Yesu Kɨlisi xolac nivɨha wê Jon kɨvuu ge 1:1 - Patep

¹ Ilage vô buc taxlee ge, kɨyang tyo dô. Kɨyang tyo dô hɨxôn Anutu, dɨ ici va Anutu.

Yesu Kɨlisi xolac nivɨha wê Jon kɨvuu ge 1:1 ပူးပေါင်းရင်းမြစ်များ

Matyu 1:23

“Wê lê. Vêxwo ti ob xêyaa dɨ kô nu ti dɨ ob nêl i lê nêbê Emanyuel.” Plopete nêl bêge, dɨ lê Emanyuel kehe bêga nêbê Anutu dô hɨxôn il.

Yesu Kɨlisi xolac wê Luk kɨvuu ge 24:53

mêd tɨyi buc vɨhati ge he la pɨmil Anutu vac xumac ngɨbua.

Yesu Kɨlisi xolac nivɨha wê Jon kɨvuu ge 1:14

Kɨyang lam tu xomxo gê kɨbun ga dɨ i dô vac xe mahɨgun, om xe xê xêseac wê i vông ge. Xêseac tige Anutu vông vô nu tuc tibed, dɨ xêyaa vin lecên yuu kɨyang nôn hɨvun i xôn.

Yesu Kɨlisi xolac nivɨha wê Jon kɨvuu ge 1:18

Xomxo ti o yê Anutu lec manôn lêm. Nu tuc tibed wê dô hɨxôn Ma Anutu ge wê lam nêl Anutu kehe kɨtong vô il.

Yesu Kɨlisi xolac nivɨha wê Jon kɨvuu ge 1:2

Vô buc mugên ilage i dô hɨxôn Anutu,

Yesu Kɨlisi xolac nivɨha wê Jon kɨvuu ge 16:28

Ilage a dô hɨxôn Mag lêc a sea Mag dɨ lam kɨbun, dɨ gwêbaga a ob sea kɨbun dɨ lax mɨ la vô Mag i tii vac.”

Yesu Kɨlisi xolac nivɨha wê Jon kɨvuu ge 17:5

Mag, ilage wê kɨbun gên ma ge od a dô hɨxôn ông vac xêseac, om gwêbaga a nêb ông vông xêseac tige vô a i tii vac nang.

Yesu Kɨlisi xolac nivɨha wê Jon kɨvuu ge 20:28

Mêd Tomas nêl vô i ên nêbê, “Ông ge a Apumtau, dɨ ông a Anutu.”

Yesu Kɨlisi xolac nivɨha wê Jon kɨvuu ge 8:58

Mêd Yesu nêl vô he ên nêbê, “A nêl hɨxôn nôn vô xam bê buc wê Eblaham gên ma ge od a dô tax.”

Kɨpihac wê Pol kɨvuu vô tɨbii Lom ge 9:5

dɨ he ge wê he pum lec Eblaham yuu Aisak dɨ Jekop wê he bue taxlee ge, dɨ Yesu lam tu xomxo gê kɨbun ga ge od kehe yêp vac Islel. Kɨlisi ge Anutu, dɨ ici va tu susu vɨhati kehe, om il ob pɨmil i lê i vô levac dɨ i yêp luta lêc luta. Nôn.

Epesas 3:9

Anutu ge wê tung susu lag yuu kɨbun vɨhati, dɨ ilage môp wê Anutu nêb ob vông ge yêp xôpacên vac i pɨyôp dɨ i val tyip gwêbaga. Lêc gwêbaga Anutu vông yuac vô a ên nêb a loc nêl kɨyang xôpacên tige i yêp seac vô xomxo vɨhati.

Pilipai 2:6

Ên Yesu Kɨlisi yuu ma Anutu dô nôn tibed lê, lêc Yesu o hôm môp wê yuu ma dô tɨyima ge pɨlihi lêm.

Kolosi 1:15

Il o xê Anutu lec madnôn lêm, lêc Anutu nu tuc ge tɨyi xocbê Anutu vaci, dɨ i tu mugên ên susu vɨhati wê Anutu tung ge.

Kolosi 1:17

Nu tuc dô taxlee dɨ susu vɨhati ge ti o dô hɨxôn i lêm. Nge, ici va tung susu vɨhati, om gwêbaga he dô ya xêkɨzêc wê ici va vông ge.

1 Timoti 3:16

Anutu kɨyang nôn ge kehe levac mabu, om xomxo ti o tɨyi wê ob yax vun bê xolac nôn maên ge lêm. Kɨyang tige kehe nêl bêga ên nêbê, Kɨlisi lam tu xomxo kɨbun ga mɨ xomxo yê i, dɨ Myakɨlôhô Ngɨbua nêl kɨtong ên nêbê Kɨlisi ge xomxo nivɨha. Angela yê i, dɨ xomxo la nêl i kɨtong vac vɨgwe vɨyang vɨyang, dɨ xomxo kɨbun ga vông i vin i, dɨ Anutu kô i mɨ lax mɨ la lag puunê.

Taitas 2:13

Il ob bin nôn nivɨha ti wê ob vông il xêdyaa vô nivɨha ge. Nôn tige bêga nêbê il Mag Anutu wê levac ge hɨxôn Yesu Kɨlisi wê vô il vêl ên il nêd nipaên ge obêc vena hɨxôn xêseac wê i vông ge dɨ lam le seac vô il.

Hiblu 13:8

Yesu Kɨlisi dô ila dɨ gwêbaga dɨ obêc dô luta, dɨ obêc pɨlepac i lêm.

Hiblu 7:3

Xomxo o vyac kɨvuu Melkisedek lê mɨ nêl kɨtong lêm, om il lungên Melkisedek ta yuu ma, dɨ mae bue taxlee, dɨ buc wê yubac lec ge, dɨ buc wê yib lec ge êno. Melkisedek ge tɨyi xocbê Anutu nu tuc ên wê kô yuac Hetplis wê ob yêp luta ge.

2 Pita 1:1

A, Saimon Pita, a ga Yesu Kɨlisi nu yuac dɨ a tu sinale ti. A kɨvuu kɨpihac tiga loc vô xam wê xam vông i vin Anutu tɨyi xocbê xe vông i vin ge. Môp vông vinên tige nivɨha. Il vông i vin lec môp nivɨha wê Kɨlisi vông ge. Yesu Kɨlisi ge il Anutu i wê vô il vêl ên il nêd nipaên.

1 Jon 5:20

Il xovô ên il nêbê Anutu nu tuc lam vông xovôên vô il ên nêb il xovô Anutu nôn. Mêd gwêbaga il dô vac Anutu yuu nu tuc Yesu Kɨlisi nɨlô. Dɨ Anutu ge, Anutu nôn vɨxôhɨlôg dɨ mavɨha kehe wê il ob dô madvɨha luta lêc luta ge.

1 Jon 5:7

Om yon wê nêl Yesu kɨtong nêbê Yesu ge Anutu nu ge,

Levelesen 1:11

dɨ nêl bêga vô a ên nêbê, “A ob hɨlung buc wê ob val tɨmuên ge vô ông mɨ ông wê dɨ kɨvuu i tɨyi xocbê ông ob wê ge vac kɨpihac dɨ vông i loc vô xomxo vông vinên vac vɨgwe vɨgê vɨlu dɨ sec yuu ge. Vɨgwe tigee lê nêbê Epesas, Smena, Pegamam, Taiataila, Sadis, Piladelpia, dɨ Leodisia.”

Levelesen 1:17

A xê bêge, om a xona dɨ vɨxog mɨ la xêp kɨbun vac i vɨxa kwa ngɨbi xocbê a xib ge. Mêlêc i vyax vɨgê hɨyôv lec a dɨ nêl vô a ên nêbê, “Ông xonaên i ma, ên a xomxo mugên dɨ tɨmuên,

Levelesen 1:2

Om a Jon, a xê pyap, om a nêb a obêc nêl Anutu kɨyang tige kɨtong i yêp seac vô xam, dɨ a obêc nêl Yesu Kɨlisi kɨyang kɨtong vô xam hɨxôn bêga nêbê kɨyang tige nôn vɨxôhɨlôg.

Levelesen 1:8

Apumtau Anutu wê xêkɨzêc kehe ge dô mugên ilage dɨ dô gwêbaga dɨ obêc dô luta lêc luta, dɨ i nêl ên nêbê, “Aca va mugên dɨ tɨmuên.”

Levelesen 19:13

Dɨ i vɨnyum ngakwi dia ti wê hi lipac lec ge dɨ xomxo nêl i lê ên nêbê, “Anutu kɨyang nôn.”

Levelesen 2:8

Nang dêc Yesu nêl vô a, Jon ên nêbê, “Ông kɨvuu a kɨyang ga i loc vô xomxo wê tu konglegesen Smena nên bazub ge bêga bê a xomxo mugên dɨ tɨmuên wê a xib lêc kɨdi lec magvɨha nang ge.

Levelesen 21:6

Gwêbaga yuac vɨhati wê a vông ge pyap vac. A ga, aca va xomxo mugên dɨ tɨmuên, dɨ a tu susu vɨhati yang kehe, dɨ a vông a yuac vɨhati la tɨyi. Xomxo ti obêc nêb num mia ge od a obêc vông mia mavɨha dôên mɨ i num. Lêc ob kɨsuu vô a lêm. Nge, a ob vông pɨleva mɨ i num.

Levelesen 22:13

A ga a xomxo mugên dɨ tɨmuên, dɨ a dô buc mugên taxlee ge, dɨ a obêc dô luta lêc luta, dɨ susu vɨhati yang ge a tu kehe, dɨ a ob vông a yuac vɨhati loc tɨyi myahɨpu.

Levelesen 3:14

Nang dêc Yesu nêl vô a ên nêbê, “Ông kɨvuu a kɨyang ga i loc vô xomxo wê tu konglegesen Leodisia nên bazub ge bêga bê kɨyang nôn kehe a, dɨ a mi nêl Anutu kɨyang vɨhati ge yêp nivɨha, dɨ a o yax ti vun lêm, dɨ susu vɨhati wê Anutu tung ge a tu kehe ên.