Yesu Kɨlisi xolac nivɨha wê Jon kɨvuu ge 17:25 - Patep

²⁵ Mag, ông xomxo bôbac. Xomxo kɨbun ga lungên ông, lêc a xovô ông, dɨ xomxo tigee xovô nêbê ông vông a lam.

Yesu Kɨlisi xolac nivɨha wê Jon kɨvuu ge 17:25 ပူးပေါင်းရင်းမြစ်များ

Matyu 11:27

“Mag vông xêkɨzêc yuu xovôên vɨhati ge vac a vɨgêg. Xomxo ti o xovô nu a lêm. Nge, Mag vaci wê xovô a. Dɨ xomxo ti o xovô Mag lêm. Nge, aca va wê a xovô Mag, dɨ xomxo wê a nêb a ob hɨlung Mag vô he ge, he ob xovô Mag.

Matyu 16:16

Om Saimon Pita nêl lax vô i ên nêbê, “Ông Kɨlisi, Anutu mavɨha nu ông.”

Yesu Kɨlisi xolac wê Luk kɨvuu ge 10:22

Pyap dêc Yesu nêl ên nêbê, “Mag vông susu ge vɨhati vô a. Mêlêc xomxo ti o xovô nu a lêm. Nge, Mag vaci xovô. Dɨ xomxo ti o xovô Mag lêm. Nge, nu aca va wê a xovô, dɨ xomxo wê a nêb a ob hɨlung Mag vô he ge, he ob xovô Mag.”

Yesu Kɨlisi xolac nivɨha wê Jon kɨvuu ge 1:18

Xomxo ti o yê Anutu lec manôn lêm. Nu tuc tibed wê dô hɨxôn Ma Anutu ge wê lam nêl Anutu kehe kɨtong vô il.

Yesu Kɨlisi xolac nivɨha wê Jon kɨvuu ge 10:15

tɨyi xocbê Mag xovô a dɨ a xovô Mag ge, om a ob xib ên ngɨdu sipsip xôn.

Yesu Kɨlisi xolac nivɨha wê Jon kɨvuu ge 15:21

Xomxo obêc vông vaxvax vô xam ên wê xam tu axe ge, ên he o xovô xomxo ti wê vông a lam ge lêm.

Yesu Kɨlisi xolac nivɨha wê Jon kɨvuu ge 16:27

ên Mag vaci xêyaa vin lec xam ên wê xam xêmyaa vin lec a dɨ xam vông i vin ên xam nêbê a dô hɨxôn Mag lêc lam ge.

Yesu Kɨlisi xolac nivɨha wê Jon kɨvuu ge 16:3

He ob vông môp tibêge, ên he lungên Mag dɨ lungên a.

Yesu Kɨlisi xolac nivɨha wê Jon kɨvuu ge 16:30

Om gwêbaga xe xovô ên xe nêbê ông xovô kɨyang vɨhati pyap om ông o bin dɨ xomxo kɨnêg ông tax lêm. Om xe xovô ên xe nêbê ông dô hɨxôn Anutu lêc lam.”

Yesu Kɨlisi xolac nivɨha wê Jon kɨvuu ge 17:11

A ob dô kɨbun ga i tii vac lêm. Nge, a ob loc vô ông. Dom he ge he ob dô kɨbun ga. Mag, ông ngɨbua, om ông viac he ên he i dô vac ông lêm ti wê ông vông vô a ge nɨlô, dɨ he i dô tibed tɨyi xocbê u tibed ge.

Yesu Kɨlisi xolac nivɨha wê Jon kɨvuu ge 17:18

Ông vông a lam dô vac xomxo kɨbun ga mahɨgun, om a vông he kô a kɨyang mɨ la vac xomxo mahɨgun êno bêge.

Yesu Kɨlisi xolac nivɨha wê Jon kɨvuu ge 17:21

Mag, a nêb xomxo tigee vɨhati, he i dô tibed. Ên ông dô vac a nɨlôg dɨ a dô vac ông nɨlôm, om a nêb he i dô vac u nɨlôd, ên xomxo kɨbun ga he i yê dɨ xovô bê ông vông a lam.

Yesu Kɨlisi xolac nivɨha wê Jon kɨvuu ge 17:23

A dô vac he nɨlô dɨ ông dô vac a nɨlôg, om a nêb he i dô nôn tibed, ên xomxo kɨbun ga he i yê dɨ xovô bê ông vông a lam, dɨ he i xovô bê ông xêmyaa vin lec he tɨyi xocbê ông xêmyaa vin lec a ge.

Yesu Kɨlisi xolac nivɨha wê Jon kɨvuu ge 17:3

Dɨ mavɨha luta dôên kehe bêga nêbê xomxo ob xovô ông bê ông Anutu nôn tibed vɨxôhɨlôg, dɨ ob xovô Yesu Kɨlisi wê ông vông i lam ge.

Yesu Kɨlisi xolac nivɨha wê Jon kɨvuu ge 17:8

Ên kɨyang wê ông nêl vô a ge, a nêl kɨtong vô he mɨ he vông i vin. Dɨ he xovô vɨxôhɨlôg nôn ên he nêbê a dô hɨxôn ông lêc lam, dɨ he vông i vin ên he nêbê ông vông a lam.

Yesu Kɨlisi xolac nivɨha wê Jon kɨvuu ge 3:17

Ên Anutu o vông nu tuc lam kɨbun ên nêb i lam vông myavɨwen nipaên vô xomxo lêm. Nge, vông i lam ên nêb i lam hôm he lec.

Yesu Kɨlisi xolac nivɨha wê Jon kɨvuu ge 6:19

om he hɨsoo mia mɨ la mahɨgun dia tya tɨyi xocbê 5 kilomita ge, lêc he yê wê Yesu lam lec mia kɨsii mɨ val kwabo vô dipac ge om he xonamabu.

Yesu Kɨlisi xolac nivɨha wê Jon kɨvuu ge 7:29

dɨ a ga, a xovô i pyap, ên a dô hɨxôn i dɨ i vông a lam.”

Yesu Kɨlisi xolac nivɨha wê Jon kɨvuu ge 8:19

Mêd he kɨnêg vô Yesu ên nêbê, “Mam dô gê na?” Lêc Yesu nêl vô he ên nêbê, “Xam lungên a dɨ xam lungên Mag êno. Xam obêc xovô a ge od xam obêc xovô Mag hɨxôn.”

Yesu Kɨlisi xolac nivɨha wê Jon kɨvuu ge 8:55

Lêc xam o xovô i lêm. Dɨ a ga, a xovô i. A obêc nêl bê a lungên Mag ge od a obêc xomxo kɨtyooên tɨyi xocbê xam ge. Lêc a xovô i pyap om a tɨmu vô kɨyang vɨhati wê i vông ge.

Sinale 17:23

ên a tup vac vɨgwe wê xam vông ge dɨ a xê anutu wê xam mi kɨtaa vô ge, dɨ a xê alta ti wê kɨyang yêp lec bêga nêbê, ‘Alta tiga anutu wê xe lungên ge, ixe.’ Om Anutu tige wê xam lungên lêc xam mi kɨtaa vô ge, a ob nêl i kɨtong vô xam.

Sinale 26:18

ên ông vông he manôn i seac dɨ vông he i sea môp mapɨtoc dɨ lam dô vac xêseac, dɨ he i sea xêkɨzêc wê Seten vông ge dɨ lôm vô Anutu dɨ vông i vin a, ên Anutu i kɨtya he nên nipaên vêl dɨ he i dô hɨxôn xomxo wê Anutu vɨnoo he pyap ge.’

Kɨpihac wê Pol kɨvuu vô tɨbii Lom ge 1:28

He nêb he ob xovô Anutu vac pɨyôp wê he vông ge lêm, mêgem Anutu sea he dɨ he tɨmu vô môp nipaên wê heche va pɨyôp xovô ge.

Kɨpihac wê Pol kɨvuu vô tɨbii Lom ge 3:11

Dɨ xomxo pɨyôp nivɨha ti o dô lêm, dɨ xomxo wê nêb ob myag Anutu mɨ la tulec nôn ge, ti o dô lêm.

Kɨpihac wê Pol kɨvuu vô tɨbii Lom ge 3:26

Lêc gwêbaga Anutu kɨtya il nêd nipaên vêl lec Yesu Kɨlisi, om il ob xovô bê Anutu ge xêseac pɨleva dɨ nivɨha kehe, dɨ xomxo wê vông i vin Yesu ge Anutu ob yê he tɨyi xocbê xomxo nivɨha.

1 Kolin 1:21

Anutu ge pɨyôp levac om vông môp bêga ên nêbê xovôên wê xomxo kɨbun ga vông ge o tɨyi wê ob vông he xovô Anutu ge lêm. Om xolac wê xe mi nêl ge, xomxo yê tɨyi xocbê kɨyang pɨleva lê, lêc Anutu nêl ên nêbê xomxo obêc vông i vin kɨyang tige ge od Anutu obêc vô he vêl ên he nên nipaên.

1 Kolin 15:34

Xam sea pɨyôp judajuda dɨ xam viac pɨyôp i yêp nivɨha. Dɨ xam sea môp nipaên wê xam vông ge, ên xam ya gên o xovô Anutu lêm, om a nêl kɨyang tiga vô xam ên a nêb i vông xam nim i yoc.

2 Kolin 4:4

Xomxo tigee o vông i vin lêm, ên Seten wê mi kɨtyoo xomxo kɨbun ga ge le vac he pɨyôp xôn mɨ i vô mapɨtoc, om o tɨyi wê xêseac wê xolac vông ge ob linac vac he nɨlô ge lêm. Xolac tige nêl xêseac wê Kɨlisi vông ge kɨtong, ên Kɨlisi tɨyi xocbê Anutu vaci.

2 Tesalonaika 1:8

dɨ ob vông myavɨwen nipaên vô xomxo wê lungên Anutu gee hɨxôn he wê vô nɨnya kɨtu vô il Apumtau Yesu xolac gee.

Hiblu 8:11

Om xam ob nêl vô xomxo me lime ti bê i xovô a Apumtau lêm. Ên vô buc tige xomxo wê lê levac hɨxôn he wê lê nipwo ge, he vɨhati obêc xovô a.

1 Jon 1:9

Lêc il obêc nêl nêd nipaên kɨtong seac vô Anutu ge od Anutu obêc pwoo i vya vac dɨ sea il lêm, ên i ge nivɨha lee kehe, om obêc kɨtya il nêd nipaên vɨhati vêl dɨ vông il vô paha lec.

Levelesen 13:8

Om xomxo wê he lê o yêp vac Anutu kɨpihac lêm ge, he vɨhati ob yev vɨxa kɨtu vô bwoc vɨmen tige. Taxlee ilage wê Anutu gên o tung kɨbun hɨxôn susu vɨhati lêm ge od kɨvuu xomxo wê ob dô mavɨha luta lêc luta ge lê yêp vac kɨpihac wê bwoc Sipsip Nu vông ge, dɨ he tu i xe. Bwoc Sipsip Nu tige wê xomxo hi i yib ilage.

Levelesen 16:5

A ngô angela wê mi viac mia ge vya wê nêl ên nêbê, “O Anutu ngɨbua, ông dô mugên ilage dɨ dô gwêbaga hɨxôn. Gwêbaga ông yaxên xomxo nipaên nên kɨyang dɨ vông myavɨwen vac vô he. Om môp wê ông vông myavɨwen vô xomxo ge môp nivɨha,