvɨha luta lêc luta.

1 Kolin 6:13

Xomxo ya nêl ên he nêbê yaên dô ên il xêdyaa dɨ il xêdyaa dô ên yaên. He nêl vɨxôhɨlôg, lêc Anutu obêc vông yuu xôn xôa obêc ma tɨmuên. Dɨ il nidnɨvi ge, Anutu o tung ên nêb il vông môp yôdac vêx yuu vux lêm. Nge, il nidnɨvi ob tu Apumtau xe, dɨ Apumtau ob ngɨdu il nidnɨvi xôn.

1 Kolin 9:2

Xomxo ya nêl ên he nêbê a o sinale ti lêm, lêc xam xovô ên xam nêbê a ga sinale, ên a nêl xolac vô xam mɨ xam vông i vin Apumtau, om tɨyi xocbê môp wê xam vông i vin ge nêl kɨtong nêbê a sinale nôn.

2 Kolin 4:18

Om xe mamnôn o la vô susu wê il xê ya madnôn ge lêm. Nge, xe mamnôn la vô susu wê il madnôn yêên ma ge. Ên susu wê il madnôn yê ge ob dô myabo tya dɨ xôa ob ma. Dom susu wê il madnôn yêên ma ge ob yêp luta lêc luta.

Galesia 5:6

Om il wê il vông i vin Yesu Kɨlisi ge, il ob xê môp ninɨvi gôlên yuu môp ninɨvi gôlên maên i tɨyi xocbê susu pɨleva. Ên môp wê nôn ge bêga nêbê vông vinên wê il vông ge ob vô nôn nivɨha bêga bê il xêdyaa i vin lecma.

Pilipai 2:13

Xam tɨyi wê xam ob vông bêge, ên Anutu vông yuac vac xam nɨlôm, om ob vông xam xo môp yuu yuac wê i yê nivɨha ge, dɨ ob vông xam tɨmu vô.

Kolosi 1:29

Om yuac tibêge yuac levac wê a vông ya xêkɨzêc levac wê Kɨlisi vông vô a ge.

Kolosi 2:22

Susu wê xolac baba nêl lec ge, il ob vông yuac ya, lêc he xôa obêc ma tɨmuên. Xomxo kɨbun ga heche va nêl kɨyang lec susu tigee.

Kolosi 3:2

Xam vông pɨyôp i loc dɨluhu vô nôn nivɨha wê yêp lag puunê ge, dɨ le i lêc vông pɨyôp i loc vô susu kɨbun ga lêm.

1 Tesalonaika 1:3

dɨ xe xovô môp nivɨha wê xam vông ge, om xe mi nêl xam kɨtong vô il Mag Anutu ên xe nêbê xam vông i vin nivɨha om xam mi vông yuac nivɨha, dɨ xam xêmyaa vin lec Yesu om xam mi vông yuac xêkɨzêc, dɨ xam mi vông i vin xêkɨzêc bêga ên nêbê Apumtau Yesu Kɨlisi ob lop mɨ lôm vô buc tɨmuên, om xam dɨyaxên buc tige.

2 Timoti 2:19

Lêc Anutu xolac le xêkɨzêc xocbê teac le xêkɨzêc ge. Xolac bo ti nêl bêga ên nêbê, “Apumtau xovô xomxo wê tu i nue ge pyap.” Dɨ ngwe nêl bêga ên nêbê, “Xomxo ti obêc nêl ên nêbê i tu Apumtau nu ti ge od i vô nɨmi vô môp nipaên vɨhati.”

Hiblu 12:16

Xam viac xam ên môp yôdac vêx yuu vux, dɨ xam o lêc vô nɨmim vô Anutu tɨyi xocbê Iso vông ilage lêm. Ên Iso ge tuc, om tɨyi wê ob kô kɨtaaên nivɨha vô ma. Lêc Iso kɨtaa yaên vô li môn nêb ob ya. Lêc li môn nêl ên nêbê, “Ông obêc tyuc lec bê mag i vông kɨtaaên wê nêb ob vông vô ông ge vô a ge od a ob vông yaên vô ông.” Om Iso lee yuu,

Hiblu 4:11

Mêgem a ob nêl bê il ob vông yuac xêkɨzêc êdêc la dô seac vêl hɨxôn Anutu, ên xomxo ti obêc tɨmu vô Islel vông môp ilage dɨ vô nɨmi vô Anutu kɨyang ge od o tɨyi wê obêc la dô seac vêl hɨxôn Anutu ge lêm.

Jems 1:11

lêc hɨyôv obêc linac myapɨlihi ge od ya i ngɨgo dɨ mavɨya nivɨha tyo ob yal la vêl dɨ i yib. Om xomxo wê susu tɨbeac gee obêc vông yuac lec mɨ dô lê, lêc buc wê obêc yib ge od ob sea yuac yuu susu vɨhati obêc dô xel, dɨ ob yib mɨ la pɨleva.

1 Pita 1:24

Ên xolac nêl bêga ên nêbê, “Xomxo vɨhati yang tɨyi xocbê pɨkunta, dɨ lê levac hɨxôn susu nivɨha wê he vông ge vɨhati tɨyi xocbê mavɨya. Dɨ pɨkunta obêc ngɨgo, dɨ mavɨya obêc yal la.

2 Pita 1:17

Mag Anutu vông Yesu lê vô levac dɨ vông xêseac wê i vông ge vô i. Anutu wê xêseac kehe ge vông kɨyang lam vô Yesu bêga ên nêbê, “Xomxo tige a nug wê a xêgyaa vin lec i dɨ a xê i nivɨha ge.”