Yesu Kɨlisi xolac nivɨha wê Jon kɨvuu ge 4:38 - Patep

³⁸ A vông xam la ên a nêb xam kô nôn vac yuac wê xam o vông ilage lêm ge. Yuac wê xomxo mugên vông pyap ge, xam ob la kô nôn vac.”

Yesu Kɨlisi xolac nivɨha wê Jon kɨvuu ge 4:38 ပူးပေါင်းရင်းမြစ်များ

Matyu 4:23

Yesu la vɨlee vac vɨgwe levac Galili dɨ la nêl kɨyang vô xomxo vac he xumac lɨlo toto dɨ nêl xolac nivɨha lec Anutu ben lag puunê vô he, dɨ vông he wê yidac hɨxôn myavɨnê toto ge vɨhati vô nivɨha lec.

Yesu Kɨlisi xolac nivɨha wê Jon kɨvuu ge 1:7

Jon lam nêl xêseac kehe kɨtong vô xomxo ên nêb he vɨhati i ngô kɨyang wê i nêl ge dɨ vông i vin.

Yesu Kɨlisi xolac nivɨha wê Jon kɨvuu ge 17:18

Ông vông a lam dô vac xomxo kɨbun ga mahɨgun, om a vông he kô a kɨyang mɨ la vac xomxo mahɨgun êno bêge.

Yesu Kɨlisi xolac nivɨha wê Jon kɨvuu ge 4:37

Om kɨyang wê nêl ên nêbê xomxo ngwe ob xin vê dɨ ngwe ob la kô nôn ge, kɨyang nôn.

Yesu Kɨlisi xolac nivɨha wê Jon kɨvuu ge 4:39

Tɨbii Samelia wê dô vac vɨgwe tige, he tɨbeac vông i vin Yesu ên wê vêx tige nêl ên nêbê, “Yesu nêl kɨyang wê a vông ilage vɨhati kɨtong.”

Sinale 2:41

Mêgem he wê vông i vin Pita kɨyang ge he lipac mia dɨ la dô hɨxôn xomxo vông vinên. He wê lipac mia lec buc tige, he tɨyi xocbê 3,000.

Sinale 4:32

Xomxo vông vinên vɨhati nɨlô tibed dɨ he xêyaa vin lecma, dɨ he ti o nêl ên nêbê susu wê i vông ge, ge ici xe lêm. Nge, susu wê he toto vông ge he yê tɨyi xocbê he vɨhati xe.

Sinale 4:4

Lêc xomxo wê ngô Pita kɨyang gee he tɨbeac vông i vin, om he vux wê vông i vin ge tɨyi xocbê 5,000.

Sinale 5:14

dɨ xomxo vêx yuu vux tɨbeac vông i vin Apumtau dɨ lam dô hɨxôn xomxo vông vinên.

Sinale 6:7

Mêd Anutu xolac vô levac dɨ xomxo Jelusalem tɨbeac vông i vin Yesu dɨ xomxo wê mi si daa vô Anutu gee tɨbeac vông i vin hɨxôn.

2 Kolin 10:15

Om xe o kɨyil yôg dɨ yong xe lec yuac wê xomxo ngwe vông ge lêm. Xe xo ên xe nêbê vông vinên wê xam vông ge i vô xêkɨzêc, ên yuac wê xe vông vac xam mahɨgun ge i vô levac dɨ i loc tɨyi yôg wê Anutu vông vô xe ge.