Jems 5:19 - Patep

¹⁹ Xam lige, xam lime ti obêc sea xolac nôn dɨ la vac môp nipaên, lêc li ngwe obêc dɨdii i lôm vac nivɨha ge,

Jems 5:19 ပူးပေါင်းရင်းမြစ်များ

Matyu 18:15

“Ông lim ti obêc vông nipaên ti vô ông ge od ôcông va loc vô i dɨ muu dô dɨ ông nêl i nên nipaên kɨtong vô i. Dɨ obêc ngô ông kɨyang ge od tɨyi xocbê ông kô i mɨ lôm vac xam mahɨgun.

Yesu Kɨlisi xolac wê Luk kɨvuu ge 22:32

Lêc a kɨtaa vô Anutu lec ông ên a nêbê ông o lêc sea vông vinên lêm. Dɨ buc wê ông ob pɨlepac ông mɨ lax vô Anutu ge od ông ngɨdu lime nên vông vinên xôn.”

Galesia 6:1

Xam lige, lime vông vinên ti obêc vông môp nipaên ti ge od xam wê xam mi tɨmu vô môp wê Myakɨlôhô Ngɨbua vông ge, xam lum nêl kɨyang malehe vô i dɨ kô i mɨ lôm vac môp nivɨha. Dɨ xam toto ge, xam xona nêm, ên Seten i o lêc dɨdii xam vac môp nipaên hɨxôn lêm.

1 Timoti 6:10

Ên môp wê xomxo xêyaa vin lec mone ge tu môp nipaên vɨhati ge kehe. Xomxo ya gee, he vông nɨlô la vô mone, om môp tige dɨdii he la vac nipaên dɨ he sea vông vinên wê he vông ge, om he kɨlê vɨyin levac.

1 Timoti 6:21

Xomxo ya vông nɨlô la vô kɨyang kɨtyooên tibêge, om he sea vông vinên wê he vông ge. Xêyaa vin lecên wê Anutu vông ge i ngɨdu xam xôn.

2 Timoti 2:18

Yuu sea kɨyang nôn dɨ nêl kɨyang kɨtyooên bêga ên nêbê, “Il kɨdi lec vac yibên pyap.” Yuu mi nêl bêge mɨ xomxo vông vinên ya ngô, om vông vinên wê he vông ge vô nipaên.

Hiblu 5:2

Lêc xomxo tige, xomxo xêlehelehe wê môp nipaên tɨxuu i tɨyi xocbê tɨxuu il ge. Om ob lum nêl kɨyang vô xomxo wê lungên môp nivɨha dɨ sea Anutu vông môp mɨ la vac nipaên ge.

Jems 1:16

Om xam lige, le i lêc vông i vin kɨyang kɨtyooên wê nêl ên nêbê Anutu ob dɨdii il vac nipaên ge lêm.

Jems 1:19

Xam lige, xam vyac xovô môp bêga bê xam vɨhati ngô kɨyang mɨ xovô nivɨha lê, dɨ le i lêc nêl kɨyang lec lutibed lêm, dɨ le i lêc kunacma decdec lêm.

Jems 3:14

Lêc xam obêc dô hɨxôn nɨlôm nipaên vô xomxo ya dɨ xam obêc xovô nêbê xam ob vông i tɨyi wê xam nɨlôm xovô ge ên i vô nivɨha vô xacxam va ge, od xam o lêc yong xam bê xam pɨyôp levac lêm, ên ge xam pwoo kɨyang nôn dɨ nêl kɨyang kɨtyooên.

Jems 5:20

od xam xovô bêga bê xomxo ti obêc vô li ngwe vêl ên môp nipaên ge, od tɨyi xocbê vô li tige vêl ên wê ob yib mɨ la vac nipaên ge, dɨ Anutu ob kɨtya i nên nipaên toto ge vêl.

2 Pita 3:17

Xam lige, xam xovô pyap ên xam nêbê xomxo tigee mi nêl kɨyang kɨtyooên dɨ pwoo Anutu kɨyang vac. Om xam viac xam ên he, gec lêc he dɨdii xam la vac kɨyang kɨtyooên wê he nêl ge dɨ vông xam sea vông vinên wê xam vông ge.

Kɨpihac wê Jut kɨvuu ge 1:11

Anutu obêc vông myavɨwen nipaên luu vêl vô he, ên wê he tɨmu vô môp nipaên wê Ken vông ilage, dɨ he vông he nɨlô la dɨluhu vô mone om he tɨmu vô môp wê Belam vông ilage dɨ nêl kɨyang kɨtyooên dɨ kô mone lec. Dɨ he yong he dɨ nêl kɨyang nipaên lec Anutu tɨyi xocbê Kola vông vô Anutu ilage. Om Anutu ob kɨtya he vêl lec môp tibêgee.