Yesu Kɨlisi xolac nivɨha wê Jon kɨvuu ge 17:6 - Patep

⁶ “A nêl ông lêm kɨtong vô xomxo wê ông vɨnoo nêb he tu axe gê kɨbun ga. He ge ông nume, dɨ ông vông he vô a. He viac ông kɨyang nivɨha,

Yesu Kɨlisi xolac nivɨha wê Jon kɨvuu ge 17:6 ပူးပေါင်းရင်းမြစ်များ

Yesu Kɨlisi xolac nivɨha wê Jon kɨvuu ge 1:18

Xomxo ti o yê Anutu lec manôn lêm. Nu tuc tibed wê dô hɨxôn Ma Anutu ge wê lam nêl Anutu kehe kɨtong vô il.

Yesu Kɨlisi xolac nivɨha wê Jon kɨvuu ge 12:28

Mag, ông vông ông lêm i vô levac.” Yesu nêl bêge mêd vya ti lam gê lag puunê ên nêbê, “A vông a lêg vô levac pyap dɨ a ob vông i vô levac tii vac nang.”

Yesu Kɨlisi xolac nivɨha wê Jon kɨvuu ge 15:19

Xam obêc tɨyi xocbê tɨbii kɨbun ga ge od tɨbii kɨbun ga xêyaa obêc vin lec xam tɨyi xocbê he lie xam. Lêc xam o tɨyi xocbê tɨbii kɨbun ga lêm, ên a vɨnoo xam vac he mahɨgun ên a nêb xam o tu tɨbii kɨbun ga i tii vac lêm, om he xêyaa vô nipaên vô xam.

Yesu Kɨlisi xolac nivɨha wê Jon kɨvuu ge 15:3

Kɨyang wê a nêl vô xam ge vông xam vô paha lec pyap.

Yesu Kɨlisi xolac nivɨha wê Jon kɨvuu ge 15:7

“Xam obêc dô vac a nɨlôg dɨ a kɨyang obêc yêp vac xam nɨlôm ge od susu wê xam xêmyaa vin lec mɨ xam kɨtaa ge od ob vô nôn lec vô xam.

Yesu Kɨlisi xolac nivɨha wê Jon kɨvuu ge 17:12

Buc wê a dô hɨxôn he ge a viac he dɨ he dô vac ông lêm ti wê ông vông vô a ge. A viac he nivɨha om he ti ob la xôa ma lêm. Lêc xomxo tibed ob kô myavɨwen mɨ la xôa ma, ên kɨyang wê yêp vac xolac ge i vô nôn lec.

Yesu Kɨlisi xolac nivɨha wê Jon kɨvuu ge 17:14

“A nêl ông kɨyang vô he mɨ he vông i vin om tɨbii kɨbun ga yê he nipaên, ên xomxo vông vinên kehe o kɨbun ga lêm, tɨyi xocbê a kehe o kɨbun ga lêm.

Yesu Kɨlisi xolac nivɨha wê Jon kɨvuu ge 17:16

He kehe o kɨbun ga lêm, tɨyi xocbê a kehe o kɨbun ga lêm.

Yesu Kɨlisi xolac nivɨha wê Jon kɨvuu ge 17:2

Ên ông vông xomxo vɨhati la vac a kwa ngɨbi ên ông nêb a vông he wê ông vɨnoo nêb he i tu axe ge vɨhati i dô mavɨha luta lêc luta.

Yesu Kɨlisi xolac nivɨha wê Jon kɨvuu ge 17:24

“Mag, ông vɨnoo xomxo tigee nêb he i tu axe om a nêb he i dô hɨxôn a vac vɨgwe wê a ob dô vac ge, ên he i yê xêseac wê a vông ge. Vô buc wê kɨbun gên ma ge, ông xêmyaa vin lec a om ông vông xêseac tige vô a.

Yesu Kɨlisi xolac nivɨha wê Jon kɨvuu ge 17:26

A nêl ông lêm kɨtong vô he dɨ a ob nêl i tii vac vô he, ên môp wê ông xêmyaa vin lec a ge i yêp vac he nɨlô dɨ a dô vac he nɨlô hɨxôn.”

Yesu Kɨlisi xolac nivɨha wê Jon kɨvuu ge 17:7

dɨ gwêbaga he xovô ên he nêbê kɨyang vɨhati wê ông vông vô a ge, lam vô ông.

Yesu Kɨlisi xolac nivɨha wê Jon kɨvuu ge 18:9

Yesu nêl kɨyang tige ên nêb kɨyang wê nêl ilage i vô nôn lec, kɨyang ti wê nêl ên nêbê, “Xomxo wê ông vɨnoo ên ông nêb he i tu axe ge, a o sea ti mɨ i la dô xel lêm.”

Yesu Kɨlisi xolac nivɨha wê Jon kɨvuu ge 6:37

Xomxo wê Anutu vɨnoo nêb he i tu axe ge, vɨhati obêc lam vô a, dɨ xomxo ti obêc val vô a ge, od a obêc tii i lêm.

Yesu Kɨlisi xolac nivɨha wê Jon kɨvuu ge 6:39

Xomxo ti wê vông a lam ge nêb a o lêc sea xomxo wê i vɨnoo nêb he i tu axe ge ti i dô xel lêm. Nge, nêb a lêc tɨpi vô he vɨhati i kɨdi lec vô buc tɨmuên.

Yesu Kɨlisi xolac nivɨha wê Jon kɨvuu ge 8:51

A nêl hɨxôn nôn vô xam bê xomxo ti obêc tɨmu vô kɨyang wê a vông ge od xomxo tige yibên obêc ma vêl.”

Yesu Kɨlisi xolac nivɨha wê Jon kɨvuu ge 8:52

Mêgem Yuda tigee nêl vô Yesu ên nêbê, “Om gwêbaga xe xovô ên xe nêbê vɨmwo nipaên ti dô vac ông nɨlôm. Ên Eblaham hɨxôn plopete ilage, he yib mɨ la vêl, lêc ông nêl ên ông nêbê xomxo ti obêc tɨmu vô kɨyang wê ông vông ge od obêc yib gê kɨbun ga lêm.

Sinale 13:48

Xomxo wê o Yuda lêm gee ngô kɨyang wê Pol nêl ge dɨ he xêyaa vô nivɨha yang dɨ he pɨmil Apumtau xolac, mêd he wê Anutu vɨnoo he ên nêb he ob dô mavɨha luta lêc luta gee he vɨhati vông i vin.

Kɨpihac wê Pol kɨvuu vô tɨbii Lom ge 11:2

Anutu o ngɨloo nue Islel wê vɨnoo he ilage lêm. Kɨyang wê Ilaija nêl vô Anutu mɨ i yêp vac kɨpihac xolac ge, xam mêd lungên, me? Ên Ilaija kɨtaa vô Anutu dɨ nêl lie Islel nên nipaên kɨtong bêga ên nêbê,

2 Kolin 4:6

Lec buc taxlee ilage Anutu nêl ên nêbê, “Xêseac i linac vac mapɨtoc.” Dɨ gwêbaga Anutu vông xêseac wê i vông ge lam linac vac il nɨlôd, om il xovô xêseac wê Anutu vông ge wê linac lec Kɨlisi manôn.

Kolosi 3:16

Xam hôm Kɨlisi kɨyang xôn pɨlihi mɨ i yêp vac nɨlôm dɨ xam xovô i nivɨha. Dɨ xam tɨxuu lime ya xolac dɨ viac kɨyang nivɨha vôma ya xovôên nivɨha vɨhati. Xam pɨmil Anutu vac nɨlôm dɨ vông lɨlo wê pɨmil ên i lê ge hɨxôn lɨlo da, dɨ lɨlo wê Myakɨlôhô Ngɨbua vông vô xam ge.

2 Timoti 1:13

Ông tɨmu vô kɨyang nôn wê a nêl vô ông mɨ ông ngô ge, dɨ vông i vin Yesu Kɨlisi xêkɨzêc ta, dɨ ông xêmyaa i vin lec i, ên ông tu Kɨlisi xe pyap.

Hiblu 2:12

Om Yesu nêl vô Anutu bêga ên nêbê, “A obêc nêl ông lêm i yêp seac vô lige, dɨ a obêc vông lɨlo wê ob pɨmil ông lêm vô levac ge vac lige vông vinên mahɨgun.”

Hiblu 3:6

Dom Kɨlisi ge Anutu nu nôn, om o vông yuac tɨyi xocbê Anutu nu yuac ti lêm. Nge, vông yuac tɨyi xocbê ma ob vông vô nu ti. Om tu Anutu nue nên levac dɨ vông yuac wê Anutu vông vô i ge nivɨha. Mêgem il obêc hôm vông vinên wê il vông ge xôn pɨlihi dɨ dô hɨxôn xêdyaa nivɨha dɨ bin vɨzid wê Anutu nêb obêc vông vô il ge od ge wê il obêc dô i tɨyi Anutu nue.

1 Pita 1:1

A, Pita, Yesu Kɨlisi nu sinale a. A kɨvuu kɨpihac tiga i loc vô xam wê Anutu nue ge vɨhati vac vɨgwe levac Pontas dɨ Galesia dɨ Kapadosia dɨ Esia dɨ Bitinia hɨxôn. Ilage tɨbii vevac tii xam moo sea mɨ xam loc dô vac vɨgwe tigee.

1 Jon 5:20

Il xovô ên il nêbê Anutu nu tuc lam vông xovôên vô il ên nêb il xovô Anutu nôn. Mêd gwêbaga il dô vac Anutu yuu nu tuc Yesu Kɨlisi nɨlô. Dɨ Anutu ge, Anutu nôn vɨxôhɨlôg dɨ mavɨha kehe wê il ob dô madvɨha luta lêc luta ge.

Levelesen 2:13

A nêl vô xam Pegamam bêga bê a xovô xam bom. Seten tu levac vac xam bom. Mêlêc a xovô ên a nêbê xam mi hôm a lêg xôn dɨ vông i vin xêkɨzêc dɨ xam o yax vông vinên wê xam vông ge vun lêm. Ilage xomxo vông vinên ti lê nêbê Antipas dô hɨxôn xam dɨ nêl kɨyang wê a vông ge vô xam dɨ o sea kɨyang wê a vông ge ti lêm. Lêc tɨbii hi Antipas yib vac xam mahɨgun vac vɨgwe wê Seten tu levac vac ge dɨ xam wê. Lêc xam o sea vông vinên wê xam vông ge lêm.

Levelesen 3:10

Xam mi le xêkɨzêc vac vɨyin tɨyi xocbê a nêl vô xam ilage. Mêgem a obêc vô xam vêl ên vɨyin wê obêc val vô xam ge. Vɨyin tige obêc yaxên xomxo vɨhati wê dô kɨbun ga ge.

Levelesen 3:8

A nêl vô xam Piladelpia bêga bê a xovô xam nêm yuac, om wê lê. A vông vuayen ti le taxên vô xam mamnôn, dɨ ti o tɨyi wê ob tung lec ge lêm. A xovô ên a nêbê xam nêm xêkɨzêc tɨyiên ma, lêc xam mi tɨmu vô kɨyang wê a vông ge dɨ xam o yax a vun lêm.