Yesu Kɨlisi xolac nivɨha wê Jon kɨvuu ge 14:1 - Patep

¹ Yesu nêl vô he ên nêbê, “Xam nɨlôm i o lêc vô vɨyin lêm. Xam vông i vin Anutu, om xam vông i vin a hɨxôn.

Yesu Kɨlisi xolac nivɨha wê Jon kɨvuu ge 14:1 ပူးပေါင်းရင်းမြစ်များ

Yesu Kɨlisi xolac nivɨha wê Jon kɨvuu ge 11:33

Yesu yê wê Malia he Yuda wê lam hɨxôn i ge byag ge, om Yesu yetac dɨ nɨlô vô vɨyin mabu.

Yesu Kɨlisi xolac nivɨha wê Jon kɨvuu ge 12:27

“Gwêbaga a nɨlôg vô vɨyin levac om a ob nêl bêna? A ob nêl bê ‘Mag, ông vô vɨyin tiga vêl ên a’? Ma vêl, a ob nêl bêge lêm. Ên a lam ên a nêb a ob kô vɨyin tige.

Yesu Kɨlisi xolac nivɨha wê Jon kɨvuu ge 12:44

Yesu keac vya levac yêp seac ên nêbê, “Xomxo ti obêc vông i vin a ge od o vông i vin aca va tibed lêm. Nge, vông i vin xomxo ti wê vông a lam ge hɨxôn.

Yesu Kɨlisi xolac nivɨha wê Jon kɨvuu ge 13:19

Kɨyang tige gên o vô nôn lec lêm, lêc a nêb a ob nêl kɨtong vô xam tax, ên obêc vô nôn lec tɨmuên ge od xam xovô bê a xomxo tyo.

Yesu Kɨlisi xolac nivɨha wê Jon kɨvuu ge 16:24

Ilage xam o kɨtaa susu ti lec a lêg lêm, om xam obêc kɨtaa ge od xam ob kô nôn dɨ xêmyaa obêc vô nivɨha yang.

Yesu Kɨlisi xolac nivɨha wê Jon kɨvuu ge 16:3

He ob vông môp tibêge, ên he lungên Mag dɨ lungên a.

Yesu Kɨlisi xolac nivɨha wê Jon kɨvuu ge 16:6

ên kɨyang wê a nêl vô xam gwêbaga vông xam dô hɨxôn nɨlôm vɨyin.

Yesu Kɨlisi xolac nivɨha wê Jon kɨvuu ge 5:23

Ma vông bêge ên nêb xomxo vɨhati i pɨmil nu tuc lê i tɨyi xocbê he pɨmil Ma lê ge. Xomxo ti obêc pɨmil nu lêm ge od tɨyi xocbê o pɨmil Ma wê vông i lam ge lê lêm.

Yesu Kɨlisi xolac nivɨha wê Jon kɨvuu ge 6:40

Ên Mag nêl kɨyang yêp bêga nêbê xomxo wê yê nu tuc dɨ vông i vin ge, he vɨhati obêc dô mavɨha luta lêc luta, dɨ a obêc tɨpi vô he kɨdi lec vô buc tɨmuên.”

2 Kolin 2:7

Om gwêbaga xam xêmyaa i vin lec i dɨ xam kɨtya nipaên wê i vông ge vêl dɨ nêl kɨyang malehe vô i, ên obêc dô hɨxôn nɨlô vɨyin levac ge od obêc vông i vô nipaên.

Epesas 1:15

A ngô wê xam vông i vin Apumtau Yesu dɨ xam xêmyaa vin lec xomxo vông vinên vɨhati ge,

2 Tesalonaika 2:2

xomxo ya ob val nêl kɨyang kɨtyooên vô xam ên nêbê buc wê Apumtau ob vena lec ge val pyap. He ya nêl i tɨyi xocbê plopete kɨtyooên mi nêl ge, dɨ he ya nêl ya xovôên wê heche va vông ge, dɨ he ya so ên he nêbê xe kɨvuu kɨyang tibêge vac kɨpihac. Om xam obêc ngô kɨyang kɨtyooên tige ge od xam nɨlôm i o lêc vô vɨyin dɨ xam vông i vin kɨyang tibêge lutibed lêm.

1 Pita 1:21

Yesu lam yib ên il nêd nipaên om il vông i vin Anutu. Anutu tɨpi vô Yesu kɨdi lec mavɨha vac yibên dɨ vông lê levac hɨxôn xêseac wê i vông ge vô i. Om xam vông i vin pyap dɨ bin nôn nivɨha wê Anutu obêc vông vô xam tɨmuên ge.