Yesu Kɨlisi xolac nivɨha wê Jon kɨvuu ge 6:14 - Patep

¹⁴ Xomxo tigee yê do levac wê Yesu vông ge om nêl ên nêbê, “Plopet ti wê he nêb ob lam kɨbun ge, tyo tiga vɨxôhɨlôg nôn.”

Yesu Kɨlisi xolac nivɨha wê Jon kɨvuu ge 6:14 ပူးပေါင်းရင်းမြစ်များ

Matyu 11:3

dɨ he la kɨnêg ên nêbê, “Xomxo ti wê plopete ilage nêl ên nêbê obêc val ge, ông tyo ga mê, me xe ob dô bin xomxo ngwe?”

Matyu 21:11

Om xomxo kɨdu levac wê lam hɨxôn Yesu ge nêl lax vô he ên nêbê, “Xomxo tiga Yesu, plopete ti wê lam gê Nasalet vac vɨgwe levac Galili ge.”

Yesu Kɨlisi xolac wê Luk kɨvuu ge 24:19

Mêd Yesu kɨnêg vô yuu ên nêbê, “Muu nêl lec susu vatya?” Om yuu nêl vô i ên nêbê, “Xii dɨnêl kɨyang lec Yesu Nasalet. Yesu ge plopete ti wê vông yuac xêkɨzêc dɨ nêl kɨyang hɨxôn xêkɨzêc, dɨ Anutu hɨxôn xomxo vɨhati yê i nivɨha.

Yesu Kɨlisi xolac wê Luk kɨvuu ge 7:16

Mêgem xomxo tigee yê dɨ xona mabu, dɨ pɨmil Anutu ên nêbê, “Il nêd plopete levac ti kɨdi vac il mahɨgun ga mê.” Dɨ he ya nêbê, “Gwêbaga Anutu val le seac vô il madnôn ên nêb ob hôm il wê il tu ixe ge lec.”

Yesu Kɨlisi xolac nivɨha wê Jon kɨvuu ge 1:21

Om he kɨnêg ên nêbê, “Om ông letya? Ông tɨyi xocbê plopet Ilaija, me?” Lêc Jon nêl vô he ên nêbê, “A o Ilaija lêm.” Om he kɨnêg nang ên nêbê, “Ông ge plopet ti wê xe mi dô bin ge, me?” Lêc Jon nêl ên nêbê, “A o plopet tige lêm.”

Yesu Kɨlisi xolac nivɨha wê Jon kɨvuu ge 11:27

Mêgem Mata nêl vô Yesu ên nêbê, “Apumtau, a vông i vin ên a nêbê ông ge Kɨlisi. Dɨ ông Anutu nu, wê Anutu nêb ob vông ông lam kɨbun ga ge.”

Yesu Kɨlisi xolac nivɨha wê Jon kɨvuu ge 2:11

Do levac tige Yesu vông gê Kena wê yêp vac vɨgwe levac Galili ge. Ge do taxlee wê Yesu vông ge, om hɨlung xêseac yuu xêkɨzêc wê i vông ge dɨ nue ngɨvihi yê dɨ vông i vin.

Yesu Kɨlisi xolac nivɨha wê Jon kɨvuu ge 4:19

Mêd vêx tyo nêl vô i ên nêbê, “Xomxo levac, ga a xovô ên a nêbê ông plopete ti.

Yesu Kɨlisi xolac nivɨha wê Jon kɨvuu ge 4:25

Mêd vêx tyo nêl vô Yesu ên nêbê, “A xovô ên a nêbê Mesaia ti wê Anutu vɨnoo ge wê he nêl lê nêbê Kɨlisi ge obêc val. Dɨ obêc val ge od ob nêl kɨyang vɨhati kehe kɨtong vô il.”

Yesu Kɨlisi xolac nivɨha wê Jon kɨvuu ge 4:42

Mêd he nêl vô vêx tyo ên nêbê, “Xe o vông i vin lec ông vyam wê ông nêl ge lêm. Nge, xecxe va ngô i vya om xe xovô ên xe nêbê xomxo ti wê ob hôm xomxo kɨbun ga vɨhati lec ge, xomxo tyo tiga vɨxôhɨlôg nôn.”

Yesu Kɨlisi xolac nivɨha wê Jon kɨvuu ge 6:2

Mêd xomxo tɨbeac hɨwocên tɨmu vô Yesu vɨxa mɨ la, ên he yê do levac wê Yesu vông xomxo yidac vô nivɨha lec ge.

Yesu Kɨlisi xolac nivɨha wê Jon kɨvuu ge 6:26

Lêc Yesu nêl vô he ên nêbê, “A nêl hɨxôn nôn vô xam bê xam myag a, lêc xam o xovô do levac wê a vông ge lêc lam myag a lêm. Nge, xam xovô blet wê xam wa i den xam ge om xam lam myag a.

Yesu Kɨlisi xolac nivɨha wê Jon kɨvuu ge 6:30

Mêd he kɨnêg vô i ên nêbê, “Om ông ob vông do levac tina ên xe xê dɨ vông i vinê? Ên buge ilage ya yaên mana vac vɨgwe mahɨgun pɨleva, tɨyi xocbê kɨyang wê yêp vac xolac bêga nêbê, ‘Ici va vông yaên lag puunê vô he mɨ he ya.’ Om ông ob vông do levac tibêge, me?”

Yesu Kɨlisi xolac nivɨha wê Jon kɨvuu ge 7:40

Xomxo ngô kɨyang tige dɨ ya nêl ên nêbê, “Xomxo tiga, plopet ti wê il dô bin ge vɨxôhɨlôg.”

Sinale 7:37

“Moses ge wê nêl vô he Islel ên nêbê, ‘Anutu obêc vông xam lime ti tu plopet xocbê a ge.’