Yesu Kɨlisi xolac nivɨha wê Jon kɨvuu ge 17:26 - Patep

²⁶ A nêl ông lêm kɨtong vô he dɨ a ob nêl i tii vac vô he, ên môp wê ông xêmyaa vin lec a ge i yêp vac he nɨlô dɨ a dô vac he nɨlô hɨxôn.”

Yesu Kɨlisi xolac nivɨha wê Jon kɨvuu ge 17:26 ပူးပေါင်းရင်းမြစ်များ

Yesu Kɨlisi xolac nivɨha wê Jon kɨvuu ge 14:20

Obêc buc tige od xam obêc xovô bê a dô vac Mag nɨlô dɨ xam dô vac a nɨlôg, dɨ a dô vac xam nɨlôm.

Yesu Kɨlisi xolac nivɨha wê Jon kɨvuu ge 14:23

Om Yesu luu i vya ên nêbê, “Xomxo ti xêyaa obêc vin lec a ge od obêc viac kɨyang wê a nêl ge nivɨha, dɨ Mag xêyaa obêc vin lec xomxo tige dɨ xii Mag ob la dô hɨxôn i.

Yesu Kɨlisi xolac nivɨha wê Jon kɨvuu ge 15:15

Ilage a nêb xam tu a nuge yuac, lêc gwêbaga a ob nêl bê xam tu a lige. Ên nue yuac o xovô môp wê he nên xomxo levac nêb ob vông ge lêm, lêcom xam xovô a kɨyang vɨhati pyap, ên kɨyang wê a ngô vô Mag ge, a nêl vɨhati vô xam mɨ xam xovô pyap.

Yesu Kɨlisi xolac nivɨha wê Jon kɨvuu ge 15:4

Xam dô vac a nɨlôg dɨ a ob dô vac xam nɨlôm. Ên xam obêc dô vac a nɨlôg lêm ge od xam ob vô nôn ti lêm, tɨyi xocbê xax ngen obêc kɨtiv lec xax yatôv lêm ge od ob vuac nôn ti lêm.

Yesu Kɨlisi xolac nivɨha wê Jon kɨvuu ge 15:9

A xêgyaa vin lec xam tɨyi xocbê Mag xêyaa vin lec a ge, om xam dô vac xêyaa vin lecên wê a vông ge nɨlô i tɨyi buc vɨhati.

Yesu Kɨlisi xolac nivɨha wê Jon kɨvuu ge 17:23

A dô vac he nɨlô dɨ ông dô vac a nɨlôg, om a nêb he i dô nôn tibed, ên xomxo kɨbun ga he i yê dɨ xovô bê ông vông a lam, dɨ he i xovô bê ông xêmyaa vin lec he tɨyi xocbê ông xêmyaa vin lec a ge.

Yesu Kɨlisi xolac nivɨha wê Jon kɨvuu ge 17:6

“A nêl ông lêm kɨtong vô xomxo wê ông vɨnoo nêb he tu axe gê kɨbun ga. He ge ông nume, dɨ ông vông he vô a. He viac ông kɨyang nivɨha,

Yesu Kɨlisi xolac nivɨha wê Jon kɨvuu ge 17:8

Ên kɨyang wê ông nêl vô a ge, a nêl kɨtong vô he mɨ he vông i vin. Dɨ he xovô vɨxôhɨlôg nôn ên he nêbê a dô hɨxôn ông lêc lam, dɨ he vông i vin ên he nêbê ông vông a lam.

Yesu Kɨlisi xolac nivɨha wê Jon kɨvuu ge 6:56

Xomxo wê ya a lɨyôhô dɨ num a hi ge, he ob dô vac a nɨlôg dɨ a ob dô vac he nɨlô.

Yesu Kɨlisi xolac nivɨha wê Jon kɨvuu ge 8:50

A o nêb a ob vông a lêg i vô levac lêm, lêc xomxo ti dô wê ob vông a lêg i vô levac, dɨ xomxo tige wê ob yaxên xomxo nên kɨyang.

Kɨpihac wê Pol kɨvuu vô tɨbii Lom ge 8:10

Xam nimnɨvi obêc yib lec nipaên, lêc Kɨlisi obêc dô vac xam nɨlôm ge od xam kɨnum obêc dô mavɨha, ên wê Anutu yê xam nêbê xam xomxo nivɨha ge.

1 Kolin 1:30

Anutu vông xam la dô hɨxôn Yesu Kɨlisi. Ên Kɨlisi ge wê hɨlung pɨyôp wê Anutu vông ge yêp seac vô il, dɨ Kɨlisi vaci vô il vêl ên il nêd nipaên, dɨ Anutu yê il nêb il xomxo nivɨha lec yuac wê Kɨlisi vông ge, dɨ Kɨlisi vông il dô vac môp vɨlu wê nivɨha ge.

1 Kolin 12:12

Xomxo ninɨvi ge tibed, dɨ vɨgê yuu vɨxa dɨ manôn yuu nɨnya yuubê ge dô. Lêc vɨhati ge kɨtucma dɨ tu ninɨvi nôn tibed. Dɨ Kɨlisi êno tɨyi bêge,

Galesia 2:20

om gwêbaga a o dô magvɨha ya xêkɨzêc wê aca va vông ge lêm. Nge, a dô magvɨha ya xêkɨzêc wê Kɨlisi vông ge. Dɨ môp yuu yuac vɨhati wê a vông mɨ dô vac gwêbaga, a vông nɨlôg la dɨluhu vô Kɨlisi wê Anutu nu ge, ên Kɨlisi ge wê xêyaa vin lec a dɨ i yib lec a nêg nipaên.

Epesas 1:6

Om il ob pɨmil Anutu ên vɨzid nivɨha yang wê vông pɨleva vô il ge. Anutu vông vɨzid tige vô il lec yuac wê nu tuc vông vô il ge. Anutu xêyaa vin lec nu tuc.

Epesas 3:17

Dɨ a kɨtaa vô Anutu ên a nêbê i vông Kɨlisi i lam dô vac xam nɨlôm ên wê xam vông i vin i ge, dɨ i vông môp xêyaa vin lecên i vô levac vô xam ên xam le xêkɨzêc ya, i tɨyi xocbê xax ngɨlôhô la vac kɨbun dɨ hôm yatôv xôn dɨ i le pɨlihi ge.

Epesas 5:30

ên il tɨyi xocbê Kɨlisi vɨxa yuu vɨgê dɨ manôn yuubê, om il hɨxôn Kɨlisi tɨyi xocbê nôn tibed.

Epesas 5:32

Xolac nêl bêge, lêc kɨyang ga kehe yuu. Kehe ngwe wê levac ge nêl lec Kɨlisi hɨxôn xomxo vông vinên.

Kolosi 1:27

Anutu nêb ob nêl kɨtong vô il ên il xovô bêga bê kɨyang wê yêp xôpacên ilage ge kɨyang nivɨha yang tɨyi wê obêc ngɨdu xomxo vɨhati ge xôn. Om nêl kɨyang tige kɨtong vô xam wê xam o Yuda lêm gee êno. Kɨyang xôpacên tige nêl ên nêbê Kɨlisi dô hɨxôn xam, om xam dô bin buc wê Kɨlisi obêc tung xam la dô vac xêseac wê i vông ge.

Kolosi 2:10

Dɨ xam dô hɨxôn Kɨlisi om Anutu vông mavɨha dôên nôn hɨvun xam xôn. Kɨlisi ge wê luu xomxo wê pɨyôp levac ge hɨxôn xêkɨzêc vɨhati ge vêl.

Kolosi 3:11

Om xomxo Glik dɨ xomxo Yuda, dɨ he wê gôl ninɨvi ge, hɨxôn he wê o gôl ninɨvi lêm ge, dɨ tɨbii madɨluhu, dɨ xomxo vɨmen wê dô vac nita ge, dɨ xomxo wê vông yuac vɨdaaên vô xomxo ge, hɨxôn he wê viac heche va yuac ge, Kɨlisi yê il vɨhati tɨyima, ên Kɨlisi vaci wê tu il vɨhati kehe dɨ i dô hɨxôn xomxo vɨhati.

2 Tesalonaika 2:16

Il Apumtau Yesu Kɨlisi yuu Mag Anutu, yuu xêyaa vin lec il om vông vɨzid nivɨha vô il ên nêb ob ngɨdu il xôn dɨ vông il nɨlôd i vô vɨyin maên luta lêc luta. Dɨ yuu ngɨdu il xôn om il dô bin nôn nivɨha wê yuu ob vông vô il tɨmuên ge.

Hiblu 2:12

Om Yesu nêl vô Anutu bêga ên nêbê, “A obêc nêl ông lêm i yêp seac vô lige, dɨ a obêc vông lɨlo wê ob pɨmil ông lêm vô levac ge vac lige vông vinên mahɨgun.”

1 Jon 3:24

Xomxo wê tup vô Anutu xolac ge, ge wê dô vac Anutu nɨlô dɨ Anutu dô vac he nɨlô. Dɨ Myakɨlôhô Ngɨbua wê Anutu vông vô il ge vông xovôên vô il ên nêbê Anutu dô vac il nɨlôd.