Yesu Kɨlisi xolac nivɨha wê Jon kɨvuu ge 17:9 - Patep

⁹ “Om a kɨtaa lec he. A o kɨtaa lec xomxo kɨbun ga vɨhati lêm. Nge, a kɨtaa ên xomxo wê ông vɨnoo nêb he i tu axe ge, ên he tu ông nume pyap.

Yesu Kɨlisi xolac nivɨha wê Jon kɨvuu ge 17:9 ပူးပေါင်းရင်းမြစ်များ

Yesu Kɨlisi xolac wê Luk kɨvuu ge 22:32

Lêc a kɨtaa vô Anutu lec ông ên a nêbê ông o lêc sea vông vinên lêm. Dɨ buc wê ông ob pɨlepac ông mɨ lax vô Anutu ge od ông ngɨdu lime nên vông vinên xôn.”

Yesu Kɨlisi xolac wê Luk kɨvuu ge 23:34

Mêd Yesu nêl ên nêbê, “Mag, ông kɨtya tɨbii gae nên nipaên vêl, ên he lungên om he vông.” Mêd tɨbii vevac tigee nêb ob tɨtang Yesu ngakwi vôma om he tɨde mɨ yê dêc tɨtang i tɨyi.

Yesu Kɨlisi xolac wê Luk kɨvuu ge 8:34

Mêd xomxo wê mi viac bwoc tyoe ge yê wê bwoc la yib mɨma vêl ge, om pec mɨ la, dɨ mɨla nêl kɨtong vô tɨbii vac vɨgwe levac hɨxôn vɨgwe nipwo vɨyang vɨyang ge.

Yesu Kɨlisi xolac nivɨha wê Jon kɨvuu ge 14:16

Dɨ a obêc kɨtaa vô Mag dɨ Mag obêc vông xomxo ngwe i lam vô xam. Xomxo tige wê ob ngɨdu xam xôn dɨ dô hɨxôn xam luta.

Yesu Kɨlisi xolac nivɨha wê Jon kɨvuu ge 17:2

Ên ông vông xomxo vɨhati la vac a kwa ngɨbi ên ông nêb a vông he wê ông vɨnoo nêb he i tu axe ge vɨhati i dô mavɨha luta lêc luta.

Yesu Kɨlisi xolac nivɨha wê Jon kɨvuu ge 17:20

“Lêc a o kɨtaa ên xomxo tigee vaci lêm. Nge, a kɨtaa ên tɨbii wê ob ngô he kɨyang dɨ vông i vin a hɨxôn ge.

Yesu Kɨlisi xolac nivɨha wê Jon kɨvuu ge 17:6

“A nêl ông lêm kɨtong vô xomxo wê ông vɨnoo nêb he tu axe gê kɨbun ga. He ge ông nume, dɨ ông vông he vô a. He viac ông kɨyang nivɨha,

Yesu Kɨlisi xolac nivɨha wê Jon kɨvuu ge 6:37

Xomxo wê Anutu vɨnoo nêb he i tu axe ge, vɨhati obêc lam vô a, dɨ xomxo ti obêc val vô a ge, od a obêc tii i lêm.

Yesu Kɨlisi xolac nivɨha wê Jon kɨvuu ge 6:39

Xomxo ti wê vông a lam ge nêb a o lêc sea xomxo wê i vɨnoo nêb he i tu axe ge ti i dô xel lêm. Nge, nêb a lêc tɨpi vô he vɨhati i kɨdi lec vô buc tɨmuên.

Hiblu 7:25

Om xomxo obêc vông i vin Yesu dɨ vông nɨlô la vô Anutu ge, od Yesu tɨyi wê ob vô he vêl ên he nên nipaên dɨ vông he dô mavɨha luta lêc luta ge, ên Yesu ob dô mavɨha luta dɨ kɨtaa vô Anutu ên nêb i ngɨdu he xôn.

Hiblu 9:24

Lêc Yesu o la vac xumac lɨlo gê kɨbun ga wê xomxo lox ya vɨgê ge ti lêm. Xumac lɨlo kɨbun ga tɨyi xocbê kɨnu wê tɨxuu lec vɨgwe nôn lag puunê. Om Yesu la dô lag puunê dɨ gwêbaga tu il madnôn mɨ la le vô Anutu manôn ên nêb ob ngɨdu il xôn.

1 Jon 5:19

Il xovô pyap ên il nêbê il ga Anutu nue, dɨ xomxo nipaên kɨbun ga, he vɨhati dô vac Seten kwa ngɨbi.

Levelesen 12:9

Om Maikel he nue angela nêx myel levac tyo lam kɨbun. Myel tige dô ilage, dɨ lê ngwe nêbê vɨmwo nipaên Seten, dɨ lê ngwe nêbê Devil wê mi nêl kɨyang kɨtyooên vô xomxo kɨbun ga vɨhati. Lêc Maikel he nue angela nêx myel nipaên tige hɨxôn nue angela nipaên lam kɨbun.

Levelesen 13:8

Om xomxo wê he lê o yêp vac Anutu kɨpihac lêm ge, he vɨhati ob yev vɨxa kɨtu vô bwoc vɨmen tige. Taxlee ilage wê Anutu gên o tung kɨbun hɨxôn susu vɨhati lêm ge od kɨvuu xomxo wê ob dô mavɨha luta lêc luta ge lê yêp vac kɨpihac wê bwoc Sipsip Nu vông ge, dɨ he tu i xe. Bwoc Sipsip Nu tige wê xomxo hi i yib ilage.

Levelesen 20:15

Anutu kɨtong kɨpihac ti wê he wê ob dô mavɨha ge lê yêp vac. Om xomxo ti va lê obêc ma ên kɨpihac tige ge od Anutu obêc nêx i la vac madia wê ngwax tum vac ge, dɨ i lê obêc yêp vac ge od ob dô mavɨha luta.