Yesu Kɨlisi xolac nivɨha wê Jon kɨvuu ge 13:21 - Patep

²¹ Yesu nêl kɨyang tige pyap mêd nɨlô vô vɨyin mabu dɨ i nêl kɨyang seac vô he ên nêbê, “A nêl vɨxôhɨlôg nôn vô xam bêga bê xacxam ti obêc vông a vac tɨbii vevac vɨgê.”

Yesu Kɨlisi xolac nivɨha wê Jon kɨvuu ge 13:21 ပူးပေါင်းရင်းမြစ်များ

Matyu 26:21

mêdêc Yesu nêl vô he ên nêbê, “A nêl vɨxôhɨlôg nôn bêga bê xam ti ob nêl a kɨtong dɨ vông a la vac tɨbii vɨgê.”

Matyu 26:38

Om nêl vô yon ên nêbê, “A nɨlôg vô vɨyin levac tɨyi xocbê a ob xib ge. Om mon dô ga dɨ dô mamvɨha hɨxôn a.”

Yesu Kɨlisi xolac wê Mak kɨvuu ge 14:18

mêd he la dô mɨ ya, lêc Yesu nêl ên nêbê, “A nêl hɨxôn nôn vô xam bêga bê xam wê il xa yaên hɨxônma ge ti obêc nêl a kɨtong vô xomxo levac levac.”

Yesu Kɨlisi xolac wê Mak kɨvuu ge 3:5

Om Yesu yê he vɨhati manôn dɨ xêyaa vô myavɨnê vô he, dɨ nɨlô vô vɨyin ên wê he nɨlô xêkɨzêc ta dɨ he o vông i vin lêm ge, om nêl vô xomxo vɨgê nipaên tige ên nêbê, “Tɨtô vɨgêm.” Mêgem xomxo tyo tɨtô vɨgê lêc vɨgê vô nivɨha lec.

Yesu Kɨlisi xolac nivɨha wê Jon kɨvuu ge 11:33

Yesu yê wê Malia he Yuda wê lam hɨxôn i ge byag ge, om Yesu yetac dɨ nɨlô vô vɨyin mabu.

Yesu Kɨlisi xolac nivɨha wê Jon kɨvuu ge 11:35

Mêgem Yesu byag,

Yesu Kɨlisi xolac nivɨha wê Jon kɨvuu ge 11:38

Yesu nɨlô vô vɨyin levac dɨ i mɨla vô lôva wê he lii Lasalas yêp vac ge. Lôva tige le vac ngɨdax dɨ he lax ngɨdax ti le vac lôva mya xôn.

Yesu Kɨlisi xolac nivɨha wê Jon kɨvuu ge 12:27

“Gwêbaga a nɨlôg vô vɨyin levac om a ob nêl bêna? A ob nêl bê ‘Mag, ông vô vɨyin tiga vêl ên a’? Ma vêl, a ob nêl bêge lêm. Ên a lam ên a nêb a ob kô vɨyin tige.

Yesu Kɨlisi xolac nivɨha wê Jon kɨvuu ge 13:18

“Lêc a o nêl kɨyang tiga lec xam vɨhati lêm. Xam wê a vɨnoo xam mɨ xam tu axe ge, a xovô xam pyap. Lêc kɨyang wê yêp vac xolac ge ob vô nôn lec, kɨyang wê nêl bêga nêbê, ‘Xomxo ti wê ya yaên hɨxôn a ge kô vɨxa lec kɨsii, nêb ob kê a.’

Yesu Kɨlisi xolac nivɨha wê Jon kɨvuu ge 13:2

Vɨgwe huc mêd Yesu he nue ngɨvihi ya yaên mɨ dô. Lêc Seten vông xovôên vô Judas Iskaliot wê Saimon nu ge ên nêb i nêl Yesu kɨtong vô tɨbii vevac.

Yesu Kɨlisi xolac nivɨha wê Jon kɨvuu ge 13:22

Lêc Yesu nue ngɨvihi lungên kɨyang tige kehe om yêma manôn, ên nêb mêd nêl kɨyang tige lec letya?

Sinale 17:16

Pol dô bin Sailas yuu Timoti gê Atens, lêc yê wê anutu kɨtyooên tɨbeac dô vac vɨgwe tige om vông i nɨlô vô vɨyin.

1 Jon 2:19

Xomxo nipaên tigee dô vac il mahɨgun lê, lêc sea il, ên he o il lige vông vinên lêm. Ên he obêc il lige ge od he obêc dô hɨxôn il. Lêc he sea il, om ge nêl he kɨtong seac nêbê he o il lige ya lêm.