Yesu Kɨlisi xolac nivɨha wê Jon kɨvuu ge 5:39 - Patep

³⁹ Kɨyang wê yêp vac kɨpihac xolac ge, xam mi kɨtong ên xam xo ên xam nêbê mavɨha kehe luta yêp vac kɨyang tige. Dɨ xolac tige wê nêl a kehe kɨtong,

Yesu Kɨlisi xolac nivɨha wê Jon kɨvuu ge 5:39 ပူးပေါင်းရင်းမြစ်များ

Matyu 22:29

Lêc Yesu nêl i lax vô he ên nêbê, “Xam o xovô kɨyang wê yêp vac xolac ge lêm dɨ xam o xovô xêkɨzêc wê Anutu vông ge lêm, om xam nêl kɨyang so.

Yesu Kɨlisi xolac wê Mak kɨvuu ge 10:3

Lêc Yesu kɨnêg lax vô he ên nêbê, “Xolac wê Moses vông ge nêbê va vô xamê?”

Yesu Kɨlisi xolac wê Mak kɨvuu ge 12:10

“Kɨyang wê yêp vac Anutu xolac ge xam mêd o kɨtong lêm? Ên kɨyang yêp bêga nêbê, ‘Ngɨdax ti wê xomxo xumac loxên yê lêc nêbê tɨyiên ma ge, ge wê tu ngɨdax xêkɨzêc wê ob hôm xumac xôn ge.

Yesu Kɨlisi xolac wê Luk kɨvuu ge 16:29

“Lêc Eblaham nêl vô i ên nêbê, ‘Kɨyang wê Moses he plopete kɨvuu ge yêp pyap, om he i ngô.’

Yesu Kɨlisi xolac wê Luk kɨvuu ge 16:31

Lêc Eblaham nêl ên nêbê, ‘He ob ngô Moses he plopete kɨyang mɨ vông i vin lêm ge od xomxo ti obêc kɨdi lec vac yibên mɨ lax ge od he obêc vông i vin xomxo tige vya êno lêm.’”

Yesu Kɨlisi xolac wê Luk kɨvuu ge 24:25

Mêd Yesu nêl vô yuu ên nêbê, “Muu pɨyôp maên. Bêna lêc muu gên o vông i vin kɨyang wê plopete nêl ilage lêmê?

Yesu Kɨlisi xolac wê Luk kɨvuu ge 24:27

Yesu nêl bêge pyap, nang dêc nêl Moses xolac dɨ nêl plopete kɨyang ge vɨhati kehe kɨtong hɨxôn vô yuu, ên nêbê kɨyang gee vɨhati nêl lec i.

Yesu Kɨlisi xolac wê Luk kɨvuu ge 24:44

Nang dêc Yesu nêl vô he ên nêbê, “Ilage wê a gên dô hɨxôn xam ge, od a nêl kɨyang bêga vô xam ên a nêbê kɨyang wê xomxo kɨvuu lec a mɨ i yêp vac Moses xolac yuu plopete kɨyang dɨ yêp vac kɨpihac Sam ge, ge vɨhati obêc vô nôn lec.”

Yesu Kɨlisi xolac nivɨha wê Jon kɨvuu ge 1:45

Mêd Pilip la myag Nataniel mɨ yêvô dɨ nêl vô ên nêbê, “Xomxo ti wê Moses kɨvuu kɨyang lec mɨ i yêp vac kɨpihac xolac dɨ plopete kɨvuu kɨyang lec hɨxôn ge, xe tulec i. Ge Yesu wê ma Josep vac vɨgwe Nasalet.”

Yesu Kɨlisi xolac nivɨha wê Jon kɨvuu ge 5:32

Lêc xomxo ti wê nêl a kehe kɨtong ge dô, dɨ a xovô ên a nêbê kɨyang wê xomxo tige nêl lec a ge kɨyang nôn.

Yesu Kɨlisi xolac nivɨha wê Jon kɨvuu ge 5:36

Dɨ gwêbaga a lam vông yuac om yuac tige nêl a kehe kɨtong luu kɨyang wê Jon nêl ge vêl. Ên a lam vông yuac wê Mag nêb a vông ge, om yuac tige nêl a kehe kɨtong nêbê Mag vông a lam.

Yesu Kɨlisi xolac nivɨha wê Jon kɨvuu ge 5:40

lêc xam nêb xam ob lam vô a êdêc dô mamvɨha lêm.

Yesu Kɨlisi xolac nivɨha wê Jon kɨvuu ge 5:46

Xam obêc vông i vin kɨyang wê Moses vông ge od xam obêc vông i vin kɨyang wê a vông ge hɨxôn, ên Moses ge wê kɨvuu kɨyang lec a.

Yesu Kɨlisi xolac nivɨha wê Jon kɨvuu ge 7:52

Lêc he so vya vô i ên nêbê, “Ông ge tɨbii Galili ti om ông ngɨdu i xônê? Ông obêc kɨtong xolac wê yêp vac kɨpihac ge od ông ob xovô bê plopet ti ob lam gê Galili lêm.”

Sinale 13:27

Ên xomxo Jelusalem hɨxôn he nên xomxo levac, he o xovô Yesu lêm, dɨ he o xovô plopete kɨyang wê he mi kɨtong vô buc sabat ge kehe lêm. Om he vông kɨyang vô Yesu nêb ob hi i yib, lêc môp wê he vông ge vông plopete kɨyang vô nôn lec.

Sinale 17:11

He Yuda wê dô Belia gee he vô nɨnya lehe vô xolac luu Yuda wê dô Tesalonaika gee vêl, om he hôm kɨyang wê yuu nêl ge lec nivɨha dɨ he mi kɨtong kɨyang wê yêp vac kɨpihac xolac ge tɨyi lec buc vɨhati ên nêb ob xovô bê kɨyang wê yuu nêl ge, ge kɨyang nôn, me?

Sinale 26:27

King Aglipa, ông vông i vin plopete kɨyang, me? A xovô ên a nêbê ông vông i vin.”

Kɨpihac wê Pol kɨvuu vô tɨbii Lom ge 1:2

Xolac tiga, Anutu nêl vô plopete ilage mɨ he kɨvuu i yêp vac kɨpihac ngɨbua.

Kɨpihac wê Pol kɨvuu vô tɨbii Lom ge 3:2

Xam wê. Yuda tulec vɨzid levac luu xomxo baba ge vêl. Vɨzid taxlee bêga nêbê Anutu vɨnoo he dɨ nêl i xolac vô he nêb he i viac.

Kolosi 3:16

Xam hôm Kɨlisi kɨyang xôn pɨlihi mɨ i yêp vac nɨlôm dɨ xam xovô i nivɨha. Dɨ xam tɨxuu lime ya xolac dɨ viac kɨyang nivɨha vôma ya xovôên nivɨha vɨhati. Xam pɨmil Anutu vac nɨlôm dɨ vông lɨlo wê pɨmil ên i lê ge hɨxôn lɨlo da, dɨ lɨlo wê Myakɨlôhô Ngɨbua vông vô xam ge.

Hiblu 11:16

Nge, he xo ben nivɨha ti wê luu he ben ilage vêl. Ge vɨgwe kɨsiinê. Om he nêl ên he nêbê Anutu ge he Anutu. Dɨ Anutu ni o yoc ên kɨyang tibêge lêm, ên ici va viac vɨgwe pyap vô he.

Hiblu 11:35

Dɨ vêx wê nue yib ge, Anutu tɨpi vô nue kɨdi lec mavɨha. Dɨ tɨbii tung xomxo vông vinên ya la vac kalabuhu dɨ vông myavɨnê levac vô he dɨ nêl vô he ên nêbê he obêc sea vông vinên wê he vông ge od ob pɨwelac he vêl ên kalabuhu, lêc obêc ma ge od he ob hi he i yib. Lêc he o sea vông vinên wê he vông ge lêm, ên he xovô ên he nêbê he obêc yib lec vông vinên ge od he ob kɨdi lec mɨ dô mavɨha i luu wê he ob dô mavɨha gê kɨbun ga vêl.

Levelesen 19:10

Mêdêc a yev vɨxag kɨtu vô angela tige ên a nêb a ob kɨtaa vô i, lêc angela nêl vô a ên nêbê, “Le i lêc yev vɨxa kɨtu vô a lêm, ên a ga Anutu nu yuac ti xocbê ông hɨxôn lime vông vinên wê nêl Yesu lê kɨtong ge. Om ông yev vɨxam kɨtu vô Anutu tibed. Ên xomxo wê nêl Yesu kɨyang kɨtong ge, Myakɨlôhô Ngɨbua ngɨdu he xôn tɨyi xocbê Anutu ngɨdu plopete xôn ilage mɨ he nêl i xolac yêp seac vô xomxo ge.”