Yesu Kɨlisi xolac nivɨha wê Jon kɨvuu ge 1:13 - Patep

¹³ Môp wê he tu Anutu nue ge o tɨyi xocbê môp wê xomxo kɨbun ga kô nue ge lêm, dɨ kehe o yêp vac xovôên wê xomxo vông ge lêm. Nge, Anutu vaci vông he tu i nue.

Yesu Kɨlisi xolac nivɨha wê Jon kɨvuu ge 1:13 ပူးပေါင်းရင်းမြစ်များ

Matyu 3:9

Dɨ le i lêc yong xacxam va dɨ xo bê Eblaham bue xam lêm. Ên a ob nêl vô xam bê Anutu tɨyi wê ob nêl dɨ ngɨdax tigae ob tu Eblaham bue ge.

Yesu Kɨlisi xolac nivɨha wê Jon kɨvuu ge 3:3

Mêd Yesu nêl vô i ên nêbê, “A nêl hɨxôn nôn vô ông bê xomxo ti obêc vô paha lec lêm ge od ob tu Anutu nu mɨ la dô vac i ben lêm.”

1 Kolin 3:6

Om ge tɨyi xocbê a loc xin vê vac yuac, nang dêc Apolos loc pɨvux ya mia, lêc Anutu ge wê vông vê tyip mɨ vô levac.

Pilipai 2:13

Xam tɨyi wê xam ob vông bêge, ên Anutu vông yuac vac xam nɨlôm, om ob vông xam xo môp yuu yuac wê i yê nivɨha ge, dɨ ob vông xam tɨmu vô.

Taitas 3:5

ge wê i vô il vêl ên il nêd nipaên. Lêc Anutu o vô il vêl ên il nêd nipaên ên yuac nivɨha ti wê il vông ge lêm. Nge, Anutu vaci xo vɨgwe pɨsiv ên il, om lipac il vô paha lec dɨ il tu i nue paha, dɨ Myakɨlôhô Ngɨbua vông il dô madvɨha.

Jems 1:18

Anutu vaci xovô nêb ob vông il tu i nue om vông il vô paha lec ya kɨyang nôn wê i vông ge. Anutu vông bêge, ên nêb il tu i nue mugên wê il luu susu vɨhati wê i tung ge vêl.

1 Pita 1:23

Xam tu xomxo paha tɨyi xocbê xam yubac paha tii vac nang ge. Lêc tame o kô xam tii vac tɨyi wê xam ob wib ge lêm. Nge, Anutu xolac vông xam vô paha lec, om xam obêc dô mamvɨha luta. Xolac tiga mavɨha dɨ obêc yêp luta lêc luta.

1 Pita 1:3

Il ob pɨmil Anutu wê il lig Apumtau Yesu Kɨlisi Ma yuu Anutu ge lê. Ên Anutu xo vɨgwe pɨsiv ên il luu vêl, om vông il tu xomxo paha xocbê il yubac paha tii vac ge ên wê Yesu Kɨlisi kɨdi lec mavɨha vac yibên. Om il xovô ên il nêbê il obêc dô madvɨha luta lêc luta, dɨ il bin buc wê Anutu obêc vena kô il ge.

1 Pita 2:2

Il xovô ên il nêbê il nuge nipwo mi byag tɨyi buc vɨhati ên nêb ob lul. Om he mi lul dɨ le lig hɨxôn xêkɨzêc dɨ vô levac. Om xam êno byag ên lul wê nivɨha ge i tɨyi buc vɨhati. Lul ge Anutu kɨyang nôn. Om xam kɨtong Anutu kɨyang i tɨyi buc vɨhati ên i ngɨdu xam xôn dɨ xam le xêkɨzêc mɨ dô nimvɨha, dɨ i loc tyip lec buc wê xam obêc la dô mamvɨha hɨxôn Anutu ge.

1 Jon 3:9

Xomxo wê Anutu nue ge obêc vông môp nipaên lêm, ên mavɨha wê Anutu vông ge lam le vac he nɨlô pyap. Om he tɨyiên ma wê he ob vông nipaên ge, ên he tu Anutu nue pyap.

1 Jon 4:7

Xam lige, il xêdyaa i vin lecma, ên xêyaa vin lecên kehe yêp vô Anutu tibed, om xomxo wê xêyaa vin lec lie ge, ge wê tu Anutu nue dɨ xovô i nivɨha.

1 Jon 5:1

Xomxo vɨhati wê vông i vin Yesu ên nêb i Kɨlisi wê Anutu vông i lam ge, ge he tu Anutu nue. Dɨ he xêyaa obêc vin lec Mag Anutu ge od he xêyaa obêc vin lec Anutu nue hɨxôn.

1 Jon 5:18

Il xovô pyap ên il nêbê xomxo wê tu Anutu nue ge ob vông môp nipaên lêm, ên Yesu, Anutu nu, viac he nivɨha dɨ kɨsuu he lec ên nêb Seten i o lêc vông he vô nipaên lêm.

1 Jon 5:4

ên xomxo vɨhati wê tu Anutu nue ge, ge wê ob le xêkɨzêc dɨ pwoo nipaên kɨbun ga pec. Vông vinên wê il vông ge, ge wê ob pwoo nipaên kɨbun ga pec.