Yesu Kɨlisi xolac nivɨha wê Jon kɨvuu ge 19:4 - Patep

⁴ Mêd Pailat lop mɨ lôm vɨxun tii vac dɨ nêl vô he Yuda ên nêbê, “Xam ngô lê. A ob vông xomxo tige i lôm vô xam ên xam xovô bê a o tulec kɨyang ti lec i lêm.”

Yesu Kɨlisi xolac nivɨha wê Jon kɨvuu ge 19:4 ပူးပေါင်းရင်းမြစ်များ

Matyu 27:19

Pailat dô lec sia wê mi dô lec dɨ mi ngô xomxo kɨyang ge, mêdêc vɨnê vông kɨyang lam vô i bêga nêbê, “Ông o lêc vông xomxo nivɨha tige i vô nipaên lêm, ên gwêbaga a xê vɨvia bucên ti lec i om vông a nɨlôg vô vɨyin.”

Matyu 27:24

Pailat xovô wê he ngôên i kɨyang obêc ma ge, dɨ yaxên wê he obêc vông vevac vô i ge, om hôm mia dɨ lipac vɨgê vac mia vô he vɨhati manôn, dɨ nêl vô he ên nêbê, “Xomxo tiga hi obêc kɨpyax sea ge od myavɨwen obêc yêp vô a lêm. Nge, obêc yêp vô xacxam va.”

Matyu 27:4

Om la nêl vô he ên nêbê, “A nêg nipaên, ên a vông xomxo ti wê nipaên ti o yêp vô i lêm ge loc vac xam vɨgêm dɨ xam ob hi i yib.” Lêc he nêl vô i ên nêbê, “Xe kɨyang ti o yêp vô xe lêm. Nge, ge yêp vô ôcông va.”

Matyu 27:54

Yesu yib, dɨ tɨbii levac wê viac nue vevac 100 ge ti hɨxôn nue vevac ya dô bin Yesu wê yux lec xax ge, dɨ he yê wê ngɨyêg vông kɨbun yoc dɨ tɨxuu tɨxuu mangwe val hɨxôn, om he xona mabu dɨ nêl ên nêbê, “Vɨxôhɨlôg nôn, xomxo tige Anutu nu.”

Yesu Kɨlisi xolac wê Luk kɨvuu ge 23:4

Mêd Pailat nêl vô xomxo levac daa siên hɨxôn xomxo gee vɨhati ên nêbê, “A yaxên xomxo tiga nên kɨyang, lêc kɨyang ti o yêp vô i lêm.”

Yesu Kɨlisi xolac wê Luk kɨvuu ge 23:41

lêc u kô nipaên tɨyi môp nipaên wê u vông ge, om ge la tɨyi, dom xomxo tiga o vông nipaên ti lêm.”

Yesu Kɨlisi xolac wê Luk kɨvuu ge 23:47

Mêd tɨbii levac wê viac nue vevac ge yê susu tigee dɨ pɨmil Anutu dɨ nêl ên nêbê, “Vɨxôhɨlôg, xomxo tiga nivɨha dɨ nipaên ti o yêp vô i lêm.”

Yesu Kɨlisi xolac nivɨha wê Jon kɨvuu ge 18:33

Mêd Pailat lax vac ben dɨ keac Yesu la vô i, dɨ kɨnêg i ên nêbê, “Ông ge king wê he Yuda vông ge, me?”

Yesu Kɨlisi xolac nivɨha wê Jon kɨvuu ge 18:38

Lêc Pailat kɨnêg vô Yesu ên nêbê, “Kɨyang nôn ge vatya?” Pailat nêl bêge mêd lop mɨ lôm vɨxun vô he Yuda dɨ nêl vô he ên nêbê, “A o tulec kɨyang ti lec xomxo tiga lêm.

Yesu Kɨlisi xolac nivɨha wê Jon kɨvuu ge 19:6

Mêd xomxo levac wê mi si daa gee hɨxôn xêhɨpu yê Yesu dɨ tyuc vya levac nêbê, “Tul i lec xax pola. Tul i lec xax pola.” Mêd Pailat nêl vô he ên nêbê, “Om xacxam va kô i mɨ loc tul lec xax, ên a o tulec soên ti vô i lêm.”

2 Kolin 5:21

Kɨlisi o vông môp nipaên ti lêm, lêcom Anutu kɨtuc il nêd nipaên vɨhati la lec Kɨlisi dɨ i yib ên il. Anutu vông bêge ên nêb ob yê il nivɨha lec yuac wê Kɨlisi vông ge.

Hiblu 7:26

Yesu tu Hetplis tɨyi wê ob ngɨdu il xôn ge, ên i ngɨbua dɨ nipaên ti o yêp vô i lêm dɨ susu ningeac ti o yêp vac i nɨlô lêm, dɨ i o tɨmu vô môp wê xomxo nipaên vông ge lêm, dɨ i lê vô levac tɨyi xocbê Anutu lê ge.

1 Pita 1:19

Nge, kɨsuu xam ya hi wê Kɨlisi vông ge. Anutu yê Yesu hi tɨyi xocbê susu levac. Ilage xomxo si bwoc sipsip nu tu daa vô Anutu. Bwoc sipsip tige ninɨvi nivɨha dɨ ningeac yuu nidodo ti o yêp vac hɨxôn lêm. Om Yesu tɨyi xocbê bwoc sipsip, ên nipaên ti o yêp vô i lêm, om i tu daa vô Anutu.

1 Pita 2:22

Ên Kɨlisi o vông nipaên ti lêm dɨ xomxo o tulec kɨyang kɨtyooên ti lec i lêm.

1 Pita 3:18

Ên Kɨlisi êno tulec vɨyin dɨ yib ên il nêd nipaên lu tibed dɨ obêc yib lu ngwe hɨxôn tii vac lêm. Kɨlisi ge xomxo nivɨha yang, lêc yib ên il wê nipaên ge ên nêb ob dɨdii il lôm vô Anutu. Xomxo hi Yesu ninɨvi yib lêc i kɨnu dô mavɨha.

1 Jon 3:5

Dɨ xam xovô pyap bê Kɨlisi lam ên nêb ob lam kɨtya il nêd nipaên vêl, dɨ Kɨlisi ge, nipaên ti o yêp vac i nɨlô lêm.