Yesu Kɨlisi xolac nivɨha wê Jon kɨvuu ge 14:6 - Patep

⁶ Om Yesu nêl vô i ên nêbê, “A ga môp, dɨ a kɨyang nôn kehe, dɨ a mavɨha dôên kehe. Om xomxo ti obêc la vô Mag vô môp bangwe lêm, ên môp wê ob la vô Mag ge a tibed.

Yesu Kɨlisi xolac nivɨha wê Jon kɨvuu ge 14:6 ပူးပေါင်းရင်းမြစ်များ

Matyu 11:27

“Mag vông xêkɨzêc yuu xovôên vɨhati ge vac a vɨgêg. Xomxo ti o xovô nu a lêm. Nge, Mag vaci wê xovô a. Dɨ xomxo ti o xovô Mag lêm. Nge, aca va wê a xovô Mag, dɨ xomxo wê a nêb a ob hɨlung Mag vô he ge, he ob xovô Mag.

Yesu Kɨlisi xolac nivɨha wê Jon kɨvuu ge 1:14

Kɨyang lam tu xomxo gê kɨbun ga dɨ i dô vac xe mahɨgun, om xe xê xêseac wê i vông ge. Xêseac tige Anutu vông vô nu tuc tibed, dɨ xêyaa vin lecên yuu kɨyang nôn hɨvun i xôn.

Yesu Kɨlisi xolac nivɨha wê Jon kɨvuu ge 1:17

Ilage Anutu nêl xolac vô Moses mɨ i nêl vô xomxo, lêc xêyaa vin lecên hɨxôn kɨyang nôn, Yesu Kɨlisi vaci kô mɨ lam.

Yesu Kɨlisi xolac nivɨha wê Jon kɨvuu ge 1:4

Dɨ ici va ge mavɨha kehe, dɨ mavɨha wê i vông ge linac vô xomxo mɨ he dô vac xêseac.

Yesu Kɨlisi xolac nivɨha wê Jon kɨvuu ge 10:28

A obêc vông he dô mavɨha luta lêc luta dɨ he ob yib lêm, dɨ xomxo ti ob vô he vêl ên a vɨgêg lêm.

Yesu Kɨlisi xolac nivɨha wê Jon kɨvuu ge 10:7

Mêgem Yesu nêl tii vac vô he ên nêbê, “A nêl hɨxôn nôn vô xam bêga bê a ga, a tɨyi xocbê vuayen wê bwoc sipsip vông ge.

Yesu Kɨlisi xolac nivɨha wê Jon kɨvuu ge 10:9

A tɨyi xocbê vuayen. Xomxo ti obêc lam vô a mɨ la vac xenac nɨlô ge od ob la dô nivɨha, dɨ obêc lop mɨ la vɨxun dɨ lôm la xenac lôma ge od ob tulec yaên.

Yesu Kɨlisi xolac nivɨha wê Jon kɨvuu ge 14:19

Buc myabo tya dɨ xomxo kɨbun ga ob yê a tii vac lêm, lêc xam ge, xam obêc wê a. A dô magvɨha om xam êno obêc dô mamvɨha.

Yesu Kɨlisi xolac nivɨha wê Jon kɨvuu ge 15:1

“A xax wain wê nôn ge, dɨ Mag ge wê tu yuac kehe.

Yesu Kɨlisi xolac nivɨha wê Jon kɨvuu ge 18:37

Om Pailat kɨnêg vô i ên nêbê, “Om ông ge king ti?” Mêd Yesu nêl vô Pailat ên nêbê, “Ôcông va nêb a king. A lam yubac gê kɨbun ga dɨ kehe bêga nêbê a ob nêl kɨyang nôn i yêp seac vô xomxo. Dɨ xomxo wê kɨyang nôn yêp vac he nɨlô ge wê ngô a vyag.”

Yesu Kɨlisi xolac nivɨha wê Jon kɨvuu ge 5:21

Mag vông xomxo kɨdi lec vac yibên dɨ vông he dô mavɨha, dɨ nu tuc obêc vông xomxo wê vɨnoo he ge i dô mavɨha bêge êno.

Yesu Kɨlisi xolac nivɨha wê Jon kɨvuu ge 6:33

Yaên wê Anutu vông ge, lam gê lag puunê dɨ lam vông xomxo kɨbun ga dô mavɨha.”

Yesu Kɨlisi xolac nivɨha wê Jon kɨvuu ge 6:51

A ga yaên mavɨha wê a lop mɨ lam gê lag puunê. Om xomxo ti obêc ya yaên tiga ge od ob dô mavɨha luta lêc luta. Yaên wê a ob vông vô i ge, aca va lɨyôhô wê a ob vông, ên xomxo kɨbun ga i dô mavɨha.”

Yesu Kɨlisi xolac nivɨha wê Jon kɨvuu ge 6:57

Mag mavɨha vông a lam, dɨ a dô magvɨha ya xêkɨzêc wê Mag vông ge. Om xomxo ti obêc ya a ge, od ob dô mavɨha ya xêkɨzêc wê a vông ge.

Yesu Kɨlisi xolac nivɨha wê Jon kɨvuu ge 6:68

Lêc Saimon Pita nêl vô i ên nêbê, “Apumtau, xe ob la vô letya? Ên kɨyang wê ông vông ge wê ob vông xomxo dô mavɨha luta lêc luta.

Yesu Kɨlisi xolac nivɨha wê Jon kɨvuu ge 8:32

Xam obêc xovô kɨyang nôn, dɨ kɨyang nôn obêc pɨwelac xam vêl dɨ xam dô nimvɨha.”

Yesu Kɨlisi xolac nivɨha wê Jon kɨvuu ge 8:51

A nêl hɨxôn nôn vô xam bê xomxo ti obêc tɨmu vô kɨyang wê a vông ge od xomxo tige yibên obêc ma vêl.”

Sinale 3:15

dɨ xomxo ti wê mavɨha dôên kehe ge, xam hi i yib. Lêc Anutu tɨpi vô i kɨdi lec mavɨha vac yibên mɨ xe xê lec mamnôn.

Sinale 4:12

Ên xomxo ngwe o tɨyi wê ob hôm il lec ge lêm, ên Anutu o nêl xomxo kɨbun ga ti vô il ên nêb i kɨtya il nêd nipaên vêl lêm. Nge, Yesu tibed.”

Sinale 9:2

mɨ la nêl vô ên nêb i kɨvuu kɨpihac i loc vac he Yuda vac xumac lɨlo wê yêp vɨgwe Damaskas ge. Om kɨvuu kɨpihac bêga nêbê Sol obêc tulec vêx me vux wê mi tɨmu vô Yesu môp gee od i hôm he xôn dɨ kô mɨ loc Jelusalem dɨ loc tung vac xumac kalabuhu.

Kɨpihac wê Pol kɨvuu vô tɨbii Lom ge 15:16

nêb a tu i nu yuac ti dɨ la nêl Yesu Kɨlisi kɨtong vô xomxo madɨluhu. Om yuac wê a vông ge tɨyi xocbê xomxo si daa vô Anutu ge, ên a la nêl Anutu xolac vô tɨbii wê o Yuda lêm gee, ên a nêb Myakɨlôhô Ngɨbua i vông he i tu xomxo ngɨbua tɨyi xocbê daa wê Anutu ob yê nivɨha ge.

Kɨpihac wê Pol kɨvuu vô tɨbii Lom ge 5:2

Yesu vaci dɨdii il mɨ la tung vac vɨzid yuu malehe mɨ il dô vac gwêbaga, dɨ il vông i vin ên il nêbê obêc buc tɨmuên ge od il ob la dô vac xêseac hɨxôn Anutu, om gwêbaga il ob dô dɨ yaxên buc tige hɨxôn xêdyaa nivɨha.

Kɨpihac wê Pol kɨvuu vô tɨbii Lom ge 5:21

Vɨxôhɨlôg, môp nipaên hɨvun xomxo vɨhati yang xôn dɨ he dô vac môp mayibên, lêc gwêbaga vɨzid levac wê Anutu vông ge lam hɨvun il xôn, om Anutu kɨtya il nêd nipaên vêl dɨ yê il ên nêb il xomxo nivɨha wê il ob dô madvɨha luta lêc luta. Vɨzid wê Anutu vông ge kehe lec il lig Apumtau Yesu Kɨlisi nôn tibed.

1 Kolin 15:45

Kɨyang yêp vac kɨpihac xolac bêga nêbê, “Adam taxlee ge tu xomxo mɨ dô mavɨha.” Dɨ Adam ngwe tɨmuên i Anutu nôn wê ob vông xomxo dô mavɨha luta.

Epesas 2:18

Xe Yuda hɨxôn xam tɨbii ba ge, Myakɨlôhô Ngɨbua tibed tax vuayen ên môp wê il xôn ob la vô Anutu ge lec Kɨlisi tibed.

Kolosi 2:17

Môp tigee tɨxuuên pɨleva, ên he tɨxuu lec môp wê ob val tɨmuên ge. Lêc Kɨlisi ge nôn vɨxôhɨlôg.

Kolosi 2:9

Xam xovô pyap ên xam nêbê Kɨlisi ninɨvi tɨyi xocbê xomxo kɨbun ga, lêc Anutu vông xêkɨzêc yuu xovôên wê i vông ge vɨhati hɨvun Kɨlisi xôn, om yuu xôn tɨyima.

Kolosi 3:4

Kɨlisi ge mavɨha dôên wê il vông ge kehe, om vô buc tɨmuên wê Kɨlisi obêc lop mɨ lôm le seac ge od xam êno obêc lam le pɨkeb i vac xêseac wê i vông ge.

Hiblu 7:25

Om xomxo obêc vông i vin Yesu dɨ vông nɨlô la vô Anutu ge, od Yesu tɨyi wê ob vô he vêl ên he nên nipaên dɨ vông he dô mavɨha luta lêc luta ge, ên Yesu ob dô mavɨha luta dɨ kɨtaa vô Anutu ên nêb i ngɨdu he xôn.

Hiblu 9:8

Om Myakɨlôhô Ngɨbua nêl môp tige kehe kɨtong vô il bêga ên nêbê xumac sel nɨlô ngwe wê yêp taxlee ge yuac obêc gên yêp vac ge od xomxo vɨhati o tɨyi wê ob la le vô Anutu manôn vac xumac sel nɨlô ngwe wê yêp tɨmuên ge lêm. Nge, Hetplis tibed wê ob la vac.

1 Pita 1:21

Yesu lam yib ên il nêd nipaên om il vông i vin Anutu. Anutu tɨpi vô Yesu kɨdi lec mavɨha vac yibên dɨ vông lê levac hɨxôn xêseac wê i vông ge vô i. Om xam vông i vin pyap dɨ bin nôn nivɨha wê Anutu obêc vông vô xam tɨmuên ge.

1 Pita 2:4

Om xam lam vô Yesu. Yesu ge tɨyi xocbê ngɨdax mavɨha. Lêc xomxo yê ngɨdax tige nipaên ên nêb tɨyiên ma wê ob ngɨdu xumac xôn ge, om nêx i la. Lêc Anutu vɨnoo pyap dɨ yê ên nêb nivɨha yang.

1 Pita 3:18

Ên Kɨlisi êno tulec vɨyin dɨ yib ên il nêd nipaên lu tibed dɨ obêc yib lu ngwe hɨxôn tii vac lêm. Kɨlisi ge xomxo nivɨha yang, lêc yib ên il wê nipaên ge ên nêb ob dɨdii il lôm vô Anutu. Xomxo hi Yesu ninɨvi yib lêc i kɨnu dô mavɨha.

1 Jon 1:8

Xame, il obêc nêbê nipaên ti o yêp vac il nɨlôd lêm ge od il kɨtyoo il dɨ kɨyang nôn o yêp vac il nɨlôd lêm.

1 Jon 2:23

Ên xomxo wê vô nɨmi vô Yesu ge, ge tɨyi xocbê vô nɨmi vô ma Anutu êno. Dɨ xomxo ngwe wê vông i vin Yesu ge, od ge vông i vin ma Anutu êno.

1 Jon 5:20

Il xovô ên il nêbê Anutu nu tuc lam vông xovôên vô il ên nêb il xovô Anutu nôn. Mêd gwêbaga il dô vac Anutu yuu nu tuc Yesu Kɨlisi nɨlô. Dɨ Anutu ge, Anutu nôn vɨxôhɨlôg dɨ mavɨha kehe wê il ob dô madvɨha luta lêc luta ge.

1 Jon 5:6

Yesu Kɨlisi ge wê lam kɨbun mêd lam lipac mia dɨ lam kɨpyax i hi sea dɨ yib. Lêc o lam lipac mia pɨleva lêm. Nge, lipac mia dɨ kɨpyax i hi sea hɨxôn. Mêd Myakɨlôhô Ngɨbua ge wê mi nêl Yesu kɨtong vô il, ên Myakɨlôhô Ngɨbua ge kɨyang nôn kehe.

2 Jon 1:9

Xomxo ti obêc hôm Kɨlisi kɨyang pɨlihi lêm dɨ obêc sox la vac xolac bangwe ge od o tu Anutu nu lêm. Dɨ xomxo wê mi hôm Kɨlisi kɨyang pɨlihi ge, ge wê tu Mag Anutu yuu nu tuc Yesu xe.

Levelesen 1:5

Yesu Kɨlisi ge wê nêl kɨyang vɨhati kɨtong yêp seac dɨ o yax ti vun lêm, dɨ i mugên wê kɨdi lec mavɨha vac yibên ge dɨ ngɨnoo king wê dô kɨbun ga vɨhati vêl dɨ tu he nên xomxo levac. Om a nêb i vông vɨzid nivɨha i lam vô xam dɨ vông xam nɨlôm i vô malehe lec. Yesu xêyaa vin lec il, om ici va hi wê kɨpyax sea ge kɨtya il nêd nipaên vêl,

Levelesen 19:11

Nang dêc a xê vuayen tax gê lag puunê, lêc a xê xôhô kwem ti, dɨ xomxo ti dô lec xôhô tige, dɨ i lê ngwe nêl bêga ên nêbê, “Xomxo wê viac i yuac nivɨha” dɨ lê ngwe nêl bêga ên nêbê, “Xomxo wê nêl kɨyang nôn.” Xomxo tyo obêc yaxên xomxo nên kɨyang dɨ obêc vông vevac vô he ge od obêc vông tɨyi xovôên nivɨha wê yêp vô i ge.

Levelesen 20:15

Anutu kɨtong kɨpihac ti wê he wê ob dô mavɨha ge lê yêp vac. Om xomxo ti va lê obêc ma ên kɨpihac tige ge od Anutu obêc nêx i la vac madia wê ngwax tum vac ge, dɨ i lê obêc yêp vac ge od ob dô mavɨha luta.

Levelesen 22:1

Nang dêc angela tige hɨlung mia levac wê mavɨha dôên ge ti vô a. Mia tige xêseac ta tɨyi xocbê deac ge, dɨ lam vac sia king wê Anutu hɨxôn bwoc Sipsip Nu vông ge dɨ lam la,

Levelesen 22:17

Myakɨlôhô Ngɨbua hɨxôn xomxo vông vinên vɨhati nêl bêga nêbê, “Yesu, ông lam!” Om xomxo wê ob ngô kɨyang tiga ge he i nêl bêga bê, “Yesu, ông lam!” Dɨ xomxo wê xo mia ên nêb ob num ge, he vɨhati i lam num mia mavɨha dôên wê Anutu ob vông pɨleva vô he ge.

Levelesen 3:14

Nang dêc Yesu nêl vô a ên nêbê, “Ông kɨvuu a kɨyang ga i loc vô xomxo wê tu konglegesen Leodisia nên bazub ge bêga bê kɨyang nôn kehe a, dɨ a mi nêl Anutu kɨyang vɨhati ge yêp nivɨha, dɨ a o yax ti vun lêm, dɨ susu vɨhati wê Anutu tung ge a tu kehe ên.

Levelesen 3:7

Nang dêc Yesu nêl vô a ên nêbê, “Ông kɨvuu a kɨyang ga i loc vô xomxo wê tu konglegesen Piladelpia nên bazub ge bêga bê a ga, a xomxo ngɨbua dɨ a kɨyang nôn kehe. A kô ki wê Devit vông ge. Om a obêc tax vuayen ge od ti o tɨyi wê ob tung lec ge lêm, dɨ a obêc tung lec ge od ti o tɨyi wê ob tax i tii vac ge lêm.