Yesu Kɨlisi xolac nivɨha wê Jon kɨvuu ge 13:1 - Patep

¹ Buc Pasova vô kwabo lec, om Yesu xovô nêbê buc wê ob sea kɨbun dɨ lax mɨ la vô Ma ge val vô kwabo lec pyap. Yesu xêyaa vin lec nue wê dô kɨbun ga tɨyi buc vɨhati dɨ i la tyip lec buc wê ob yib lec ge.

Yesu Kɨlisi xolac nivɨha wê Jon kɨvuu ge 13:1 ပူးပေါင်းရင်းမြစ်များ

Matyu 26:45

Pyap dêc Yesu vena vô yon dɨ nêl vô yon ên nêbê, “Bêna lec mon dɨwêp seac vêlê? Mon wê lê, hɨyôv manôn ga wê xomxo ob vông a, Xomxo Nu, vac tɨbii nipaên vɨgê.

Matyu 28:20

Dɨ xam tɨxuu he ya kɨyang vɨhati wê a nêl vô xam ge ên he i tɨmu vô. Xam ngô lê. A obêc dô hɨxôn xam i tɨyi buc vɨhati dɨ i loc tyip lec buc wê lag yuu kɨbun myahɨpu obêc tɨyôô vac ge.”

Yesu Kɨlisi xolac wê Luk kɨvuu ge 22:53

Ilage a mi dô hɨxôn xam vac Anutu xumac ngɨbua tɨyi buc vɨhati, lêc xam o hôm a xôn lêm. Lêc gwêbaga buc wê xam vông, om xêkɨzêc wê mapɨtoc vông ge vô levac.”

Yesu Kɨlisi xolac wê Luk kɨvuu ge 9:51

Buc vô kwabo lec wê Yesu ob lax mɨ la lag puunê ge, mêd Yesu nêb ob la Jelusalem,

Yesu Kɨlisi xolac nivɨha wê Jon kɨvuu ge 11:55

Buc levac wê Yuda ob xovô buc Pasova Isip ilage vô kwabo lec, om xomxo tɨbeac vac vɨgwe toto ge kɨtuc la Jelusalem tax, ên nêb ob la viac he ên buc tige.

Yesu Kɨlisi xolac nivɨha wê Jon kɨvuu ge 12:23

Lêc Yesu nêl vô yuu ên nêbê, “Buc wê Xomxo Nu ob kô lê levac ge vô kwabo lec pyap.

Yesu Kɨlisi xolac nivɨha wê Jon kɨvuu ge 13:29

He xovô ên he nêbê Judas mi viac tin wê he mone mi dô vac ge om he ya xo ên he nêb Yesu mêd nêl vô Judas nêb i loc kɨsuu yaên wê he ob ya lec buc levac ge, me nêb i loc vông mone vô tɨbii wê nên mone maên ge.

Yesu Kɨlisi xolac nivɨha wê Jon kɨvuu ge 13:3

Yesu xovô nêbê Ma vông xêkɨzêc vô i pyap, dɨ xovô nêbê i lam vô Anutu dɨ obêc lax mɨ la vô Anutu i tii vac nang.

Yesu Kɨlisi xolac nivɨha wê Jon kɨvuu ge 13:34

A ob nêl xolac paha ti vô xam bêga bê xam xêmyaa i vin lecma. A xêgyaa vin lec xam om xam xêmyaa i vin lecma i tɨyi xocbê a xêgyaa vin lec xam ge.

Yesu Kɨlisi xolac nivɨha wê Jon kɨvuu ge 14:28

Xam ngô wê a nêl vô xam ên a nêbê, ‘A ob sea xam dɨ la, dêc a obêc vena vô xam i tii vac.’ Xam xêmyaa obêc vin lec a ge od xam xêmyaa obêc vô nivɨha ên wê a ob la vô Mag ge, ên Mag ge xomxo levac luu a vêl.

Yesu Kɨlisi xolac nivɨha wê Jon kɨvuu ge 14:31

A nêb xomxo kɨbun ga vɨhati he i xovô bê a xêgyaa vin lec Mag, om a ob vông yuac vɨhati i tɨyi wê Mag nêl vô a ge. Om xam kɨdi lec ên il ob la.

Yesu Kɨlisi xolac nivɨha wê Jon kɨvuu ge 16:28

Ilage a dô hɨxôn Mag lêc a sea Mag dɨ lam kɨbun, dɨ gwêbaga a ob sea kɨbun dɨ lax mɨ la vô Mag i tii vac.”

Yesu Kɨlisi xolac nivɨha wê Jon kɨvuu ge 17:1

Yesu nêl kɨyang tige pyap dɨ manôn la kɨsii dɨ i nêl ên nêbê, “Mag, buc tyo val pyap, om ông vông a lêg i vô levac, êdêc a vông ông lêm i vô levac.

Yesu Kɨlisi xolac nivɨha wê Jon kɨvuu ge 17:16

He kehe o kɨbun ga lêm, tɨyi xocbê a kehe o kɨbun ga lêm.

Yesu Kɨlisi xolac nivɨha wê Jon kɨvuu ge 17:26

A nêl ông lêm kɨtong vô he dɨ a ob nêl i tii vac vô he, ên môp wê ông xêmyaa vin lec a ge i yêp vac he nɨlô dɨ a dô vac he nɨlô hɨxôn.”

Yesu Kɨlisi xolac nivɨha wê Jon kɨvuu ge 17:5

Mag, ilage wê kɨbun gên ma ge od a dô hɨxôn ông vac xêseac, om gwêbaga a nêb ông vông xêseac tige vô a i tii vac nang.

Yesu Kɨlisi xolac nivɨha wê Jon kɨvuu ge 18:4

Yesu xovô môp wê he ob vông vô i ge vɨhati pyap om la kwabo vô he dɨ kɨnêg vô he ên nêbê, “Xam myag letya?”

Yesu Kɨlisi xolac nivɨha wê Jon kɨvuu ge 19:28

Tige pyap mêd Yesu xovô nêbê yuac vɨhati pyap, om nêl ên nêbê, “A ob num mia.” Yesu nêl bêge om kɨyang bo ti wê yêp vac kɨpihac xolac ge vô nôn lec.

Yesu Kɨlisi xolac nivɨha wê Jon kɨvuu ge 2:13

Buc levac Pasova wê he Yuda ob xovô buc Isip ilage vô kwabo lec, om Yesu la Jelusalem

Yesu Kɨlisi xolac nivɨha wê Jon kɨvuu ge 6:4

Mêd buc ngɨbua wê Yuda ob yê Pasova ên xovô buc wê he sea Isip ilage vô kwabo lec.

Yesu Kɨlisi xolac nivɨha wê Jon kɨvuu ge 7:30

Mêgem xomxo tigee nêb ob hôm Yesu xôn, lêc Yesu buc gên o vô kwabo lec lêm, om xomxo ti o tɨyi wê ob hôm vɨgê lec i ge lêm.

Yesu Kɨlisi xolac nivɨha wê Jon kɨvuu ge 7:6

Mêd Yesu nêl vô he ên nêbê, “A buc gên o vô kwabo lec lêm, dom xam ge, xam tɨyi wê xam ob la tɨyi buc vɨhati ge.

Yesu Kɨlisi xolac nivɨha wê Jon kɨvuu ge 8:20

Yesu nêl xolac vô xomxo vac Anutu xumac ngɨbua, vac nɨlô ti wê he tung mone daa vac ge, om nêl kɨyang tige hɨxôn vô he. Lêc xomxo ti o hôm i xôn lêm, ên buc wê i vông ge o vô kwabo lec lêm.

Kɨpihac wê Pol kɨvuu vô tɨbii Lom ge 8:37

Kɨyang nêl bêge, lêc vɨyin ge susu vɨdaaên. Ên Yesu xêyaa vin lec il dɨ vông xêkɨzêc vô il, om il ob yax mang vô vɨyin wê ob tulec il ge dɨ le xêkɨzêc ya vông vinên.

1 Kolin 1:8

Dɨ il lig Apumtau Yesu Kɨlisi vaci ob ngɨdu xam xôn dɨ xam le pɨlihi, om buc wê Kɨlisi ob vena lec ge, od xam nêm soên ti ob yêp i tii vac vô xam lêm.

Hiblu 3:14

Ên ilage il ngô Kɨlisi kɨyang dɨ vông i vin. Om gwêbaga il ob hôm vông vinên wê il vông ge xôn pɨlihi dɨ i loc tyip vô buc wê il ob xib lec ge. Il obêc vông bêge ge od il obêc la dô madvɨha hɨxôn Kɨlisi.

Hiblu 3:6

Dom Kɨlisi ge Anutu nu nôn, om o vông yuac tɨyi xocbê Anutu nu yuac ti lêm. Nge, vông yuac tɨyi xocbê ma ob vông vô nu ti. Om tu Anutu nue nên levac dɨ vông yuac wê Anutu vông vô i ge nivɨha. Mêgem il obêc hôm vông vinên wê il vông ge xôn pɨlihi dɨ dô hɨxôn xêdyaa nivɨha dɨ bin vɨzid wê Anutu nêb obêc vông vô il ge od ge wê il obêc dô i tɨyi Anutu nue.

Hiblu 6:11

Mêgem xe xo vɨnux yang ên xe nêb xam toto vông yuac tige i xêkɨzêc ta dɨ hôm vông vinên wê xam vông ge xôn pɨlihi, dɨ bin buc wê Anutu ob tyuc xam ge,

1 Pita 1:13

Mêgem xam viac pɨyôp i yêp nivɨha, dɨ xam viac xam nivɨha dɨ vông xam pɨyôp yuu nɨlôm i loc dɨluhu vô vɨzid nivɨha wê Yesu Kɨlisi obêc vông vô xam vô buc tɨmuên wê obêc vena seac vô xam ge.

1 Jon 4:19

Il xêdyaa vin lec Anutu dɨ vin lec lige, dɨ kehe bêga bê Anutu vaci xêyaa vin lec il tax.

Levelesen 1:5

Yesu Kɨlisi ge wê nêl kɨyang vɨhati kɨtong yêp seac dɨ o yax ti vun lêm, dɨ i mugên wê kɨdi lec mavɨha vac yibên ge dɨ ngɨnoo king wê dô kɨbun ga vɨhati vêl dɨ tu he nên xomxo levac. Om a nêb i vông vɨzid nivɨha i lam vô xam dɨ vông xam nɨlôm i vô malehe lec. Yesu xêyaa vin lec il, om ici va hi wê kɨpyax sea ge kɨtya il nêd nipaên vêl,