Yesu Kɨlisi xolac nivɨha wê Jon kɨvuu ge 15:12 - Patep

¹² “Xolac wê a ob nêl vô xam ge bêga bê xam xêmyaa i vin lecma i tɨyi xocbê a xêgyaa vin lec xam ge.

Yesu Kɨlisi xolac nivɨha wê Jon kɨvuu ge 15:12 ပူးပေါင်းရင်းမြစ်များ

Yesu Kɨlisi xolac nivɨha wê Jon kɨvuu ge 13:34

A ob nêl xolac paha ti vô xam bêga bê xam xêmyaa i vin lecma. A xêgyaa vin lec xam om xam xêmyaa i vin lecma i tɨyi xocbê a xêgyaa vin lec xam ge.

Yesu Kɨlisi xolac nivɨha wê Jon kɨvuu ge 15:17

Om xolac wê a ob nêl vô xam ge bêga bê xam xêmyaa i vin lecma.

Kɨpihac wê Pol kɨvuu vô tɨbii Lom ge 12:10

Xam xêmyaa i vin lec lime vông vinên i tɨyi xocbê xam xêmyaa vin lec lime wê xam hi tibed ge, dɨ xam toto ge pɨmil lime dɨ ngɨdu he xôn.

Epesas 5:2

dɨ xam tɨmu vô môp xêyaa vin lec maên i tɨyi xocbê Kɨlisi wê xêyaa vin lec il om yib ên il nêd nipaên ge. Kɨlisi vông ici va tu daa wê Anutu yê nivɨha ge, tɨyi xocbê ilage xomxo si daa wê nivɨvea nivɨha ge ên nêb Anutu i yê nivɨha.

1 Tesalonaika 3:12

Dɨ xe kɨtaa vô Apumtau ên xe nêb i vông môp xêyaa vin lecên i hɨvun xam xôn dɨ i vô levac vac xam mahɨgun êdêc xam xêmyaa i vin lecma dɨ xêmyaa i vin lec xomxo vɨhati i tɨyi xocbê xe xêmyaa vin lec xam ge.

1 Tesalonaika 4:9

Lêc môp wê xam xêmyaa ob vin lec lime ge, a ob kɨvuu kɨyang ti vô xam lec môp tige lêm, ên Anutu vaci hɨlung vô xam pyap, om xam xêmyaa mi vin lecma,

2 Tesalonaika 1:3

Xam lige, xe nɨlôm kɨdu xe om xe pɨmil Anutu ên xam tɨyi buc vɨhati. Môp tige môp bôbac, ên vông vinên wê xam vông ge dɨyêp xêkɨzêc dɨ vô levac tɨyi buc vɨhati, dɨ xam toto xêmyaa mi vin lecma nôn, dɨ môp xêmyaa vin lecên tige dɨvô levac vac xam mahɨgun tɨyi buc vɨhati.

1 Pita 1:22

Xam ngô Anutu kɨyang nôn dɨ vô nɨnyam lehe vô, om môp tige vông xam nɨlôm vô paha lec, dɨ vông xam xêmyaa vin lec lime vông vinên vɨhati. Dɨ xam o kɨtyoo he lêm. Nge, xam xêmyaa vin lec he nôn. Xam mi vông bêge, om xam lêc vông yuac xêkɨzêc dɨ vông môp xêyaa vin lec maên i loc dɨluhu vô lime.

1 Pita 3:8

A ob nêl kɨyang ti hɨxôn bêga bê xam nɨlôm i yêp tibed, dɨ xam xo vɨgwe pɨsiv ênma, dɨ xam xêmyaa i vin lec lime vông vinên vɨhati, dɨ xam viac lime vɨhati i nivɨha, dɨ xam o yong xam vô lime lêm.

1 Pita 4:8

Môp xêyaa vin lecên tibed wê luu môp vɨhati yang ge vêl. Om xam xêmyaa i vin lec lime vɨhati, ên môp xêyaa vin lecên tɨyi wê ob pɨlepac nipaên wê xomxo vông vô il ge vêl.

1 Jon 3:23

Dɨ i xolac bêga ên nêbê il vông i vin nu tuc Yesu Kɨlisi lê, dɨ il xêdyaa i vin lecma, i tɨyi xocbê xolac nêl vô il ge.

1 Jon 4:21

Yesu xolac wê nêl vô il ge, bêga nêbê xomxo ti xêyaa obêc vin lec Anutu ge od xêyaa i vin lec lie êno.

2 Jon 1:5

Om ông vêx ge, a nêl vô ông bê il xêdyaa i vin lecma. Ên kɨyang ga o paha ti lêm. Nge, kɨyang ga tɨkwê wê il ngô mɨ xovô pyap ilage.