Yesu Kɨlisi xolac nivɨha wê Jon kɨvuu ge 2:18 - Patep

¹⁸ He Yuda yê môp wê Yesu vông ge om la nêl vô i ên nêbê, “Ông vông tibêge om ông ob vông do tina ên i nêl ông kɨtong vô xe?”

Yesu Kɨlisi xolac nivɨha wê Jon kɨvuu ge 2:18 ပူးပေါင်းရင်းမြစ်များ

Matyu 21:23

Yesu la vac Anutu xumac ngɨbua nɨlô, dɨ la nêl xolac vô xomxo. Mêd xomxo levac wê mi si daa gee hɨxôn he Islel levac ya val kɨnêg vô i ên nêbê, “Ông kô xêkɨzêc vô letya lêc lam vông yuac tigae, dɨ ông tu letya manônê?”

Yesu Kɨlisi xolac wê Mak kɨvuu ge 8:11

Palisi ya val vô Yesu, ên nêb ob yaxên i, om la nga ên kɨyang wê Yesu nêl ge dɨ nêl nêb Yesu i vông do lag puunê ti hɨxôn ên he ob yê.

Yesu Kɨlisi xolac wê Luk kɨvuu ge 11:29

Xomxo tɨbeac lam kɨtucma mɨ dô, mêgem Yesu nêl vô he ên nêbê, “Xomxo gwêbaga, xomxo nipaên nôn. He nêb he ob yê do levac lê, lêc a ob nêl bê he ob yê do tɨbeac lêm. Nge, do tibed wê he ob yê ge, tɨyi xocbê wê Jona vông ilage.

Yesu Kɨlisi xolac nivɨha wê Jon kɨvuu ge 1:19

Yuda levac wê dô Jelusalem ge vông xomxo wê mi si daa gee hɨxôn xomxo Livai ya la vô Jon dɨ he la kɨnêg vô i ên nêbê, “Ông ge letya?”

Yesu Kɨlisi xolac nivɨha wê Jon kɨvuu ge 1:25

mêd he kɨnêg vô Jon ên nêbê, “Ông nêl ên ông nêbê ông o Kɨlisi lêm, dɨ nêl ên ông nêbê ông o Ilaija lêm, dɨ nêl ên ông nêbê ông o plopet tige lêm, lêc bêna lêc ông lipac xomxo ya mia?”

Yesu Kɨlisi xolac nivɨha wê Jon kɨvuu ge 6:30

Mêd he kɨnêg vô i ên nêbê, “Om ông ob vông do levac tina ên xe xê dɨ vông i vinê? Ên buge ilage ya yaên mana vac vɨgwe mahɨgun pɨleva, tɨyi xocbê kɨyang wê yêp vac xolac bêga nêbê, ‘Ici va vông yaên lag puunê vô he mɨ he ya.’ Om ông ob vông do levac tibêge, me?”

Sinale 4:7

Om he kô Pita yuu Jon mɨ lam lax yuu le vô he manôn dɨ kɨnêg vô yuu ên nêbê, “Muu kô xêkɨzêc vô letya dɨ muu nêl letya lê, lêc muu vông xomxo tige vô nivɨha lecê?”

Sinale 5:28

“Xe le vac xam xôn dɨ nêl xêkɨzêc vô xam ên xe nêbê xam o lêc nêl kɨyang lec Yesu lê lêm. Lêc xam o ngô kɨyang wê xe nêl ge lêm, dɨ xam nêl kɨyang tige vô levac vac vɨgwe Jelusalem vɨhati, dɨ xam nêb xam ob nêl kɨyang kɨtyooên lec xe bê xe hi Yesu yib.”